اۋىل – قىستاق جەرىن كوتەرمەگە الۋ زاڭىنا ورگەرىس ەنگىزۋ جوباسىن ەكىنشى رەت قاراۋدا: جەر ساۋداسى ۇقىعىن اينالىمعا سالۋعا ايقىن رۇقسات ەتىلدى
2018.10.24 16:25 كەلۋ قاينارى : حالىق تورابى
حالىق تورابى، 23 – قازان، بەيجيڭ (ءتىلشى لي چياۋچۋ). اۋىل – قىستاقتىڭ نەگىزدىك تيجارات ءتۇزىمىن بەكەمدەپ جانە كەمەلدەندىرىپ، اۋىل – قىستاق جەر ءتۇزىمى رەفورماسىن تەرەڭدەتۋ ءۇشىن، 22 – قازان تۇستەن كەيىن جۇڭحۋا حالىق رەسپۋبليكاسى اۋىل – قىستاق جەرىن كوتەرمەگە الۋ زاڭىنا وزگەرىس ەنگىزۋ جوباسىنىڭ ۇسىنۋىمەن 13 – كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 6 – رەتكى ءماجىلىسى ءۇرتىس قارادى. جوبادا جەر تيجارات ۇقىعىن اينالىمعا سالۋدى قورعايتىندىعى ايقىن ورتاعا قويىلىپ، مەملەكەتتىڭ كوتەرمەگە الۋشىنىڭ جەر تيجارات ۇقىعىن زاڭ بويىنشا، ءوز ەركىمەن، اقىلى اينالىمعا سالۋىن قورعايتىندىعى، ءارقانداي ۇيىم جانە جەكەنىڭ قول سۇعۋىنا بولمايتىندىعى بەلگىلەندى. «ءۇش ۇقىقتى ايىرۋ» رەفورماسىن جەبەۋدە ماڭىزدىسى تيجارات نەگىزدى تۇلعاسىنىڭ اينالىمعا سالۋ توقتامى ارقىلى قول جەتكىزگەن جەر تيجارات ۇقىعىن انىق ۇعىندىرىپ جانە قورعاپ، تيجاراتتىڭ مەجەلى ۋاقىتىنا كەپىلدىك ەتۋ كەرەك. مەملەكەتتىك حالىق قۇرىلتايى نەگىزگى زاڭ جانە زاڭ كوميتەتىنىڭ زەرتتەۋىنشە، جەر تيجاراتىنا قاتىستى ادامدا ءسوزسىز بولۋعا ءتيىستى تاڭداۋ ۇقىعىن بەرۋدە، جەر تيجارات ۇقىعىن تىزىمگە الۋ، كۋالىك بەرۋ ءتۇزىمىن بەلگىلەۋ ارقىلى، ءارقايسى جاقتىڭ ۇقىق – بورىشىن ۇيلەسىمدى تەڭگەرۋمەن بىرگە، ديحانداردىڭ جەر تيجارات ۇقىعىن قايتارىپ الۋ نىسايلارىن ارناعا ءتۇسىرۋ كەرەك. وسى نەگىزدە، مىنا بەلگىلەمەلەر كوبەيتىلدى: «جەر تيجارات ۇقىعىن 5 جىلدان جوعارى اينالىمعا سالۋدا ىسكە قاتىستى ادامنىڭ تىزىمدەۋ قۇرىلىمدارىنا تيجارات ۇقىعىن تىزىمگە الۋ تۋراسىندا ءوتىنىش بەرۋىنە بولادى. تىزىمگە الدىرماسا، ىزگى نيەتتى 3 – ادامعا كەسە – كولدەنەڭ بولۋعا بولمايدى».
بۇدان سىرت ەكىنشى رەت قاراۋدا كوگال، ورماندى وڭىرلەردى كوتەرمەگە الۋ ۋاقىتى تولعاننان كەيىنگى ۇزارتۋ جونىندە دە بەلگىلەمە شىعارىلدى. العاشقى قاراۋدا تەك ەگىستىك جەردى كوتەرمەگە الۋ ۋاقىتى تولعاننان كەيىن تاعى 30 جىل ۇزارتىلاتىندىعى جونىنەن بەلگىلەمە شىعارىلعان ەدى، مەملەكەتتىك حالىق قۇرىلتايى نەگىزگى زاڭ جانە زاڭ كوميتەتىنىڭ زەرتتەۋىندە، اۋىل – قىستاق جەرىن كوتەرمەگە الۋ بايلانىسىنىڭ ۇزاق مەزگىلدىك ورنىقتىلىعىن ساقتاۋ كوگال مەن ورماندى وڭىرلەردى دە كوتەرمەگە الۋ بايلانىسىن قامتۋى كەرەك دەلىندى. سونىمەن مىناداي بەلگىلەمە قوسۋدى ۇسىنىس ەتتى: «كوگال، ورماندى وڭىرلەردى كوتەرمەگە الۋ ۋاقىتى تولعاننان كەيىن الدىڭعى تارماقشاداعى بەلگىلەمەگە ساي سايكەستى ۇزارتىلادى».
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
