تۇڭعىش رەت قوسىن اتتاندىرىپ بەيبىتشىلىكتى قورعاۋ ارەكەتىنە قاتىناسۋ
جۇڭگو الەمنىڭ بەيبىتشىلىگىن قورعاۋعا وراسان زور ۇلەس قوستى (رەفورما جاساپ، ەسىك اشۋدىڭ 40 جىلدىعى اتىنداعى 40 «ءبىرىنشى» ايدارشاسىنداعى جەلىلەس حابارلار)
«حالىق گازەتىنىڭ» ءتىلشى ۋاڭ حايلين
2018.12.17 16:32 كەلۋ قاينارى : حالىق تورابى
«400 ساربازدان ۇيىمداسقان قۇرىلىسشى اسكەرلەر ۇلكەن اترەتى ەلىمىزدىڭ ب م ۇ – عا تۇڭعىش رەت اتتاندىرعان قۇرىلىم سيپاتتى بەيبىتشىلىكتى قورعاۋ اترەتى بولدى ءارى جۇڭگو حالىق ازاتتىق ارمياسى تۇڭعىش رەت شەتەلگە بارىپ ب م ۇ – نىڭ تاپسىرماسىن ورىندادى» - دەدى كەزىندە جۇڭگو حالىق ازاتتىق ارمياسىنان كامبودجاعا بارعان قۇرىلىسشى اسكەرلەر ۇلكەن اترەتىنىڭ اترەت باستىعى مىندەتىن اتقارعان لي جينيۇڭ وتكەندى ەسكە الىپ.
ۋاقىتتى 26 جىلدىڭ الدىنا قايتارايىق. 1992 – جىلى 4 – ايدىڭ 16 – كۇنى جۇڭگو حالىق ازاتتىق ارمياسى اسكەري قۇرىلىس ۇلكەن اترەتىنىڭ الدىن جۇرەتىن 10 ساربازى كامبودجا استاناسى پنومپەنگە كەلىپ، ب م ۇ – نىڭ كامبودجاداعى ۋاقىتتىق بيلىك ورگانىنىڭ بەيبىتشىلىكتى قورعاۋ ارەكەتىنە قاتىناستى. كوپ ۇزاماي جۇڭگو حالىق ازاتتىق ارمياسى كامبودجاعا باراتىن 400 ساربازدان ۇيىمداسقان قۇرىلىسشى اسكەرلەر اترەتىن ۇيىمداستىرىپ ۇلگىردى، ءارى 1992 – جىلى 4 – ايدىڭ 24 – كۇنى پنومپەندەگى جۇڭگو بەيبىتشىلىكتى قورعاۋ اسكەري لاگەرىنە جەتكىزدى. بۇل جۇڭگو حالىق ازاتتىق ارمياسى تاريحىنداعى تۇڭعىش «جاسىل مالاقايلى اترەت» ەدى.
كامبودجاعا كەلگەن سوڭ، لي جينيۇڭدار سوعىس سالدارىنان اۋىر دارەجەدە قيراتىلعان 4 – ءنومىرلى جانە 6 – ءنومىرلى تاس جولدى شۇعىل جوندەپ قالپىنا كەلتىرۋ مىندەتىن تاپسىرىپ الدى. 4 – ءنومىرلى تاس جول پنومپەن جانە كامبودجانىڭ ەڭ ۇلكەن پورتى سانالاتىن كامپوڭ ساومعا (سحانوك پورتى) تۇتاساتىن، كامبودجا قۇرلىق جولىنىڭ جان تامىرى ەكەن، الايدا سوعىس سالدارىنان وسى جولداعى 6 كوپىر اۋىر دارەجەدە ويراندالىپ، الەمنىڭ جەر – جەرىنەن تەڭىز جولىمەن جەتكىزىلگەن قۇتقارۋ – كومەك بەرۋ بۇيىمدارى باسىلىپ قالعانمەن قويماي، ب ۇ – نىڭ بەيبىتشىلىكتى قورعاۋ مىندەتىن اتقارۋعا جىبەرگەن 8 مىڭعا جۋىق اۆتوموبيلى دە قاتىناي الماپتى. كامپوڭ ولكەسىندەگى 6 – ءنومىرلى تاس جولدىڭ دا ساۋ تامتىعى قالماي قيراتىلىپ، قاتىناس ءۇزىلىپتى. نەشە ون كيلومەترلىك جولدىڭ ءوزىن دالا كولىكتەرىمەن ءبىر كۇن جۇرۋگە تۋرا كەلەدى ەكەن.
بۇل كەزەڭدەر كامبودجانىڭ جاڭبىرلى ماۋسىمى بولىپ، جول جاساۋ وتە قيىن ەدى، قيا باسساڭ جانىڭدى الاتىن جولعا كومىلىپ پارتىلاتىلماعان بومبى، سۋماڭداعان سۋىق قارۋ، ۋلى جىلان، زاھارلى ماسا دەگەندەردەن كوز اشۋ مۇمكىن ەمەس. الايدا بۇعان بولا بەيبىتشىلىكتى قورعايتىن ساربازدارىمىزدىڭ ساعى سىنا قويعانى جوق، ولار مىندەتتى باتىلدىقپەن تاپسىرىپ الدى ءارى 20 كۇن بۇرىن ورىنداپ بولدى. بۇل قۋانىشتى حاباردى ەستىگەن، سول كەزەڭدەردە ب م ۇ – نىڭ كامبودجا وتپەلى قۇرىلىمىنىڭ ءتوراعاسى مىندەتىن اتقارىپ وتىرعان ياسۋشي اكاشي «مىندەتتىڭ ۋاعىندا ورىندالعانى جاقسى – اق بولدى» دەپ اۋىز جاپپاي ماقتادى.
20 نەشە جىلدان بەرى جۇڭگونىڭ بەيبىتشىلىكتى قورعاۋ ساربازدارى سانسىز ءىس جۇزىندىك ارەكەتتەرىمەن ەلدىڭ قۇرمەتىنە بولەندى. 1990 – جىلى تۇڭعىش رەت اسكەري باقىلاۋشى ەل بولۋ تۇرعىسىمەن ب م ۇ – نىڭ بەيبىتشىلىكتى قورعاۋ ارەكەتىنە قاتىناسقاننان قازىرگە دەيىن، جۇڭگو رەت سانى بويىنشا 37 مىڭ ساربازدى مىندەت اتقارۋعا جىبەرىپ، ىلگەرىندى – كەيىندى 24 ءتۇرلى بەيبىتشىلىكتى قورعاۋ ارەكەتىنە قاتىناستى. جۇڭگونىڭ بەيبىتشىلىكتى قورعاۋ ساربازدارى جاڭادان جاساعان، جوندەپ قالپىنا كەلتىرگەن تاس جولدىڭ جالپى ۇزىندىعى 14 مىڭ كيلومەتردەن، تازالاعان كومىلگەن بومبى ءارى پارتىلاتىلماعان جارىلىس قۇرىلعىلارى 9800 دەن استى، رەت سانى بويىنشا 200 مىڭنان استام ادامنىڭ ناۋقاسىن كوردى، ءبىر ميلليون 350 مىڭ توننا تۇرلىشە زاتتىق ماتەريال تاسىمالدادى، زات تاسىمالداۋ جالپى لەنياسىن 13 ميلليون كيلومەترگە جەتكىزدى، وسى بارىستاردا بەيبىتشىلىكتى قورعايتىن 21 ساربازدارىمىز قاستەرلى ءومىرىن الەم بەيبىتشىلىگى ءۇشىن ارنادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved