2019 – جىلعى «توراپتى پاكتەندىرۋ»، «مايسانى قورعاۋ»، «كۇز سامالى» ارناۋلى ارەكەتتەرى جونىندە ورنالاستىرۋ جاسادى
قاتاڭ رەتكە سالىپ، قوعامدىق مادەنيەت ورتاسىن پاكتەندىرەدى
2019.02.28 15:38 كەلۋ قاينارى : حالىق تورابى
حالىق گازەتى، 2 – ايدىڭ 27 – كۇنى، بەيجيڭ (ءتىلشى: جاڭ حى) مەملەكەتتىك «سارى – زاڭسىز باسىلىمداردى الاستاۋ» كەڭسەسى جۋىردا ارناۋلى ورنالاستىرۋ جاساپ، 3 – ايدان باستاپ 11 – ايعا دەيىن «توراپتى پاكتەندىرۋ 2019»، «مايسانى قورعاۋ 2019»، «كۇز سامالى 2019» قاتارلى ارناۋلى ارەكەتتەردى ۇيىمداستىرىپ ورىستەتىپ، قوعامدىق مادەنيەت ورتاسىن ۇزدىكسىز پاكتەندىرەدى.
«توراپتى پاكتەندىرۋ 2019» ارناۋلى ارەكەتىن ورىستەتۋ بارىسىندا ينتەرنەتتەگى شارۋ مازمۇندار مەن تۇرپايى مازمۇندار ماسەلەسىن جونگە سالۋعا نازاردى شوعىرلاندىرادى. ينتەرنەت ادەبيەتى سالاسىن كۇش سالا جونگە سالىپ، ادەبيەت توراپتارىنا باقىلاۋ مەن باسقارۋدى كۇشەيتەدى، توراپتاردىڭ رەداكتورلارى مەن اۆتورلارىن باسقارۋدى كۇشەيتىپ، ۋيچات تەكشەسى، ميكروبلوگ، كوشىرمەجاي، سۇحبات، قاتارلى ءتۇرلى ارنالار ارقىلى تۇرپايى مازمۇنداردى تاراتۋ ارەكەتتەرىنە قاتاڭ سوققى بەرەدى. شارۋ كەسكىندەرگە سي بەرۋ تەكشەلەرىن قاتاڭ تەكسەرىپ، تەكشەنى قۇرۋشىلار مەن جالعانىمدى جاريالاۋشىلارعا جانە ۋاكىلدىك تاراتۋشىلارعا قاتاڭ سوققى بەرەدى. زاڭعا قايشى ينتەرنەتتىك تىكە تاراتۋ تەكشەلەرىنە جالعاستى قاتاڭ سوققى بەرەدى.
«مايسانى قورعاۋ 2019» ارناۋلى ارەكەتىن ورىستەتىپ، ينتەرنەت پەن ينتەرنەتتەن تىسقارى تۇردە ەكى ءتۇرلى جاقتان جونگە سالۋدى كۇشەيتۋگە ءمان بەرىپ، كامەلەتكە تولماعاندارعا قاتىستى «سارى مازمۇن» جانە «زاڭعا قايشى مازمۇن» دەلولارىن قاتاڭ تەكسەرىپ ءبىرجاقتى ەتەدى. ورتا – باستاۋىش مەكتەپتەردىڭ ماڭىنداعى مادەنيەت ورتاسىن جونگە سالۋدى كۇشەيتىپ، باسىلىمداردى كۋالىكسىز ساتۋ جانە زاڭسىز باسىلىمداردى ساتۋ سىندى زاڭعا قايشى ارەكەتتەردى ءتۇيىندى تۇردە تەكسەرىپ انىقتايدى، كامەلەتكە تولماعانداردىڭ دەنە جانە اقىل – وي جاقتاعى اقاۋسىزدىعىنا زيان جەتكىزەتىن ناشار باسىلىمدار، «جان قالتا» كىتاپتارى، كارتون – انيماتسيالار، ويىن كارتوچكالارى، سارى – تۇرپايى كەسكىندەر قاتارلى زياندى ينفورماتسيالاردى كۇش سالا انىقتايدى. كامەلەتكە تولماعاندار ءبىرشاما كوپ پايدالاناتىن ينتەرنەتتىك قولدانبالاردى جونگە سالۋدى كۇشەيتەدى، وتە – موتە، ينتەرنەتتىك كەسكىندەر، ويىندار، كارتوندار، ۇيرەنۋ قولدانبالارى قاتارلى سالالاردى پاكتەندىرۋگە كۇش سالادى، سارى، تۇرپايى مازمۇندار، زورلىقتى كۇش پەن لاڭكەستىك، قانقۇيلىلىق دارىپتەلگەن مازمۇندار قاتارلى زياندى ينفورماتسيالاردىڭ تارالۋىن باتىل تەجەيدى.
«كۇز سامالى 2019» ارناۋلى ارەكەتىن ورىستەتىپ، جالعان اقپارات قۇرالدارىنا، جالعان تىلشىلەر بەكەتىنە، جالعان تىلشىلەرگە جانە اقپاراتتىق قوقانلوقى ارەكەتتەرىنە ءتۇيىندى تۇردە سوققى بەرەدى. بىرىنشىدەن، جەكەلىك اقپارات قۇرالدارىنىڭ زاڭ – بەلگىلەمەلەرگە قايشى تۇردە حابار جازۋى، زياندى ينفورماتسيالاردى تاراتۋى، سەزىمتال ماسەلەلەردى قوزداتۋى، قوقانلوقى جاساۋى جانە بوپسالاۋى قاتارلى ارەكەتتەرىن شوعىرلى تۇردە جونگە سالادى. ەكىنشىدەن، ينتەرنەتتەگى زاڭسىز باسىلىمدارعا باتىل سوققى بەرىپ، زاڭسىز «عىلمي باسىلىمداردان» پايدالانىپ الدامكوستىك ىستەۋ ارەكەتتەرىن قاتاڭ تەكسەرەدى. ۇشىنشىدەن، ەلەكتروندىق ساۋدا تەكشەلەرىندەگى زاڭعا قايشى باسىلىمداردى ساتۋ ماسەلەلەرىن ءتۇيىندى تۇردە جونگە سالىپ، ينتەرنەتتەگى باسىلىمداردىڭ كۋالىكتەرىن تەكسەرۋ جۇيەسىن قۇرىپ، ينتەرنەتتەگى باسىلىمداردى ساتۋ جانە ساتىپ الۋ ارەكەتتەرىن ارناعا تۇسىرەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
