بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

«مەن جانە مەنىڭ وتانىم» اتتى تاقىرىپتا تۋىندى قابىلداۋ قيمىلى باستالدى

2019.01.02 15:44     كەلۋ قاينارى : حالىق تورابى

  شينحۋا اگەنتتىگى، 1 – ايدىڭ 1 – كۇنى، بەيجيڭ. جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قۇتتىقتاۋ، وتانشىلدىق رۋحتى ساۋلەلەندىرۋ ءۇشىن، ورتالىق كوميتەتتىڭ ۇگىت ءبولىمى، ورتالىق كوميتەتتىڭ وركەنيەت كەڭسەسى، وقۋ – اعارتۋ مينيسترلىگى، مادەنيەت جانە ساياحات مينيسترلىگى، جۇڭگو ادەبيەت – كوركەمونەرشىلەر بىرلەستىگى، جۇڭگو جازۋشىلار وداعى وتكىزەتىن «مەن جانە مەنىڭ وتانىم» اتتى تاقىرىپتا تۋىندى قابىلداۋ قيمىلى رەسمي باستالىپ، بۇكىل ەلىمىز كولەمىنەن قاتىستى تۋىندىلاردى قابىلداي باستادى.


  قيمىل جونىندەگى ۇقتىرۋدى حالىق تورابى، شينحۋا تورابى، «ۇيرەنۋدە قۇدىرەتتى مەملەكەت» اتىنداعى ۇيرەنۋ تەكشەسى بىردەي ۋاقىتتا شىعاردى. ۇقتىرۋدا مىنالار كورسەتىلگەن: قاتىناستىرىلاتىن شىعارمادا جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعى سىندى نەگىزگى جەلىنى تىعىز توڭىرەكتەي وتىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي دايەكتىلەندىرىپ، مەملەكەتتىڭ جۇڭگو كوممۋنيستىك پارتياسىنىڭ باسشىلىعىندا قول جەتكىزگەن شۇعىلالى تابىستارى «جەكە» مەن «مەملەكەت» قارىم – قاتىناسى تۇرعىسىنان، كوركەمونەرلىك فورمادا جاندى تۇردە بەينەلەنۋى، جۇڭگو حالقىنىڭ باقىتتى تۇرمىسقا قول جەتكىزۋ جولىندا قۇلشىنا كۇرەس جۇرگىزگەن رۋحاني بەينەسى جاندى ايگىلەنۋى كەرەك. حالىق جۇرتشىلىعىنىڭ وتانعا دەگەن شىنايى سۇيىسپەنشىلىگىن كوركەمونەر ارقىلى بايانداپ، بۇكىل ەلىمىزدەگى ءار ۇلت حالقىن شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسۋعا جىگەرلەندىرۋ جانە شابىتتاندىرۋ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قۇلشىنا كۇرەس جۇرگىزۋگە جەبەۋ كەرەك.


  تۋىندى قابىلداۋ ۋاقىتى 2019 – جىلى 6 – ايدىڭ 30 – كۇنىنە دەيىن جالعاسادى، قابىلداناتىن تۋىندىلار: ادەبي شىعارما، فوتو سۋرەت جانە قىسقاشا كەسكىن قاتارلىلار. قاتىناستىرىلاتىن تۋىندىلار، ءسوزسىز، اۆتورلىق تۋىندى بولۋى، قازىرگە دەيىن مەملەكەتىمىزدەگى رەسمي باسىلىمداردا جاريالانباعان بولۋى، جانرى تالاپقا ۇيلەسەتىن بولۋى كەرەك. تۋىندى جىبەرۋشىنىڭ تۋىندىعا تولىق اۆتورلىق ۇقىعى بولۋى ءارى جولداعان تۋىندىسى ءۇشىنشى جاقتىڭ اۆتورلىق ۇقىعى، پورترەت ۇقىعى، اتاق – ابىروي ۇقىعى، قۇپيالىق ۇقىعى قاتارلى زاڭدى ۇقىق – مۇددەلەرىنە زيان جەتكىزبەگەنىنە كەپىلدىك ەتۋى كەرەك.


  بۇل رەتكى تۋىندى قابىلداۋ قيمىلىن ۇيىمداستىرۋ كوميسسياسىنىڭ كەڭسەسى جۇڭگو ادەبيەت – كوركەمونەرشىلەر بىرلەستىگىنىڭ نازاريا زەرتتەۋ كەڭسەسىنە ورنالاستىرىلدى، اتالعان كوميسسيا قيمىلدى ورىستەتۋگە جانە سايكەستىرۋ قىزمەتتەرىن ىستەۋگە جاۋاپتى بولادى. تۋىندىلاردى قابىلداۋ اياقتاعان سوڭ، ۇيىمداستىرۋ كوميسسياسى كەڭسەسى قاتىستى كوركەمونەر تۇرلەرى بويىنشا ماماندار مەن وقىمىستىلاردى ۇسىنىس ەتىپ، جەكە – جەكە باعالاۋ كوميسسياسىن ۇيىمداستىرۋ ارقىلى باعالاۋ جۇرگىزەدى ءارى كوركەمونەر تۇرلەرى بويىنشا ۇزدىكتەرىن ماراپاتتايدى. ۇزدىك تۋىندىلاردى ورتالىقتىڭ باستى اقپارات قۇرالدارىندا جاريالايدى ءارى جيناقتاپ باسپادان شىعارادى.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار