بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

الداعى ون كۇندە سۋىق اعىستىڭ ىقپالى كورنەكتى ارتادى

ورتا جانە شىعىس ءوڭىردىڭ كوپ جەرلەرىندە اۋا تەمپەراتۋراسى بۇرىنعى وسى مەزگىلدەگىمەن سالىستىرعاندا ℃1 - ℃3 تومەن بولادى

2018.12.05 15:47     كەلۋ قاينارى : حالىق تورابى


  حالىق گازەتى، 12 – ايدىڭ 4 – كۇنى بەيجيڭ (ءتىلشى: جاۋ بەيجيا) جۇڭگو اۋا رايى مەكەمەسىنىڭ ساناعىنا قاراعاندا، 11 – ايدا بۇكىل ەلىمىزدە اۋا تەمپەراتۋراسى ورتا ەسەپپەن ℃3.12 بولدى، بۇرىنعى جىلدارداعى وسى مەزگىلدەگىمەن سالىستىرعاندا ℃0.23 جوعارى بولدى؛ بۇكىل ەلىمىزدەگى جاۋىن – شاشىن مولشەرى 24.9 ميلليمەتر بولىپ، بۇرىنعى جىلدارداعى وسى مەزگىلدەگىمەن سالىستىرعاندا %32.7 كوپ بولدى. 11 – ايدا 4 رەتكى سۋىق اعىس ەلىمىزگە ىقپال ەتىپ، بۇرىنعى جىلدارداعى وسى مەزگىلدەگى مولشەرگە جاقىندادى.


  مەجەمەن الداعى 10 كۇندە (12 – ايدىڭ 5 – كۇنىنەن 14 – كۇنىنە دەيىن) ەلىمىزگە ىقپال ەتەتىن سۋىق اعىستىڭ ىقپالى كورنەكتى ارتادى، ەلىمىزدىڭ كوپ وڭىرلەرىندە اۋا تەمپەراتۋراسى الدىڭعى كەزدەگى ءبىرشاما جوعارى تەمپەراتۋرادان تومەن تەمپەراتۋراعا وزگەرەدى، ورتا جانە شىعىس وڭىرلەردە اۋا تەمپەراتۋراسى بۇرىنعى جىلدارداعى وسى مەزگىلدەگىمەن سالىستىرعاندا ℃1 - ℃3 تومەن بولادى. ەڭ تومەنگى اۋا تەمپەراتۋراسى سىزىعى 12 – ايدىڭ 9 – كۇنىنىڭ الدى – ارتىندا وڭتۇستىككە قاراي ويىسىپ، چاڭجياڭ وزەنىنىڭ ورتا جانە تومەنگى اعارى وڭىرىنە دەيىن جالعاسادى. وڭتۇستىك وڭىرلەردە جاڭبىرلى كۇن كوبەيىپ، چاڭجياڭ – حانشۇي، چاڭجياڭ – حۋايحى، چاڭجياڭنىڭ وڭتۇستىگى، وڭتۇستىك جۇڭگو، حۋاڭحى – حۋايحى ءوڭىرىنىڭ وڭتۇستىگى قاتارلى جەرلەردە جاۋىن – شاشىن مولشەرىنىڭ جيىنتىعى 10 – 30 ميلليمەتر بولادى، مۇندا چاڭجياڭ – حۋايحى ءوڭىرىنىڭ وڭتۇستىگى، چاڭجياڭنىڭ وڭتۇستىگىندەگى كوپتەگەن جەرلەر، وڭتۇستىك جۇڭگونىڭ ورتا جانە باتىس بولەگى قاتارلى جەرلەردىڭ ءىشىنارا ورىندارىندا 50 – 80 ميللمەتر، كەي جەرلەردە 100 ميلليمەترگە جەتەدى؛ شىعىس سولتۇستىك ءوڭىردىڭ شىعىس وڭتۇستىك بولەگىندە جاۋىن – شاشىن مولشەرىنىڭ جيىنتىعى 3 – 10 ميلليمەتر بولادى؛ جوعارىداعى وڭىرلەردە جاۋىن – شاشىن مولشەرى بۇرىنعى جىلدارداعى وسى مەزگىلدەگىمەن سالىستىرعاندا 30 پايىزدان ءبىر ەسەگە دەيىن كوپ بولادى. سولتۇستىكتەگى كوپتەگەن جەرلەردە جاۋىن – شاشىن ازداۋ بولادى نەمەسە جاۋىن – شاشىن بولمايدى.


  ماماندار مىنانى ەسكەرتەدى: 12 – ايدا شينجياڭنىڭ سولتۇستىك بولەگى، ىشكى موڭعۇل، شىعىس سولتۇستىك ءوڭىردىڭ سولتۇستىگى قاتارلى جەرلەردە تەمپەراتۋرا كۇرت تومەندەۋى نەمەسە قار ءبىرشاما قالىڭ جاۋۋى مۇمكىن، بۇل اۋىل شارۋاشىلىعى مەن ءتورت – تۇلىكتىڭ قىستان امان وتۋىنە ءتيىمسىز بولادى. سولتۇستىكتەگى كۇزگى ءبيداي قىستان ءوتۋ مەزگىلىنە قادام تاستايدى، كوپ جەرلەردە اۋا تەمپەراتۋراسى قالىپتى، جاۋىن – شاشىن ءبىرشاما مول بولادى، بۇل توپىراقتىڭ ىلعالدىلىعىن تولىقتاۋ مەن كۇزگى ءبيدايدىڭ قىستان حاۋىپسىز وتۋىنە ءتيىمدى بولادى. وڭتۇستىكتەگى كوپتەگەن جەرلەردە اۋا تەمپەراتۋراسى قالىپتى نەمەسە ءبىرشاما جوعارى بولادى، بۇل كوكونىس قاتارلىلاردىڭ ءوسۋى مەن كۇزگى ەگىس جۇمىسىن ورىستەتۋگە ءتيىمدى بولادى؛ چاڭجياڭنىڭ وڭتۇستىگى مەن چاڭجياڭ – حۋايحى، چاڭجياڭ – حانشۇي قاتارلى جەرلەردە جاۋىن – شاشىن ءبىرشاما كوپ بولىپ، سۋ قويمالارىنداعى سۋدىڭ دەڭگەيىن ارتتىرۋعا ءتيىمدى بولادى.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار