شاڭحاي اكتسيا ساۋدا ورنى ەسىك اشۋ بەكىمىن بەينەلەدى (رەفورما جاساپ، ەسىك اشۋدىڭ 40 جىلدىعى اتىنداعى 40 «ءبىرىنشى» ايدارشاسىنداعى جەلىلەس حابارلار)
2018.11.19 17:05 كەلۋ قاينارى : حالىق تورابى
1990 – جىلى 4 – ايدىڭ 18 – كۇنى جۇڭگو ۇكىمەتى شاڭحايدىڭ پۋدۇڭ رايونىن اشىق ۇستاۋدى بەكىتتى. حالىق بانكەسى شاڭحاي قالالىق بولىمشە بانكەسىنىڭ بۇرىنعى باستىعى گۇڭ حاۋچىڭ شاڭحاي اكتسيا ساۋدا ورنى «3 ادامدىق ازىرلىك كورۋ گرۋپپاسىنىڭ» مۇشەسى بولدى، ونىڭ ەسىندە قالۋىنشا، پۋدۇڭ اشىق رايونىنىڭ ەسىك اشۋىنا قولداۋ كورسەتۋ ءۇشىن، شاڭحايعا بەرگەن ساياساتتاردىڭ ىشىندە: شاڭحايدا اكتسيا ساۋدا ورنىن اشۋعا بولادى، دەگەن تارماقشا بار ەكەن.
كەزىندە بۇعان اسقان باتىلدىق قاجەت ەدى. وسىنىڭ الدىندا، شاڭحاي اكتسيانىڭ تەكشەلىك ساۋداسىن جۇرگىزگەن، كولەمى ءبىرشاما شاعىن بولاتىن. سونىمەن اكتسيا ساۋدا ورنى رەسمي شاڭىراق كوتەرىپ، بۇكىل الەمگە جۇڭگونىڭ ەسىك اشۋ بەكىمىن ايگىلەدى.
1990 – جىلى 11 – ايدىڭ 26 – كۇنى مەملەكەتتىك كەڭەستىڭ ۇقىق بەرۋىمەن، جۇڭگو حالىق بانكەسى شاڭحاي اكتسيا ساۋدا ورنىن قۇرۋدى رەسمي بەكىتتى، بۇل جاڭا جۇڭگو قۇرىلعاننان بەرگى قۇرۋعا رۋحسات بەرىلگەن تۇڭعىش اكتسيا ساۋدا ورنى بولدى. سول كۇنى شاڭحاي اكتسيا ساۋدا ورنىن قۇرۋ ءماجىلىسى جانە تۇڭعىش رەتكى مۇشەلەر ءماجىلىسى اشىلدى.
1990 – جىلى 12 – ايدىڭ 19 – كۇنى شاڭحاي اكتسيا ساۋدا ورنىنىڭ تيجارات باستاۋ سالتى تابىستى وتكىزىلدى. ساۋدا ورنى شاڭحاي حۋاڭپۋ داڭعىلى پۋجياڭ مەيمانسارايىنان اشىلىپ، مەيمانسارايدىڭ تاۋىس زالى ساۋدا زالىنا وزگەرتىلدى، ادامدار تەك كينو ەكراندارىنان كورىپ كەلگەن «قىزىل كازەكەي» كيەتىن ساۋدا قىزمەتكەرلەرى مەن «سارى كازەكەي» كيەتىن قىزمەتكەرلەردى ەت كوزدەرىمەن كوردى.
كەزىندە بۇكىل دۇنيە جۇزىندەگى اكتسيا ساۋدا ورىندارى ساۋدا ىستەرىندە قول يشاراتىن پايدالاناتىن، شاڭحاي اكتسيا ساۋدا ورنى قۇرىلا سالىسىمەن ساۋدا ىستەرىنە كومپيۋتەر سەپتەدى. «ا دەپ باستالعاندا ساۋدا ىستەرىندە قول يشاراتىن پايدالانۋدى ويلادىق، الايدا سىناق ەتىپ كورۋدە ساۋدا الاڭى ميشا بىلىعىپ، اعاتتىق تۋىلا بەردى، سوڭىندا كومپيۋتەر سەپتەۋدى تاڭدادىق. بۇل وزگەرىس الەمدىك اكتسيا ساۋداسىنىڭ الدىڭعى لەگىنەن بوي كورسەتىپ، شاڭحاي اكتسيا ساۋدا ورنى بۇكىل الەم بويىنشا ساۋدا ىستەرىنە كومپيۋتەر پايدالانعان تۇڭعىش ساۋدا ورنى بولدى» - دەدى گۇڭ حاۋچىڭ.
شاڭحاي اكتسيا ساۋدا ورنى قۇرىلعان سوڭ، شىنجىن اكتسيا ساۋدا ورنىنىڭ دا قۇرىلۋ قادامى جەدەلدەتىلىپ، شاڭحاي اكتسيا ساۋدا ورنى جۇمىس باستاردىڭ الدىندا سىناق رەتىندە تيجارات جۇرگىزدى، سونىمەن شاڭحاي، شىنجىن اكتسيا ساۋدا ورنىنىڭ جاعدايى وسىلاي قالىپتاستى.
شاڭحاي اكتسيا ساۋدا ورنى قۇرىلعاندا، A جارنادا تەك 8 جارنا بەلەتى بار بولىپ، ادامدار ونى «ەسكى 8 جارنا» دەسەتىن، ول كوپ جىل ساۋدا جۇرگىزدى. وسىدان كەيىن ەكونوميكانىڭ دامۋىنا قولداۋ كورسەتۋ ءۇشىن، B جارنا (ا ق ش دوللارى) ساۋداسى جۇرگىزىلدى. ال قازىر ۇستەگى جىلى 10 – ايدىڭ 28 – كۇنىنە دەيىن، شاڭحاي اكتسيا ساۋدا ورنىندا بازارعا سالىنعان جارنا بەلەتى 1490 داناعا، جارناسى بازارعا سالىنعان سەرىكتىك 1446 عا جەتىپ، بازارعا سالىنعان جالپى قارجى 27 تريلليون 812 ميلليارد 58 ميلليون يۋانعا جەتتى. 2017 – جىلى شاڭحاي اكتسيا بازارىندا جارنا بەلەتىمەن توپتالعان قارجى جالپى سان جاعىنان بۇكىل الەم بويىنشا 2 – ورىنعا كوتەرىلىپ، جارنا بەلەتى ساۋداسىنىڭ سوماسى مەن جارنا بەلەتىنىڭ قۇنى جاعىندا دۇنيە ءجۇزى بويىنشا 4 – بولدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
