بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

ەلىمىزدىڭ ەڭ ۇلكەن اشىق ۇستالعان قۇرلىقتىق كەدەنى –

مانجۋريا: اشىق ۇستالاتىن ارنا بارعان سايىن كەڭەيدى (رەفورما جاساپ، ەسىك اشۋدىڭ 40 جىلدىعىن قۇتتىقتاۋ . ءجۇز قالا، ءجۇز اۋدان، ءجۇز كاسىپورىندى تەكسەرۋ ساپارى)

«حالىق گازەتىنىڭ» تىلشىلەرى ديڭ جىجۇن، ۋ يۇڭ

2018.11.20 16:29     كەلۋ قاينارى : حالىق تورابى

  11 – ايدا ىشكى موڭعۇل اۆتونوميالى رايونىنىڭ مانجۋريا قالاسى اق قار، كوك مۇزعا ورانادى. قانشا ىزعار بولسادا «قورجىنىن كوتەرگەن ساۋداگەرلەردىڭ» قادامى توقتاعان ەمەس، تۇستەن بۇرىنعى ساعات 11 اينالاسىندا، بۋىنشاق – تۇيىنشەگىن كوتەرىسكەن رەسەيلىكتەر بەلگىلەنگەن ساتىپ الۋ تۇيىنىنە كەلىپ، تىرشىلىگىن باستادى.


  «وسى ساۋدا فورماسىنا 30 جىلدان استى، ولار الىپ كەلگەن نارسەلەرىن ساتىپ بولعان سوڭ، از – ازدان بازارلىق الىسىپ قايتىپ كەتەدى. قانشا دەگەنمەن بۇرىنعى ساۋدانىڭ تامتىعى جوق بولاتىن، پا دەيتىنگە تاتىمايتىن ەدى» - دەدى مانجۋريا جۇڭگو – رەسەي شەكارا بازارى ساۋدا رايونىن باسقارۋ كوميتەتىنىڭ ورىنباسار مەڭگەرۋشىسى چىڭ گوبين، ول ءتىلشىنى ىرگەدە تۇرعان جۇڭگو – رەسەي ءوزارا باجىسىز ساۋدا رايونىنا ەرتىپ اپارىپ، «قازىرگى تاڭدا بىزدە رەفورما جۇرگىزىپ، بۇل اراعا كۇللى رەسەيدىڭ بارلىق تاۋارىن جيناپ، ساتىپ الاتىن تاۋارلارىمىزدى ءتىپتى دە كوبەيتتىك» - دەدى.


  سوڭعى جىلدارى مەملەكەتىمىزدىڭ ءتۇيىندى اشۋ رايوندارىنىڭ سىناق ءتۇيىن رايونى قۇرىلىس تەكشەسىن اشۋىنا وراي، مانجۋريانىڭ سىرتقى ساۋدا جالپى سوماسى باياندى ارتىپ، تيجارات نەگىزگى تۇلعالارىنىڭ سانى جىل سايىن كوبەيىپ، سىرتقى ساۋدا كاسىبىنىڭ تۇلعالىق دامۋ ورەسى كورنەكتى جوعارىلادى.


  زاتقا زات ايىرباستاۋدان دامىپ ەلەكتروندى ساۋداعا دەيىن، ەكونوميكا – ساۋدا ىستەستىگى كۇن سايىن نىعايدى.


  بيىل 72 جاستاعى يۇي رۇنزى رەسەيگە بارىپ ساۋدا ىستەگەن تۇڭعىش توپتاعى مانجۋريالىق. «رەسەيگە العاش بارعانىمىزدا، تەك شەكارا ساۋداسىن عانا ىستەۋشى ەدىك. قازىر ماسكەۋگە دەيىن بارىپ ساۋدا جاسايتىن بولدىق، سەلبەستىك كولەمىمىز بارعان سايىن ۇلعايدى».


  1992 – جىلى مەملەكەتىمىز مانجۋريا قالاسىن تۇڭعىش توپتاعى شەكارا لەنياسىنداعى اشىق قالالار قاتارىنا كىرگىزدى ءارى جۇڭگو – رەسەي شەكارا ساۋدا بازارى رايونىن قۇرۋعا بەكىتۋ سالدى.


  1996 – جىلى مەملەكەتتىك كەڭەس شەكارا ساۋداسى ساياساتىن شىعارىپ، كاسىپورىنداردىڭ شەكارا ساۋدا يمپورت كاسىبىن كەڭەيتۋ بەلسەندىلىگىن ەڭ جوعارى شەككە كوتەردى. مانجۋريا كەدەنىنىڭ ەكسپورت – يمپورت تاۋارلارى ءۇرتىس كوبەيىپ، 2017 – جىلعا كەلگەندە، مانجۋريا كەدەنىنىڭ ەكسپورت – يمپورت جالپى قۇنى 37 ميلليارد 610 ميلليون يۋانعا، كەدەننەن وتەتىن تاۋارلاردىڭ جالپى سالماعى 31 ميلليون 90 مىڭ تونناعا جەتىپ، رەفورما جاساپ، ەسىك اشۋدىڭ العاشقى جىلدارىنىڭ 130 ەسەسىنە تۋرا كەلدى.


  «مىنا جاق بولشەك ساتۋ رايونى، انا جاق ارناۋلى دۇكەندەر، كوپ ساندى زاۆودتار بۇل ارادان دۇكەن اشۋعا تالاسادى» - دەدى باجىسىز رايوننىڭ جاۋاپتىسى تانىستىرىپ، «تىزىمگە الىنعان ءىرى تۇردەگى تاۋارلار 40 ءتۇرلى، بۇعان 554 تۇردەگى جانە 2 مىڭ ءتۇرلى تاۋار قامتىلادى». 2017 – جىلى 7 – ايدان قازىرگە دەيىنگى ءبىر جىلدان ارتىق ۋاقىت ىشىندە، جۇڭگو – رەسەي ءوزارا باجىسىز ساۋدا رايونىنىڭ ساتىلۋ سوماسى 2 ميلليارد 140 ميلليون يۋاندى جۇزەگە اسىرعان.


  ءداستۇرلى قولما – قول ساۋدادان سىرت، ەلەكتروندى ساۋدا ىستەرى دە ۇشقان قۇستاي دامىدى. 2016 – جىلى مانجۋريا قالاسى ۋنيۆەرسالدى قورعامالى باجى رايونى باۋتاي ساۋدا شاھارشاسىنىڭ ەلەكتروندى تەكشە بولشەك ساتۋ جۇيەسى ىسكە قوسىلىپ، قازىرگە 3 مىڭ تۇرلىدەن اساتىن تۇرلىشە تاۋاردى بازارعا سالىپ وتىر. كەزەكتە مانجۋريا قالاسى تىزىمگە العان ەلەكتروندى كاسىپورىندار 89 عا جەتسە، شەتەلدەن زات ساتىپ الاتىن دۇكەن 300 دەن استى، نىسان تەكشەسى مەن زات اينالىسى تەكشەسىن وزدەرى اشقان كاسىپورىن 13 كە جەتىپ، ەلەكتروندى ساۋدانىڭ جىلدىق ساۋدا سوماسى 700 ميلليون يۋاندىق وتكەلدەن ءوتتى.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار