جۇڭگو قاتارلى ەلدەردىڭ اعاش ەگىپ، ورمان وسىرۋدەگى تۇراقتى كومىرتەگىنىڭ ۇلەسى زور بولعانى بايقالدى
2019.02.20 16:30 كەلۋ قاينارى : حالىق تورابى
شينحۋا اگەنتتىگى، 2 – ايدىڭ 18 - كۇنى، ۆاشينگتون (ءتىلشى جوۋ دان). ا ق ش – تىڭ «مەملەكەت عىلىم اكادەمياسى عىلمي جۋرنالىنىڭ» جاڭا سانىندا جاريالانعان ءبىر زەرتتەۋدە بىلاي دەپ اتاپ كورسەتىلدى: دۇنيە جۇزىندەگى جارتى شامادان اساتىن كومىرتەگى قورى ىستىق بەلدەۋ جاڭبىرلى ورمانىنا ەمەس، عۇمىرى 140 جىلعا جەتپەيتىن «جاس ورمانعا» ءتان. بۇل جۇڭگو قاتارلى ەلدەردىڭ اعاش ەگىپ، ورمان ءوسىرۋ قيمىلىنىڭ تۇراقتى كومىرتەگى جونىنەن ماڭىزدى رولى بولعانىن ۇعىندىرادى.
ورمان ماڭىزدى كومىرتەگى قاينارى دەپ قارالادى، ول اتموسفەراداعى كوپ مولشەردەگى كومىرتەگى قوس توتىعىن ساقتاپ وتىر. بۇدان بۇرىن عىلىم سالاسىنداعىلار نەگىزىنەن ىستىق بەلدەۋ جاڭبىرلى ورمانى پارنيك گازىن قابىلداۋ جاعىندا ءبىرشاما زور رول اتقارادى دەپ قاراپ كەلگەن.
ۇلى بريتانيا بەرميڭحام ۋنيۆەرسيتەتىنىڭ زەرتتەرمەندەرى كومپيۋتەردەن پايدالانىپ مودەل قۇرۋ ءادىسى ارقىلى 2001 – جىلدان 2010 – جىلعا دەيىنگى ارالىقتاعى بايىرعى ورماننىڭ كومىرتەگىن ءسىمىرۋ مولشەرىن ەسەپتەپ شىققان ءارى مۇنى جاڭادان وسىرىلگەن ورمانمەن سالىستىرعان. جاڭادان ورمان وسىرىلگەن جەرلەر ودان بۇرىن اۋىل شارۋاشىلىق ءوندىرىسىنىڭ نەمەسە اعاش كەسۋ سياقتى ادامزات قيمىلىنىڭ ىقپالىنا ۇشىراعان، ءيا بولماسا جانار تاۋ سياقتى جاراتىلىستىق اپاتقا تاپ بولعان. زەرتتەۋدە جاڭادان وسىرىلگەن ورماننىڭ سىمىرگەن كومىرتەگى قوس توتىعىنىڭ مولشەرى بايىرعى ورماندىكىنەن اسىپ تۇسەتىنى بايقالعان.
زەرتتەۋدە كورسەتىلۋىنشە، جاڭادان وسىرىلگەن ورمان اتموسفەراداعى كومىرتەگى قوس توتىعى مولشەرىنىڭ ارتۋى سەبەبىنەن تۋىندايتىن «تىڭايتقىش اسەرىنە» ۇشىراۋدان تىس، جاسىنىڭ قىسقا بولۋى سەبەبىنەن دە سىمىرەتىن كومىرتەگى قوس توتىعى كوپ بولادى ەكەن، «اعاش جاسى اسەرىنىڭ» ورماننىڭ كومىرتەگى قوس توتىعىن ءسىمىرۋ جالپى مولشەرىندەگى ۇلەس شاماسى شامامەن %25 بولادى ەكەن.
مۇنداي بايلانىس باستىسى جۇڭگونىڭ، جوعارى ەندىكتەگى رايونداردىڭ ورمانىندا كوپ كەزىگەدى ەكەن. مۇنىڭ ىشىندە ا ق ش – تىڭ شىعىسىنداعى كوپ ساندى شتاتتاعى اۋماقتى ورمان، كانادا، رەسەي جانە ەۆروپانىڭ سولتۇستىگىندەگى ورمان، سونداي – اق جۇڭگوداعى كەڭ كولەمدە اعاش ەگىپ، ورمان ءوسىرۋ نىسانى ماڭىزدى ۇلەس قوسقان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
