سىچۋان ولكەسى شيڭۋىن اۋدانىندا 5.7 بال جەر سىلكىندى
جۇڭگو جەر سىلكىنىسى مەكەمەسى شۇعىل جاعدايعا توتەپ بەرۋ جانە ورنالاستىرۋ قىزمەتىن ورىستەتتى
2018.12.17 16:24 كەلۋ قاينارى : حالىق تورابى
حالىق تورابى، 12 – ايدىڭ 16 – كۇنى، بەيجيڭ (ءتىلشى: ۋەي يان) جۇڭگو جەر سىلكىنىسى ستانسياسى تورابىنىڭ تەكسەرىپ تۇراقتاندىرۋىنشا، بەيجيڭ ۋاقىتى بويىنشا 2018 – جىلى 12 – ايدىڭ 16 – كۇنى ساعات 12دەن 46 مينۋت وتكەندە، سىچۋان ولكەسى يبين قالاسى شيڭۋىن اۋدانىندا (سولتۇستىك ەندىك 28.2 گرادۋس، شىعىس بويلىق 104.9 گرادۋس) 5.7 بال جەر سىلكىندى، سىلكىنىس قاينارى 12 كيلومەتر تەرەڭدىكتە.
تەكسەرۋ ناتيجەسىنە قاراعاندا، يبين قالاسىندا سىلكىنىس ءدۇمپۋى كۇشتى بولعان، لىشان، مەيشان، ميانياڭ، چىڭدۋ قاتارلى جەرلەردە سىلكىنىس ءدۇمپۋى ايقىن بىلىنگەن، چۇڭچيڭ قالاسىندا دا سىلكىنىس ءدۇمپۋى سەزىلگەن. ساعات 14تەن 40 مينۋت وتكەندە، شيڭۋىن اۋدانىنداعى ءىشىنارا ۇيلەردە جارىلۋ جاعدايى بايقالعانى، 6 ادام جەڭىل جارالانعانى، جەر سىلكىنگەن ءوڭىردىڭ ماڭىندا ازداپ بەتكەي كوشۋ، تاس دومالاۋ قاتارلى گەولوگيالىق اپاتتار بايقالعانى مالىمدەلگەن.
جەر سىلكىنىسى تۋىلعاننان كەيىن، جۇڭگو جەر سىلكىنىسى مەكەمەسى جەر سىلكىنىسى بارىسىندا شۇعىل جاعدايلاردى ءبىرجاقتى ەتۋ كۇيىنە ەنىپ، جۇڭگو جەر سىلكىنىسى مەكەمەسىنىڭ ورگاندارى، سىچۋان ولكەلىك جەر سىلكىنىسى مەكەمەسى، جۇڭگو جەر سىلكىنىسى ستانسيا تورابى ورتالىعى، جۇڭگو جەر سىلكىنىسى اپاتىنان ساقتانۋ ورتالىعى قاتارلى قاتىستى ورىندار شۇعىل جاعدايدا كەزەكشىلىك ىستەۋ، ينفورماتسيالاردى جيناقتاۋ، قايتالاما سىلكىنىستى باقىلاۋ – ولشەۋ، جەر سىلكىنىسىنىڭ جاعدايىن زەرتتەۋ – تۇراقتاندىرۋ، اپات جاعدايىن تەكسەرۋ جانە مولشەرلەۋ، الەۋمەتتىك ورنىقتىلىق ساقتاۋ قاتارلى قىزمەتتەردى ورىستەتتى.
سىچۋان ولكەلىك جەر سىلكىنىسى مەكەمەسى، يۇننان ولكەلىك جەر سىلكىنىسى مەكەمەسى، يبين قالالىق جەر سىلكىنىسىنەن ساقتانۋ جانە اپاتتىڭ زيانىن ازايتۋ مەكەمەسى قاتارلى جەر سىلكىنىسى تاراۋلارى ناق مايدانعا دەرەۋ ادام جىبەرىپ، جەر سىلكىنىسىنىڭ جاعدايىن تەكسەرۋ جانە شۇعىل جاعدايلارعا توتەپ بەرۋ قىزمەتىن ورىستەتتى. سىچۋان ولكەلىك جەر سىلكىنىسى مەكەمەسى 30 ادامدىق قىزمەت گرۋپپاسىن اپات تۋىلعان جەرگە جىبەردى، يۇننان ولكەلىك جەر سىلكىنىسى مەكەمەسى دە اپات تۋىلعان جەرگە قىزمەت گرۋپپاسىن جىبەردى.
جۇڭگو تەمىر جول باس سەرىكتەستىگى چىڭدۋ مەكەمەسى توپ سەرىكتەستىگىنىڭ حابارلاۋىنشا، حاۋىپسىزدىككە كەپىلدىك ەتۋ ءۇشىن، تەمىر جول تاراۋلارى شۇعىل جاعدايلارعا توتەپ بەرۋ جوباسىن دەرەۋ ىسكە قوسىپ، جول جەلىلەرىن شۇعىل قۇرساۋلاپ، تەمىر جولدارداعى پويەزدەردى توقتاتىپ، جول جەلىسىن، قۇرال – جابدىقتاردى بۇكىلدەي تەكسەرىپ شىقتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
