قان قىسىمىنىڭ جوعارىلاۋى، قانتتى نەسەپ اۋرۋى قاتارلىلاردىڭ دارىلەرى ەمدەۋدى قامسىزداندىرۋدىڭ ەسەبىنەن كوتەرتۋ كولەمىنە ەنگىزىلەدى
2019.03.06 13:28 كەلۋ قاينارى : حالىق تورابى
حالىق تورابى، 3 – ايدىڭ 5 – كۇنى، بەيجيڭ (ءتىلشى: سۇي يۋانيۋان) 3 – ايدىڭ 5 – كۇنى تۇستەن بۇرىن ساعات 9دا، 13 – كەزەكتى مەملەكەتتىك حالىق قۇرىلتايى 2 – ءماجىلىسى باستالدى، مەملەكەتتىك كەڭەس زۇڭليى لي كىچياڭ ۇكىمەت قىزمەتىنەن بايانداما جاسادى. ءتىلشىنىڭ باياندامانى سالالاۋ بارىسىندا بايقاۋىنشا، 2019 – جىلى «الەۋمەتتىك ىستەردى دامىتۋدى جەدەلدەتۋ، حالىق تۇرمىسىن اناعۇرلىم ويداعىداي قامتاماسىزداندىرۋ مەن جاقسارتۋ» ءۇشىن، مەملەكەت حالىقتىڭ سالاماتتىعىن باقىلاۋ، اۋرۋ – سىرقاۋلاردىڭ الدىن الۋ جانە ەمدەۋ، ۇكىمەتتىك شيپاحانالارعا رەفورما جاساۋ، مەديتسينا سالاسىن باقىلاۋ مەن باسقارۋ، قوعامدىق قامتاماسىزداندىرۋ ءتۇزىمى جانە ساياساتى قاتارلى جاقتاردا حالىققا تيىمدىلىك جەتكىزۋ پارمەنىن ۇزدىكسىز ارتتىرىپ، حالىق تۇرمىسىنا قاتىستى يگىلىك تۇرلەرىن ورتاعا قويادى.
باياندامادا مىنالار ورتاعا قويىلعان: نەگىزدىك ەمدەۋ - قىزمەت وتەۋ جاعىندا، ەلىمىز قالا مەن اۋىل تۇرعىندارىنا قاراتىلعان نەگىزدىك ەمدەۋدى قامسىزداندىرۋ مەن سالماقتى اۋرۋلاردى ەمدەۋدى قامتاماسىزداندىرۋ ورەسىن ۇزدىكسىز جوعارىلاتىپ، تۇرعىنداردىڭ ەمدەلۋدى قامسىزداندىرۋىنا بەرىلەتىن قازىنالىق قوسىمشا قاراجات مولشەرىن ادام باسىنا ورتا ەسەپپەن 30 يۋان ارتتىرادى، مۇنىڭ جارىمىن سالماقتى اۋرۋلاردى ەمدەۋدى قامسىزداندىرۋعا پايدالانادى. سالماقتى اۋرۋلاردى ەمدەۋدى قامسىزداندىرۋعا قاتىناسۋدىڭ ەڭ تومەنگى اقى تولەۋ ولشەمىن تومەندەتىپ جانە بىرلىككە كەلتىرىپ، ەسەپتەن كوتەرتۋ مولشەرىن %50تەن %60كە جوعارىلاتادى، سالماقتى اۋرۋلارعا شالدىققانداردىڭ، قيىنشىلىعى بار جۇرتشىلىقتىڭ ەمدەلۋ اۋىرتپالىعىن اناعۇرلىم جەڭىلدەتەدى.
سالماقتى اۋرۋلاردان ساقتانۋ جانە ونى ەمدەۋدى كۇشەيتۋ جاعىندا، راك اۋرۋىنىڭ ازابىنا ۇشىراپ وتىرعان ميلليونداعان وتباسىلاردىڭ رەال جاعدايىنا ۇشتاستىرا وتىرىپ، راك اۋرۋىنىڭ الدىن الۋ جانە ودان ساقتانۋ ارەكەتىن اتقارادى، ساقتانۋ مەن تەكسەرۋدى، ەرتە تەكسەرۋ – ەرتە ەمدەۋدى جانە عىلمي زەرتتەۋدە قامال الۋدى ىلگەرىلەتىپ، حالىق تۇرمىسىنداعى جانعا باتاتىن ماسەلەلەردى كۇش سالا باسەڭدەتەدى. سونىمەن بىرگە، ۇنەمى كەزدەسەتىن سوزىلمالى اۋرۋلاردان ساقتانۋ جانە ونى ەمدەۋدى ويداعىداي ىستەيدى. قان قىسىمىنىڭ جوعارىلاۋى، قانتتى نەسەپ اۋرۋى قاتارلى اۋرۋلارعا پايدالاناتىن ءدارى – دارمەكتەردى ەمدەۋدى قامسىزداندىرۋ ەسەبىنەن كوتەرتۋ كولەمىنە ەنگىزەدى.
باياندامادا مىنالاردى تالاپ ەتكەن: ولكە اتتاپ، سىرت جەردە ەمدەلۋدى ەسەپتەن تىكەلەي كوتەرتۋ ساياساتىن تياناقتاندىرۋ مەن كەمەلدەندىرۋدى مىقتى ۇستاۋ كەرەك. سىرت جەردە ەمدەلگەن ناۋقاستاردىڭ بارلىق بەلگىلەنگەن ەمحانالاردا كارتوچكامەن ناۋقاس كورسەتىپ، دەر كەزىندە ەسەپ ءۇزۋىن جەدەل ىسكە اسىرىپ، جىلجىمالى جان سانى مەن بالالارىمەن بىرگە قونىس اۋدارعان قارتتارعا شىنايى قولايلىلىق جاراتۋ كەرەك.
سونىمەن بىرگە، ۇكىمەتتىك ەمحانالارعا جان – جاقتىلى رەفورما جۇرگىزۋدى تەرەڭدەتىپ، قوعامدىق كۇشتەردىڭ ەمحانا اشۋىن ىلگەرىلەتۋ كەرەك. الىس ارالىقتى مەديتسينالىق قىزمەت وتەۋ جۇيەسىن قۇرۋدى جەدەلدەتىپ، نەگىزگى ساتى مەديتسينا قىزمەتكەرلەرىن تاربيەلەۋدى كۇشەيتىپ، دارەجەگە ءبولىپ ەمدەۋ مەن وتباسىلىق شيپاگەردىڭ توقتام ارقىلى قىزمەت وتەۋىنىڭ ساپاسىن جوعارىلاتۋ كەرەك.
باياندامادان مىنالار ايتىلعان: ساقتانۋدى نەگىز ەتۋدە تاباندى بولىپ، نەگىزدىك الەۋمەتتىك مەديتسينالىق قىزمەت وتەۋگە قاجەتتى جاڭادان قوسىلعان قازىنالىق قوسىمشا قاراجاتتاردى تۇگەلدەي قىستاقتار مەن الەۋمەتتىك وڭىرلەرگە پايدالانۋ، نەگىزگى ساتىداعى جۇرتشىلىقتى، ءسوزسىز، يگىلىككە كەنەلتۋ كەرەك. باياندامادا ايەلدەر مەن بالالاردىڭ سالاماتتىعىنا قىزمەت وتەۋدى كۇشەيتىپ، جۇڭگوشا شيپاگەرلىك ىستەرىنە مۇراگەرلىك ەتۋ مەن جاڭالىق جاراتا دامىتۋعا قولداۋ كورسەتۋ كەرەك دەپ اتاپ كورسەتىلگەن.
باياندامادا مىنالار باسا دارىپتەلگەن: ءدارى – دارمەكتەر مەن ۆاكسينالاردى بۇكىل بارىس بويىنشا باقىلاۋ – باسقارۋعا الۋدى كۇشەيتۋ، زاڭعا قايشىلىق جاساعانداردى قاتاڭ جازالاۋ، مىندەتىن ويداعىداي اتقارماعانداردىڭ جاۋاپكەرشىلىگىن قاتاڭ تەكسەرۋ، حالىق جۇرتشىلىعىنىڭ ءومىرى مەن سالەمەتتىگىنىڭ قورعانىس سىزىعىن باتىل قورعاۋ كەرەك.
باياندامادا مىنالار ورتاعا قويىلعان: الەۋمەتتىك قامتاماسىزداندىرۋ ءتۇزىمى مەن ساياساتتارىن كەمەلدەندىرىپ، كوپ دارەجەلى زەينەتكەرلىك قامتاماسىزداندىرۋى جۇيەسىن قۇرۋدى ىلگەرىلەتۋ كەرەك. زەينەتكە شىققانداردىڭ نەگىزدىك زەينەتكەرلىك قاراجاتىن ۇزدىكسىز جوعارىلاتۋ كەرەك. اسكەري مىندەتتەن بوساعانداردىڭ مامىلەسىن قامتاماسىزداندىرۋدى تياناقتاندىرىپ، اسكەري مىندەتتەن بوساعانداردىڭ نەگىزدىك زەينەتكەرلىك نەگىزدىك ەمدەۋدى قامسىزداندىرۋىن سايكەستىرۋ ساياساتىن كەمەلدەندىرۋ كەرەك. قالالار مەن اۋىلدارداعى ەڭ تومەنگى تۇرمىس دەڭگەيىن قامتاماسىزداندىرۋ قاراجاتى، ارناۋلى كومەكتەسۋ قاراجاتى قاتارلىلاردىڭ ولشەمىن ۇيلەسىمدى تۇردە ارتتىرىپ، قيىنشىلىعى بار بالالاردىڭ تۇرمىسىن قامتاماسىزداندىرۋدى كۇشەيتۋ كەرەك. ءىرى قالالارداعى قيىنشىلىعى بار جۇمىسشى – قىزمەتكەرلەردى كەدەيلىكتەن ارىلتۋ پارمەنىن ارتتىرۋ كەرەك. مۇگەدەكتىكتىڭ الدىن الۋ مەن ساۋىقتىرۋ ورەسىن جوعارىلاتۋ كەرەك. جۇرتشىلىقتى قيىنشىلىقتان ارىلتۋعا كۇش سالىپ، قيىنشىلىقتارىن ءداپ باسىپ، حالىقتىڭ نەگىزدىك تۇرمىسىنىڭ تومەنگى شەگىن باتىل قورعاۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
