مەملەكەتتىك باجى ىستەرى باس مەكەمەسىنىڭ قاتىستى مەڭگەرمەسىنىڭ جاۋاپتىسى مىنانى ءبىلدىردى:
جەكەلەر تابىس باجىسى جونىندەگى رەفورما باجى الۋ جانە باجى باسقارۋ فورماسىندا بۇرىلىس تۋدىرادى
2018.11.19 14:41 كەلۋ قاينارى : حالىق تورابى
شينحۋا اگەنتتىگى، 11 – ايدىڭ 18 – كۇنى، بەيجيڭ (ءتىلشى: حۋ لۋ، يۇي چيۇڭيۋان) جەكەلەر تابىس باجىسى جونىندەگى جاڭا زاڭ كەلەسى جىلى 1 – ايدىڭ 1 – كۇنى رەسمي اتقارىلادى. مەملەكەتتىك باجى ىستەرى باس مەكەمەسى قاتىستى مەڭگەرمەسىنىڭ جاۋاپتىسى 11 – ايدىڭ 18 – كۇنى مىنانى ءبىلدىردى: جەكەلەر تابىس باجىسى جونىندەگى رەفورما باجى الۋ جانە باجى باسقارۋ فورماسىندا بۇرىلىس تۋدىرادى، الدا باجى كاسىبىندىك قىزمەت وتەۋ سالاسىنا قاتىستى نارىقتىڭ دامۋ ءورىسى اناعۇرلىم كەڭەيە تۇسەدى، ءۇش ءتۇرلى وزگەرىستى بەلسەندى تۇردە ىلگەرىلەتىپ، رەفورما جاعدايى مەن نارىقتىڭ تىڭ تالاپتارىنا ىرىقتى تۇردە ۇيلەسۋ كەرەك دەگەن ۇسىنىس بەرەمىن.
بۇل اقپاراتتى ءتىلشى 11 – ايدىڭ 18 – كۇنى جۇڭگو تىزىمگە الىنعان باجى ماماندارى بىرلەستىگى، بەيجيڭ قالالىق تىزىمگە الىنعان باجى ماماندارى بىرلەستىگى ۇيىمداستىرعان جەكەلەر تابىس باجىسى جونىندەگى الەۋمەتتىك يگىلىك سيپاتىنداعى ساباقحانادان ۇعىسقان.
قاتىستى جاۋاپتى ادامنىڭ ايتۋىنشا، جەكەلەر تابىس باجىسى جونىندەگى جاڭا زاڭدا بەلگىلەنگەن نەگىزدىك سوما مولشەرىنىڭ جوعارىلاۋى سەبەبىنەن جەكەلەر تابىس باجىسىن تاپسىراتىنداردىڭ سانى ازايۋى مۇمكىن، الايدا كىرىستىڭ ارتۋىنا ىلەسە، وتە – موتە، ارناۋلى تۇردە قوسىمشا قاراجات ۇستاپ قالۋ شاراسىنىڭ اتقارىلۋىمەن، قاتىستى باجى تاپسىرۋشىلاردىڭ مولشەرى بولاشاقتا تاعى دا ارتا تۇسەدى. جيناقتاۋ مەن تۇرگە ءبولۋدى ۇشتاستىرۋ سىندى رەفورما اياق الىسىنىڭ ۇزدىكسىز تەرەڭدەۋىنە ىلەسە، باجى كاسىبىندىك قىزمەت وتەۋ سالاسىنا قاتىستى نارىقتىڭ دامۋ ءورىسى اناعۇرلىم كەڭەيە تۇسەدى. جەكەلەر تابىس باجىسى جونىندەگى رەفورمانى وراي ەتە وتىرىپ، جەكە تۇلعالارعا باجىعا قاتىستى كاسىپتىك قىزمەت وتەيتىن جاڭا ءداۋىر باستالدى دەپ ايتۋعا بولادى.
سونىمەن بىرگە، ول مىنانى ءبىلدىردى: جەكەلەر تابىس باجىسىنا رەفورما جاساۋ بارىسىندا باجىعا قاتىستى قىزمەت وتەۋ سالاسىنىڭ كاسىپتىك ورەسىنە قويىلاتىن تالاپ اناعۇرلىم جوعارىلايدى. رەفورما بارىسىندا باجى ءتۇزىمىنىڭ قۇرىلىمى تۇبىرىنەن وزگەرەتىندىكتەن، جيناقتاۋ مەن تۇرگە ءبولۋدى ۇشتاستىرۋ سىندى جەكەلەر تابىس باجىسى ءتۇزىمىن ورناتۋدان سىرت، باجى الۋ مەن باجى باسقارۋدىڭ جاڭا فورماسىن دا ەنگىزىپ، باجى تاپسىرۋشى مەن تولەۋشى بورىشكەردىڭ بولاشاقتاعى باجى تاپسىرۋ بورىشىن جانە تولەۋ بورىشىن اتقارۋى بارىسىندا باجى سوماسىن ەسەپتەۋ ءتاسىلى مەن ءادىسى، ءوتىنىش بەرۋ تالابى، سونداي – اق، باجى ىستەرى ورگاندارىنىڭ جەكەلەر تابىس باجىسى جاعىنداعى باجى الۋ جانە باجى باسقارۋىندا بۇكىلدەي وزگەرىستەر تۋىلادى. مەيلى، جەكەلەر بولسىن، الدە مەكەمە ورىندار مەن تولەۋشى بورىشكەرلەر بولسىن، ءبارى دە اناعۇرلىم ماماندانعان، تىڭعىلىقتى قىزمەت وتەۋدى قاجەت ەتەدى، بۇل باجىعا قاتىستى كاسىپتىك قىزمەت وتەۋگە قويىلاتىن تالاپتى جوعارىلاتادى.
سوندىقتان، ول مىناداي ۇسىنىس بەرەدى: باجى ىستەرى ماماندىعى سالاسى باستىسى ءۇش ءتۇرلى وزگەرىستى ىسكە اسىرىپ، جاڭا رەفورما جاعدايى مەن نارىق ورتاسىنا ۇيلەسۋى قاجەت. بۇل وزگەرىستەر — كاسىپورىندىق باجى تاپسىرۋشىعا ءمان بەرۋدەن، كاسىپورىندىق باجى تاپسىرۋشى مەن جەكە تۇلعالىق باجى تاپسىرۋشىعا بىردەي ءمان بەرۋ وزگەرىسى، جالپىعا بىردەي باجى تاپسىرۋ قىزمەتىنەن دارالىق قىزمەت وتەۋ قاجەتىن قاناعاتتاندىرۋ وزگەرىسى، ءداستۇرلى فورمادان «ينتەرنەت +» فورماسىنا ءوتۋ وزگەرىسى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
