بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

ساياسي كەڭەس مۇشەسى جۋ يلۇڭ: قىستاقتاردىڭ كوللەكتيۆتىك ەكونوميكاسىن دامىتۋ — كەدەيلىكتەن ارىلتۋدا قامال الۋدىڭ ۇتىمدى شاراسى

2019.03.05 13:07     كەلۋ قاينارى : حالىق تورابى


  حالىق تورابى، 3 – ايدىڭ 3 – كۇنى، بەيجيڭ. 2019 – جىلعى مەملەكەتتىك ەكى ءماجىلىس 3 – ايدىڭ 3 – كۇنى باستالدى، مەملەكەتتىك ساياسي كەڭەس مۇشەسى، جۇڭگو شەتەلدەن ورالعان ازاماتتار بىرلەستىگى ءتوراعاسىنىڭ ورىنباسارى، نيڭشيا حۇيزۋ اۆتونوميالى رايونى شەتەلدەن ورالعان ازاماتتار بىرلەستىگىنىڭ ءتوراعاسى جۋ يلۇڭ تولىق دايىندىق جاساپ، بيىلعى ۇسىنىس جوبالارىن الا كەلىپتى.

  جۋ يلۇڭ كەدەيلەردى سۇيەمەلدەۋ قىزمەتى جونىندە توقتالعان كەزدە، قازىر كوپتەگەن جەرلەردە كەدەيلەردى سۇيەمەلدەۋ قىزمەتىنىڭ نەگىزىنەن مەملەكەت ساياساتىنىڭ، وڭىرلىك ساياساتتىڭ جانە قوعامداعى كەدەيلەرگە كومەكتەسەتىن كۇشتەردىڭ قولداۋىنا سۇيەنىپ وتىرعانىن ايتتى. جاپپاي دوڭگەلەك داۋلەتتى قوعام قۇرۋدىڭ جالپى ورنالاستىرۋىنا ساي، ەلىمىز 2020 – جىلى كەدەيلىكتەن تولىق ارىلادى. سول كەزدە وسىنداي ايرىقشا ساياساتتاردىڭ قولداۋى مەن پارمەندى كومەكتەسۋدەن ايرىلعان سوڭ، كەدەيلىكتەن ارىلتۋ قىزمەتى ورنىقتى دامۋ جاعدايىن ساقتاي الا ما، جوق پا؟ اۋىل - قىستاقتاردىڭ وزىندىك دامۋ قۋاتى ومىرشەڭدىگىن ۇزدىكسىز ساقتاي الا ما، جوق پا؟ ديحاندار كىرىسىن ارتتىرۋدىڭ ورنىقتى قاينارى ساقتالا ما، جوق پا؟

  جۋ يلۇڭ بىلاي دەدى: كەدەيلەردى سۇيەمەلدەۋ جاعىنداعى كوپتەگەن ساياساتتار مەن قوعامنىڭ كومەكتەسۋى نەگىزىنەن كەدەي وڭىرلەردەگى نەگىزدىك قۇرىلعىلار قۇرىلىسىنا جانە ديحان وتباسىلارى مەن ديحاندارعا باعىتتالعان، قىستاقتاردىڭ كوللەكتيۆتىك ەكونوميكاسىن دامىتۋعا كومەكتەسۋ ەسكەرىلمەي كەلدى. دەمەك، ۇزاق ۋاقىتتان بەرى اتقارىلعان كەدەيلەردى سۇيەمەلدەۋ ءامالياتى قىستاقتاردىڭ كوللەكتيۆتىك ەكونوميكاسىن دامىتۋ كەدەي جۇرتشىلىقتىڭ وزىندىك دامۋ قۋاتىن ارتتىرۋدىڭ ۇتىمدى شاراسى بولىپ قالماستان، ديحانداردىڭ كىرىسىن ارتتىرۋدى، اۋىل شارۋاشىلىنىڭ ونىمدىلىگىن ارتتىرۋدى، اۋىل – قىستاقتى گۇلدەندىرۋدى ىلگەرىلەتۋدەگى ماڭىزدى زاتتىق نەگىز ەكەنىن، سونىمەن بىرگە، كوللەكتيۆتىك ەكونوميكانى دامىتقاندا عانا، ەلىمىز اۋىل شارۋاشىلىعىنىڭ وسىزاماندانۋى ىسكە اساتىنىن دالەلدەۋدە.

  بۇل جونىندە ول مىناداي ۇسىنىستاردى ورتاعا قويدى:

  بىرىنشىدەن، كەڭ كولەمدە ۇگىتتى كۇشەيتىپ، قىستاقتاردىڭ كوللەكتيۆتىك ەكونوميكاسىنىڭ دامۋىنا تاماشا ورتا جاراتۋ كەرەك.

  ەكىنشىدەن، ساياسات بەلگىلەپ، قىستاقتاردىڭ كوللەكتيۆتىك ەكونوميكاسىن گۇلدەندىرۋگە، تەزدەتۋگە كەپىلدىك ەتۋ كەرەك.

  ۇشىنشىدەن، قوسىلىمدى مولايتىپ، قىستاقتاردىڭ كوللەكتيۆتىك ەكونوميكاسىنىڭ دامۋ قارقىنىن جەدەلدەتىپ،ءونىمىن ارتتىرۋعا قوزعاۋشى كۇش سيلاۋىمىز كەرەك

  تورتىنشىدەن، بايلىق قاينارىن توپتاپ، قىستاقتاردىڭ كوللەكتيۆتىك ەكونوميكاسىنىڭ باياندى دامۋىنا كومەك كورسەتۋىمىز كەرەك.

  مۇنان سىرت، جۋ يلۇڭ: مەملەكەتتىڭ قاتىستى مينيسترلىكتەرى، كوميتەتتەرى ەلىمىزدىڭ «جاڭا داۋىردە ديحانداردى تاربيەلەۋ - جەتىلدىرۋ جوباسىن» ورتاعا قويىپ، اۋىل – قىستاقتاعى كاسىپ سالاسىن، دارىندىلاردى، مادەنيەتتى، ەكولوگيانى، «بەستى كوركەيتۋدى» ۇيىمداستىرۋدى تياناق ەتە وتىرىپ، ديحاندارعا قاتىستى تاربيەلەۋ - جەتىلدىرۋ بايلىقتارىن توپتاپ، ديحانداردى تاربيەلەۋ - جەتىلدىرۋ جۇيەسىن اقاۋسىزداندىرىپ، ديحانداردى تاربيەلەۋ - جەتىلدىرۋ مەحانيزمىن كەمەلدەندىرۋ كەرەك، — دەگەن ۇسىنىس قويدى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار