بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى
حالىق تورابى>>ەل ءىشى حابارلارى

چىڭ جيە ۋاكىل: اۋىل – قىستاقتاعى كەدەي وتباسى ءۇشىن ءتىپتى دە كوپ جاقىننان كاسىپتەنۋ ورايىن جاراتۋ كەرەك

2019.03.06 14:13   كەلۋ قاينارى : حالىق تورابى



  سۋرەتتە: مەملەكەتتىك حالىق قۇرىلتايىنىڭ ۋاكىلى، حۋبەي ولكەسى شاننيڭ قالاسى بايني قالاشىعى داشى قىستاعى پارتيا ياچەيكاسىنىڭ شۋجيى چىڭ جيە تىلشىلەردىڭ سۇراۋىنا جاۋاپ بەرۋدە. حالىق تورابىنىڭ ءتىلشىسى ۋىڭ چي-يۇي تۇسىرگەن

  حالىق تورابى، 3 – ايدىڭ 6 – كۇنى، بەيجيڭ. 3 – ايدىڭ 5 – كۇنى تۇستەن بۇرىن، 13 – كەزەكتى مەملەكەتتىك حالىق قۇرىلتايىنىڭ 2 – ءماجىلىسى اشىلاردىڭ الدىندا، 2019 – جىلى ەكى ماجىلسىتەگى تۇڭعىش مايدان ۋاكىلدەر ءدالىزى اشىلدى. مەملەكەتتىك حالىق قۇرىلتايىنىڭ ۋاكىلى، حۋبەي ولكەسى شاننيڭ قالاسى بايني قالاشىعى داشى قىستاعى پارتيا ياچەيكاسىنىڭ شۋجيى چىڭ جيە تىلشىلەردىڭ سۇحپاتىن قابىلداعاندا بىلاي دەپ تانىستىردى: كەدەيلىكتەن قۇتىلدىرۋدان قامال الۋدىڭ الدىڭعى شەبىندە كەيبىر قيىنشىلىعى بار وتباسىن كوردىم، ولاردا ەشقانداي ەڭبەك تەحنيكاسى جوق، ەشقانداي شىعار جولى جوق، ونىڭ ۇستىنە ەڭبەك قابىلەتى دە ءبىرشاما ٵلسىز، تاعى وتباسىنا قاراۋى كەرەك، مۇنداي جاعداي قىستاقتاردى ارالاساڭ وتە كوپ كەزىگەدى ەكەن، وتباسىندا نەمەرەسىن وقۋعا اپارىپ – اكەلىپ جۇرگەن اجەلەر، اۋرۋ اتا- اپاسىنا قاراپ جاتقان كەلىندەر، تاعى ءجۇرىپ – تۇرۋى قولايسىز مۇگەدەكتەر، ولاردىڭ بارلىعى قىزمەت ىستەۋدى ەرەكشە ارماندايدى. بايلانىس جاساۋ ارقىلى، جەرگىلىكتى ورىنداعى تازالىق ماقتاسىن جاسايتىن ءبىر كاسىپورىنعا قىستاققا اكەلتىپ ءبىر سۇيەمەلدەۋ سەحىن سالدىردىق، قىستاقتاعى قيىنشىلىعى بار 10نان استام وتباسىن اتالعان سەحتا جۇمىسقا ورنالاستىردىق، قيىنشىلىعى بار بۇقارانى اتالعان سەحقا جۇمىسقا ورنالاستىرعاندا ولار ءبىر جاعىنان وتباسىنا قاراي الدى، ەندى ءبىر جاعىنان سىرتتاي ءبىر ءبولىم كىرىس كوزىن تابا الدى، بۇل ولاردىڭ ءبىر اۋىزدان جاقسى باعاسىنا يە بولدى. مۇنداي سەحتان اۋداندا جيىنى 30ى بار، ىلگەرىندى – كەيىندى بولىپ جيىنى 1500دەن استام ادامدى جاقىننان كاسىپتەندىردىك، مۇنىڭ ىشىندە كەدەي وتباسىنان 800دەن استام ادام بار، بۇقارانىڭ بارلىعى سۇيەمەلدەۋ سەحى ءۇيدىڭ جانىنان سالىنعان سوڭ، ولار قازىر ٶندىرىس تەحنيكاسىن تالقىلايتىندىعىن ايتادى، سەحتا جۇمىس ىستەۋشىلەردىڭ سانى بارعان سايىن كوبەيۋدە، قارتا وينايتىنداردىڭ سانى بارعان سايىن ازايۋدا.

  چىڭ جيە بىلاي دەدى: قازىر مۇنداي سەحقا بولعان قاجەت بارعان سايىن ارتىپ، كوپشىلىك تالاسا جۇمىس ىستەۋدە، سەحتا جۇمىس ىستەۋگە تالاسۋدا، بۇل سەحتىڭ ءبىرشاما از ەكەندىگىن، بۇقارانىڭ مۇنداي سەحتىڭ كوبىرەك سالىنۋىن، ءتىپتى دە كوپ جاقىننان جۇمىستانۋ ورايىنىڭ بولۋىن تىلەيتىندىگىن ءبىر قىرىنان كورسەتەدى. كاسىپورىندارمەن، كەيبىر اۋىلعا قايتىپ كاسىپ كوزىن اشقاندارمەن اڭگىمەلەسۋ بارىسىندا ولاردىڭ اۋىلعا قايتۋدى ەرەكشە ارماندايتىندىعىن، دەسە دە ينفورماتسيانىڭ جەتكىلىكسىز بولۋى، كەيبىر جاڭا ساياساتتاردى تۇسىنبەۋى ەڭ ۇلكەن ۋايىم ەكەندىگىن بايقادىق.

  كەلۋ قاينارى: حالىق تورابى

جاۋاپتى رەداكتورى : مانەپ ەربول ۇلى

 سۋرەت