بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

چىن شيۋىن: قالا نوپوسىنا ورنالاستىرعاندا ديحانداردان جەردى كوتەرمەگە بەرۋ جانە تيجارات ەتۋ ۇقىعىنان شەگىنىپ شىعۋدى تالاپ ەتۋگە بولمايدى

2019.03.10 14:12     كەلۋ قاينارى : حالىق تورابى

  حالىق تورابى، 3 – ايدىڭ 9 – كۇنى، بەيجيڭ. 3 – ايدىڭ 9 – كۇنى تۇستەن بۇرىن، 13 – كەزەكتى مەملەكەتتىك حالىق قۇرىلتايى 2 – ءماجىلىسىنىڭ اقپارات ورتالىعى مەديا ورتالىعىنداعى اقپار جاريالاۋ زالىندا تىلشىلەردى قابىلداۋ جيىنىن وتكىزىپ، مەملەكەتتىك حالىق قۇرىلتايىنىڭ اۋىل شارۋاشىلىعى جانە اۋىل – قىستاق كوميتەتىنىڭ مەڭگەرۋشى مۇشەسى چىن شيۋىندى، مەملەكەتتىك حالىق قۇرىلتايىنىڭ قازىنا – ەكونوميكا كوميتەتى مەڭگەرۋشى مۇشەسىنىڭ ورىنباسارى ۋرىتۋدى، مەملەكەتتىك حالىق قۇرىلتايى تۇراقتى كوميتەتى زاڭ – ءتۇزىم قىزمەتى كوميتەتى مەڭگەرۋشىسىنىڭ ورىنباسارى ليۋ جۇنچىندى، مەملەكەتتىك حالىق قۇرىلتايى تۇراقتى كوميتەتى زاڭ – ءتۇزىم قىزمەتى كوميتەتى مەڭگەرۋشىسىنىڭ ورىنباسارى شۇي انبياۋدى، مەملەكەتتىك حالىق قۇرىلتايىنىڭ ورتانى جانە بايلىق قاينارىن قورعاۋ كوميتەتىنىڭ مۇشەسى چىڭ ليفىڭدى «حالىق قۇرىلتايىنىڭ زاڭ جاساۋ قىزمەتىنە» قاتىستى ماسەلەلەر جونىندە جۇڭگولىق جانە شەتەلدىك تىلشىلەردىڭ سۇراۋلارىنا جاۋاپ بەرۋگە ۇسىنىس ەتتى.


  ءتىلشى: بىلتىر 12 – ايدا مەملەكەتتىك حالىق قۇرىلتايى تۇراقتى كوميتەتى اۋىل – قىستاقتا جەردى كوتەرمەگە بەرۋ زاڭىنا وزگەرىس ەنگىزۋدى ورىندادى، قىزمەتتىڭ قازىرگى ءتۇيىنى نەدە؟ — دەپ سۇرادى. چىن شيۋىن بۇعان بىلاي دەپ جاۋاپ بەردى: ەلىمىزدىڭ اۋىل – قىستاقتارىندا قازىر 200 ميلليوننان استام ديحان وتباسى كوللەكتيۆتىك ەكونوميكالىق ۇيىمنىڭ جەرىن كوتەرمەگە الىپ وتىر، سوندىقتان، اۋىل – قىستاق جەرىن كوتەرمەگە بەرۋ زاڭى — ءجۇز ميلليونداعان ديحانداردىڭ ۇقىق – مۇددەسىنە ساياتىن زاڭ. بىلتىر جىل سوڭىندا مەملەكەتتىك حالىق قۇرىلتايى تۇراقتى كوميتەتى جەردى كوتەرمەگە بەرۋ زاڭىنا وزگەرىس ەنگىزۋ جوباسىن قاراپ ماقۇلدادى، بۇل رەت وزگەرىس ەنگىزۋدە نەگىزىنەن ءۇش جاقتاعى ماسەلەلەر ويلاستىرىلعان:


  بىرىنشىدەن، اۋىل – قىستاقتا رەفورما جۇرگىزىلگەنىنە 40 جىل بولدى، اۋىل شارۋاشىلىعى مەن اۋىل – قىستاقتاردىڭ جاعدايىندا، جاساپ جاتقان ورتاسىندا كوپتەگەن وزگەرىستەر بولدى، وتە – موتە، كوپشىلىك كورىپ وتىرعانداي، قالا – قالاشىقتانۋدىڭ ىلگەرىلەتىلۋى، ونەركاسىپتەنۋدىڭ ىلگەرىلەتىلۋىنە بايلانىستى ءتىپتى دە كوپ ديحاندار جىلجىمالى ەڭبەككۇشتەرگە اينالىپ، سىرتقا شىعىپ جۇمىس ىستەپ، ساۋدامەن شۇعىلداندى، جەردى تيجارات ەتۋ ۇقىعىنىڭ اينالىمعا ءتۇسۋىنىڭ، كولەمدەندىرە تيجارات ەتىلۋىنىڭ دامۋىنا، سونداي – اق، ءتۇرلى فورماداعى جاڭاشا اۋىل شارۋاشىلىعى تيجاراتتىق نەگىزگى تۇلعالارىنىڭ دامۋىنا ىلەسە، وسىنداي جاعدايلارعا باعىتتاي وتىرىپ، جەردى اينالىمعا ءتۇسىرۋدى زاڭدىق جاقتان بەلگىلى دەڭگەيدە جۇيەگە ءتۇسىرۋ قاجەت بولدى.


  ەكىنشىدەن، قالىڭ ديحاندار جۇرتشىلىعىنىڭ تالابىنا ساي، ورتالىق ديحانداردىڭ جەردى كوتەرمەگە بەرۋ ۇقىعىن قامتاماسىزداندىرۋ ءۇشىن ءبىرقىدىرۋ ايقىن ساياساتتاردى ورتاعا قويدى، مىسالى، ديحانداردىڭ جەردى كوتەرمەگە بەرۋ ۇقىعىن، اينالىمعا تۇسىرىلگەن جەردىڭ تيجارات ۇقىعىن ساقتاپ قالۋ سىندى تىلەكتەرىن ولاردىڭ كوڭىلىندەگىدەي ورىنداۋ ءۇشىن ورتالىق اۋىل – قىستاقتاعى جەردىڭ مەنشىك ۇقىعى، كوتەرمەگە بەرۋ ۇقىعى، تيجارات ەتۋ ۇقىعى سىندى ءۇش ءتۇرلى ۇقىقتى ءبولىپ باسقارۋدى ورتاعا قويىپ، ديحانداردىڭ كوتەرمەگە بەرۋ ۇقىعىن تياناقتاندىرۋدى اناعۇرلىم ىلگەرىلەتتى.


  ۇشىنشىدەن، جۋىرداعى جىلداردان بەرى، جەردى كوتەرمەگە بەرۋ جاعىندا جەر – جەر جاڭا جاعدايلارعا، جاڭا ماسەلەلەرگە ءدوپ كەلدى، بۇل ماسەلەلەر مەن قايشىلىقتاردى شەشۋدە جەر – جەردىڭ وزىندىك تاجىريبەلەرى مەن شەشۋ جولدارى بار، بۇل تاجىريبەلەردى بىرتىندەپ ساياسات دەڭگەيىنە كوتەرۋ كەرەك، ەگەر ونان ارى پىسىپ – جەتىلەتىن بولسا، ونى زاڭ – تۇزىمگە اينالدىرۋ كەرەك، وسى بىرنەشە ءتۇرلى سەبەپتەرگە ساي، اۋىل – قىستاقتاعى جەردى كوتەرمەگە بەرۋ زاڭىنا وزگەرىس ەنگىزىلدى.


  چىن شيۋىن مىنانى اتاپ كورسەتتى: بۇل رەت وزگەرىس ەنگىزىلگەن نەگىزگى مازمۇن ورتالىق ورتاعا قويعان اۋىل – قىستاقتاعى جەرگە قاتىستى وتكەندەگى مەنشىك ۇقىعى مەن كوتەرمەگە بەرۋ ۇقىعى سىندى ەكى ۇقىقتى ءبولىپ باسقارۋدى مەنشىك ۇقىعى، كوتەرمەگە بەرۋ ۇقىعى جانە تيجارات ەتۋ ۇقىعى سىندى ءۇش ۇقىقتى ءبولىپ باسقارۋعا وزگەرتۋ بولىپ تابىلادى، اتاپ ايتقاندا، كوللەكتيۆتىڭ جەرىن كوتەرمەگە العان ديحاندار تيجارات ەتۋ ۇقىعىن وزدەرى پايدالانا الادى، باسقالارعا وتكەرمەلەپ بەرۋىنە دە بولادى، الايدا، كوتەرمەگە العان جەردى تيجارات ەتۋ ۇقىعىن وتكەرمەلەپ بەرگەننەن كەيىن، كوتەرمەگە العان وتباسى مەن كوللەكتيۆ قول قويعان جەردى كوتەرمەگە الۋ – كوتەرمەگە بەرۋگە قاتىستى اسىلگى توقتام قاتىناسى وزگەرمەيدى، اتاپ ايتقاندا، كوتەرمەگە العان وتباسى جەردى تيجارات ەتۋ ۇقىعىن وتكەرمەلەپ بەرگەننەن كەيىن، كوللەكتيۆتىڭ جەرىن كوتەرمەگە الۋ ۇقىعىنا جالعاستى يە بولادى، بۇل تارماق وزگەرمەيدى.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار