ليۋ يۇڭفۋ: كەدەيلەردى سۇيەمەلدەۋدە ينفورماتسيا تەحنيكاسىنان، ينتەرنەتتەن پايدالانىپ، ءداۋىردىڭ جۇردەك كولىگىنە وتىرۋ كەرەك
2019.03.08 15:46 كەلۋ قاينارى : حالىق تورابى
حالىق تورابى، 3 – ايدىڭ 7 – كۇنى، بەيجيڭ. بۇگىن تۇستەن بۇرىن، 13 – كەزەكتى مەملەكەتتىك حالىق قۇرىلتايى 2 – ءماجىلىسىنىڭ اقپارات ورتالىعى تىلشىلەردى قابىلداۋ جيىنىن وتكىزىپ، مەملەكەتتىك كەڭەستىڭ كەدەيلەردى سۇيەمەلدەۋ مەن كوركەيتۋگە باسشىلىق ەتۋ گرۋپپاسى كەڭسەسىنىڭ مەڭگەرۋشىسى ليۋ يۇڭفۋدى «قيىنشىلىقتاردى جەڭۋ — كەدەيلەردى سۇيەمەلدەۋدە قامال الۋ شايقاسىنىڭ جەڭىسىنە قول جەتكىزۋگە» قاتىستى ماسەلەلەر جونىندە جۇڭگولىق، شەتەلدىك تىلشىلەردىڭ سۇراۋىنا جاۋاپ بەرۋگە ۇسىنىس ەتتى.
ءبىر ءتىلشىنىڭ «تەحنيكالىق جاقتان كەدەيلەردى سۇيەمەلدەۋدە، وتە – موتە، ينتەرنەتتىڭ رولى ارقىلى كەدەيلىكتەن ارىلتۋدا قامال الۋ شايقاسىنا دەم بەرۋدە قانداي ورنالاستىرۋلار جاسالدى» دەگەن سۇراۋىنا، ليۋ يۇڭفۋ: كەدەيلەردى سۇيەمەلدەۋدە ينفورماتسيا تەحنيكاسىن پايدالانۋ، ينتەرنەتتەن پايدالانۋ، ءداۋىردىڭ جۇردەك كولىگىنە وتىرۋ كەرەك، — دەپ جاۋاپ بەردى.
ليۋ يۇڭفۋ مىنالاردى ايتتى: 2014 – جىلدان باستاپ، گانسۋ ولكەسى لۇڭنان قالاسى ەلەكتروندىق ساۋدا جاعىندا كەدەيلەردى سۇيەمەلدەۋدە ۇلگى قالا سىناق ءتۇيىنىن ورىستەتتى، گانسۋ ولكەسى لۇڭنان قالاسى گانسۋ ولكەسىندەگى دامۋى ەڭ كەنجە قالعان جەر، سىچۋانمەن شەكارالاسادى، 2013 – جىلى 800 مىڭنان استام كەدەي جان سانى بار بولاتىن، قازىر 200 مىڭداي كەدەي جان سانى بار. گانسۋ ولكەسى لۇڭنان قالاسىنداعى كەدەيلەر جان سانى «ەلەكتروندىق ساۋدا + كەدەيلەردى سۇيەمەلدەۋ» فورماسى ارقىلى 2015 – جىلى كىسى باسىنا تيەتىن كىرىستەرىن ورتا ەسەپپەن 430 يۋان، 2016 – جىلى 420 يۋان، 2017 – جىلى 710 يۋان، 2018 – جىلى 810 يۋان ارتتىردى. كەدەي ەمەس جان سانىنىڭ كىرىسىنىڭ ارتۋ مولشەرى مۇنان دا كوپ بولدى. ەلەكتروندىق ساۋدا ارقىلى ساتۋ مەن ساتىپ الۋداعى قيىن ماسەلەلەر شەشىم ەتىلدى، قازىر گانسۋ ولكەسى لۇڭنان قالاسىنىڭ اۋىل شارۋاشىلىعى ەرەكشە ونىمدەرىن ساتا الماۋ ماسەلەسى شەشىم ەتىلدى. جۇرتشىلىقتىڭ تانىمىندا وزگەرىس تۋىلىپ، وزدەرىنىڭ ەڭبەگى ارقىلى اۋقاتتانۋعا قادام تاستادى، نارىققا ارالاسۋدا سەنىمدىلىككە ءمان بەرۋ، ساپاعا ءمان بەرۋ، ماركاعا ءمان بەرۋ، وسىزاماندانعان ءتاسىل بولۋى كەرەك دەگەن تانىم ورناتتى.
ليۋ يۇڭفۋ بىلاي دەپ تانىستىردى: ءبىز بۇكىل ەلىمىز بويىنشا تەكشە دايىندادىق، جۇڭگو كەدەيلەردى سۇيەمەلدەۋگە ەرىكتى قىزمەت وتەۋدى ىلگەرىلەتۋ قوعامى قوعامدىق كۇشتەردىڭ كەدەيلەردى سۇيەمەلدەۋى تورابىن اشتى، قازىر بۇل توراپقا تىزىمدەلگەندەردىڭ سانى 40 ميلليون ادامنان اسادى، كەدەي جان سانى قانداي كومەككە ءزارۋ بولسا، باسقارۋشىلار ونى توراپتا جاريالايدى، توراپتا سايكەستىرۋدى ىسكە اسىرادى. قازىرگە دەيىن، ەكى جىلعا جۋىق ۋاقىت ىشىندە وسىنداي زارۋلىك مازمۇنىنان 4 ميلليوننان استام ينفورماتسيا جاريالانعان، 3 ميلليوننان استامىن سايكەستىرۋ ءساتتى بولعان، ايتارلىقتاي ءونىمدى بولدى. كەلەسى قادامدا، كەدەي وڭىرلەردىڭ ايگىلى ونىمدەرىن، جاسىل – ورگانيكالى ونىمدەرىن، مىسالى، چيڭحاي – شيزاڭ ءۇستىرتىنىڭ ارپاسىن، قوداسىن، وڭتۇستىك شينجياڭنىڭ شىلانىن، جاڭعاعىن قالالارعا اپارىپ ساتۋعا دايىندالۋدامىز، ارپا قانداعى قانت قۇرامىن تومەندەتەدى، قوداس ەتىنىڭ حورەكتىك قۇرامى جوعارى ءارى ءدامدى، شينجياڭنىڭ جاڭعاعى مەن شىلانىنىڭ ساپاسى جاقسى، ديحانداردىڭ كىرىسى ارتۋمەن قاتار، قالالىقتار دا جاقسى ونىمدەردى ساتىپ الادى، ەلەكتروندىق ساۋدا ارقىلى ورتاداعى تۇيىندەردى ازايتىپ، ەكى جاق تا تيىمدىلىككە كەنەلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
