جاڭ يەسۇي: 2019 – جىلى مىناداي ءتورت جاقتاعى قىزمەتتى ءتۇيىندى تۇردە ىلگەرىلەتۋ زاڭ شىعارۋ جوسپارى العاشقى قادامدا تۇراقتاندى
2019.03.06 08:14 كەلۋ قاينارى : حالىق تورابى
حالىق تورابى، بەيجيڭ، 3 – ايدىڭ 4 – كۇنى. 13 – كەزەكتى مەملەكەتتىك حالىق قۇرىلتايى 2 – ءماجىلسى بۇگىن تۇستەن بۇرىن حالىق قۇرىلتايى سارايىندا اقپار جاريالاۋ ءماجىلىسىن وتكىزدى، ءماجىلىستىڭ مالىمدەمەشىسى جاڭ يەسۇي قۇرىلتايدىڭ كۇن ءتارتىبى مەن حالىق قۇرىلتايى قىزمەتىنە قاتىستى ماسەلەلەر جونىندە جۇڭگولىق، شەتەلدىك تىلشىلەردىڭ سۇراۋلارىنا جاۋاپ بەردى.
ءتىلشى «2019 – جىلى قانداي زاڭدار جاسالادى جانە قانداي زاڭدارعا وزگەرىس ەنگىزىلەدى» دەپ سۇراعاندا، جاڭ يەسۇي بىلاي دەپ جاۋاپ قايتاردى: 2019 – جىلى زاڭ شىعارۋ مىندەتى شىنىندا توتەنشە اۋىر. پارتيا مەن مەملەكەت ىستەرىنىڭ دامۋى، حالىق جۇرتشىلىعىنىڭ باقىتتى تۇرمىستى اڭساۋى مەن مەملەكەتتى جان - جاقتى زاڭمەن باسقارۋ جونىندەگى تالابى زاڭ شىعارۋ قىزمەتىنە جاڭا تاقىرىپ، جاڭا مىندەتتى ورتاعا قويۋدا. بيىل مەملەكەتتىك حالىق قۇرىلتايى تۇراقتى كوميتەتى عىلمي، دەموكراتيالى، زاڭ بويىنشا زاڭ شىعارۋعا تاباندى بولىپ، زاڭ شىعارۋدىڭ ساپاسىن كۇش سالا جوعارىلاتىپ، زاڭ شىعارۋ قىزمەتىنىڭ اياق الىسىن بارىنشا جەدەلدەتىپ، كۇشتى شوعىرلاندىرىپ، پارتيا ورتالىق كوميتەتى تۇراقتاندىرعان كەلەلى زاڭ شىعارۋ ىستەرىن ويداعىداي تياناقتاندىرىپ، ءتۇيىندى تۇردە ءتورت جاقتاعى زاڭ شىعارۋ قىزمەتىن ىلگەرىلەتەدى.
ءبىرىنشىدەن، بازارلاندىرۋ رەفورماسىن تەرەڭدەتۋ، جوعارى ورەدە ەسىكتى ايقارا اشۋدا شۇعىل قاجەتتى بولىپ وتىرعان زاڭداردى بەلگىلەۋ مەن وزگەرىس ەنگىزۋدى مىقتى يگەرەدى. شەتەل ساۋداگەرلەرىنە باعىتتالعان قارجى قوسۋ زاڭىنان سىرت، جەر باسقارۋ زاڭى، پاتەنت زاڭى، اكتسيا زاڭىنا وزگەرىس ەنگىزىپ، بايلىق باجىسى زاڭىن جاسايدى. ۇقىق بەرۋ ۇيعارىمى مەن رەفورما شەشىمىنە قاتىستى قىزمەتتەردى ويداعىداي ىستەپ، كەلەلى رەفورمالاردىڭ زاڭدىق نەگىزى بولۋعا كەپىلدىك ەتەدى.
ەكىنشىدەن، حالىق تۇرمىسىن قامتاماسىزداندىرۋ مەن جاقسارتۋدى جەدەلدەتىپ، ەكولوگيالىق وركەنيەت قۇرىلسى سالاسىنداعى زاڭ شىعارۋدى ىلگەرىلەتەدى. جۇيەدەن ازاماتتىق ىستەر زاڭناماسىنىڭ ءارقايسى بولىمدەرىنىڭ جوباسىن قاراپ شىعۋدى مىقتى ۇستاپ، نەگىزدىك ەمدەۋ، دەنساۋلىق ساقتاۋ جانە سالەمەتتىكتى جەبەۋ زاڭ جوباسىن، ۆاكسينا باسقارۋ زاڭى جوباسى مەن ءدارى – دارمەك باسقارۋ زاڭىنا وزگەرىس ەنگىزۋ جوباسىن ۇزدىكسىز قاراۋ. چاڭجياڭدى قورعاۋ زاڭىن بەلگىلەپ، چاڭجياڭدى قورعاۋعا زاڭ – ءتۇزىم جاعىنان پارمەندى تۇردە كەپىلدىك ەتۋ كەرەك.
ءۇشىنشىدەن، مەملەكەتتىڭ حاۋىپسىزدىگىن كۇشەيتۋ، قوعامدى جونگە سالۋ جاقتارىندا زاڭ شىعارۋ. ەكسپورتتى باسقارۋ زاڭى، ساندى مالىمەت حاۋىپسىزدىك زاڭى، بيولوگيالىق حاۋىپسىزدىك زاڭى قاتارلى زاڭداردى جاساپ، حاۋىپ – قاتەردەن ساقتانۋ جانە توتەپ بەرۋ قۋاتىن جوعارىلاتۋ. الەۋمەتتىك اۋماقتاردى وڭالتۋ زاڭىن، اسكەري مىندەتتەن بوساعانداردى قامتاماسىزداندىرۋ زاڭىن بەلگىلەپ، قىلمىستىق ىستەر زاڭىنا وزگەرىس ەنگىزىپ، قوعامدى جونگە سالۋدى كۇشەيتۋ جانە جاڭالىق جاراتۋعا زاڭدىق تىرەك ازىرلەۋ.
ءتورتىنشىدەن، مەملەكەتتىك قۇرىلىمدار مەن ۇيىمدارعا قاتىستى زاڭ تۇزىمدەردى كەمەلدەندىرۋ. مەملەكەتتىك حالىق قۇرىلتايىنىڭ ۇيىمدىق زاڭى مەن ءىس قاراۋ ەرەجەسى قاتارلىلارعا وزگەرىس ەنگىزۋ، حالىق قۇرىلتايى ءتۇزىمىن كەمەلدەندىرۋ. سۋديالار زاڭى، پروكرۋرولار زاڭىنىڭ وزگەرىس ەنگىزىلگەن جوباسىن جالعاستى قاراۋ. ءادىليا ءتۇزىلسى رەفورماسىن تەرەڭدەتۋ. ۇكىمەت ىستەرى جاعىنداعى جازا بەرۋ زاڭىن جاساپ، مەملەكەتتىڭ باقىلاپ – تەكسەرۋ ءتۇزىلسىن اقاۋسىزداندىرۋ كەرەك.
جاڭ يەسۇي بىلاي دەپ تانىستىردى: بيىلعى زاڭ شىعارۋ جوسپارى العاشقى قادامدا بەكىتىلدى، بۇل رەتكى قۇرىلتاي ۋاكىلدەرى ورتاعا قويعان پىكىرلەرگە ساي وزگەرىس ەنگىزىپ، تولىقتاعاننان كەيىن، دەر كەزىندە جاريالانادى. اۋدارعان قاۋلا بەيسەن قىزى (پراكتيكانت)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
