بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

جاڭ ماۋ: قۋاتتىق ونىمدەردى اسىرەلەي ۇگىتتەۋگە بولمايدى، زالال جەتكىزسە زاڭ بويىنشا جازالاۋ كەرەك

2019.03.12 15:23     كەلۋ قاينارى : حالىق تورابى

  حالىق تورابى، 3 – ايدىڭ 11 – كۇنى، بەيجيڭ. 13 – كەزەكتى مەملەكەتتىك حالىق قۇرىلتايى 2 – ءماجىلىسىنىڭ اقپارات ورتالىعى 3 – ايدىڭ 11 – كۇنى تىلشىلەردى قابىلداۋ جيىنىن وتكىزىپ، مەملەكەتتىك نارىقتى باقىلاۋ – باسقارۋ باس مەكەمەسىنىڭ باستىعى جاڭ ماۋدى، مەملەكەتتىك زياتكەرلىك ۇقىعى مەكەمەسىنىڭ باستىعى شىن چاڭيۇيدى، مەملەكەتتىك ءدارى – دارمەكتەردى باقىلاۋ – باسقارۋ مەكەمەسىنىڭ باستىعى جياۋ حۇڭدى «نارىقتى باقىلاۋ مەن باسقارۋدى كۇشەيتىپ، نارىق ءتارتىبىن قورعاۋعا» قاتىستى ماسەلەلەر جونىندە جۇڭگولىق، شەتەلدىك تىلشىلەردىڭ سۇراۋىنا جاۋاپ بەرۋگە ۇسىنىس ەتتى.


  ءتىلشى بىلاي دەپ سۇرادى: جۋىردا نارىقتى باقىلاۋ – باسقارۋ باس مەكەمەسى قاتارلى 13 تاراۋ بىرگە «قۋاتتىق ءونىم» نارىعىنداعى بىلىققان جاعدايدى جونگە سالۋداعى ءجۇز كۇندىك ارەكەتتى ورىستەتۋگە ورنالاستىرۋ جاسادى، بۇل ارەكەتتى ورىستەتۋ بارىسىندا قازىرگە دەيىن قانداي ناتيجەلەرگە قول جەتكىزدىڭىزدەر؟ تاعى قانداي قيىن ماسەلەلەر شەشۋدى قاجەت ەتەدى، الداعى قىزمەتتەرىڭىزگە قانداي نىسانا قويىپ وتىرسىزدار؟


  جاڭ ماۋ بىلاي دەپ جاۋاپ بەردى: «قۋاتتىق ءونىم» نارىعى جۋىردان بەرى الەۋمەتتىڭ نازارىن ايرىقشا اۋدارىپ، جۇرتشىلىقتىڭ اڭىسى ءبىرشاما كۇشتى بولىپ وتىر. بىلىققان جاعداي ءبىرشاما كوپ، زالالى دا ءبىرشاما زور بولدى، جونگە سالۋدى، ءسوزسىز، كۇشەيتۋ كەرەك. «قۋاتتىق ءونىم» نارىعىنداعى ءىشىنارا ۇعىمداردىڭ شەت – شەكاراسىن پارىقتاۋ شىنىندا قيىن، نارىقتاعى قۋاتتىق ونىمدەردىڭ كەيبىرەۋىنە كاسىپورىندار وزدەرى قۋاتتىق ءونىم دەگەن انىقتاما بەرگەن، كەيبىرەۋى قاتىستى تاراۋلارعا تىزىمدەلگەن قۋاتتىق ونىمدەر. قۋاتتىق ازىق – تۇلىكتەر مەن دەنساۋلىققا پايدالى تۇتىنۋ بۇيىمدارى جونىندەگى ۇگىتتەردىڭ ىشىندە جالعان ۇگىت جاساۋ جاعدايى از ەمەس، مۇنىڭ قارتتار مەن بالالارعا جەتكىزەتىن زيانى ەڭ زور. كەيبىر قارتتار قۋاتتىق ءونىمنىڭ جارناماداعى رولىنا سەنىپ، ونى دەرەۋ ساتىپ العان سوڭ، ۇيگە كەلگەندە بالا – شاعاسى ۇرسادى، سودان سوڭ ول بالا – شاعاسىنا ايتپاي، ءوزى ساتىپ الىپ، كورسەتپەي ءىشىپ، پايدالانىپ جۇرەدى. بۇل قىزمەتتى ىستەۋ كۇردەلى، سپات الۋ قيىن، انىقتاما بەرۋ قيىن، جارنامالاۋدىڭ الدامشىلىق سيپاتى زور، جونگە سالۋ بارىسىندا دا قيىندىق دارەجەسى جوعارى.


  بيىل 1 – ايدىڭ 8 – كۇنىنەن باستاپ، 13 تاراۋ بىرگە جونگە سالۋدى ورىستەتىپ، كەزەڭدىك ناتيجەلەرگە قول جەتكىزدى. 3 – ايدىڭ 1 – كۇنىنە دەيىن، جيىنى 4865 دەلو تۇرعىزىلىپ، قاتىستى قاراجات سوماسى 5 ميلليارد 170 ميلليون يۋانعا جەتتى. ءبىز ءجۇز كۇندىك جونگە سالۋ ارەكەتىن ورتاعا قويعانىمىزبەن، جونگە سالۋ قىزمەتى ءجۇز كۇنمەن توقتاپ قالمايدى، ءسوزسىز، ۇزاق ۋاقىت جۇرگىزۋ كەرەك، سونىمەن بىرگە، عىلمي ۇگىتتى كۇشەيتىپ، قۋاتتىق ونىمدەردى تىزىمگە الۋعا قاتىستى قازىرگى ءتۇزىمدى رەفورمالاۋ كەرەك. كاسىپورىنداردىڭ نەگىزگى تۇلعالىق جاۋاپكەرشىلىگىن اناعۇرلىم كوبىرەك تياناقتاندىرىپ، شىندىقتى ءىس جۇزىنەن ىزدەپ، اسىرەلەي جارناما جاساماۋ كەرەك. جۇڭگودا ەرتەدەن بەرى «ازىق – تۇلىك پەن ءدارى – دارمەك توركىندەس» دەگەن ۇعىم بار، كوپتەگەن ازىق – تۇلىكتەر ءبىر جاعىنان قۋاتتاندىرۋ رولىن اتقارادى. كوپشىلىك شىلاننىڭ قان تولىقتايتىنىن، بالدىركوكتىڭ قان قىسىمىن تومەندەتەتىنىن بىلەدى، مۇنداي ايتىلىمدار وتە كوپ، كوپتەگەن ازىق – تۇلىكتەردىڭ ءداستۇرلى ۇعىم بويىنشا قۋاتتاندىرۋ رولى بار، الايدا، ءاربىر ادامنىڭ جاعدايى ءار ءتۇرلى، مۇنداي قۋاتتاندىرۋ رولىن ۇگىتتەندە شىندىقتى ءىس جۇزىنەن ىزدەۋ كەرەك.


  جاڭ ماۋ مىنانى باسا دارىپتەدى: ۇكىمەت بۇل جاعىندا كاسىپورىنداردىڭ ونىمىنە انىقتاما بەرە المايدى. ءبىزدىڭ الداعى رەفورمامىزدىڭ نىساناسى كاسىپورىنداردىڭ نەگىزگى تۇلعالىق جاۋاپكەرشىلىگىن تياناقتاندىرىپ، كاسىپورىنداردىڭ وزىندىك مالىمدەمە جاساۋ اۋماعىن كەڭەيتۋ بولىپ وتىر. بۇل ازىق – تۇلىكتىڭ دەنساۋلىققا قانداي پايداسى بار ەكەنىن، ونى نارىق ءوزى باعالايدى، تۇتىنۋشىلار ءوزى باعالايدى، ۇكىمەتتىڭ انىقتاما بەرۋىن ازايتۋ كەرەك. باسقا پايدالانۋ بۇيىمدارى جونىندەگى مۇنداي جارنامانىڭ شىن – جالعانىن پارىقتاۋ وتە قيىن، مىسالى، دەنساۋلىققا پايدالى ۇلتاراقتى ايتساق، ونىڭ دەنساۋلىققا قانداي پايداسى بار ەكەنىن قالاي بىلەمىز، بۇل جونىندە ەشقانداي عىلمي باعا بەرۋ ولشەمى جوق. مۇنداي ۇگىتتەرگە، بىرىنشىدەن، جارناما زاڭى قاتارلى زاڭ – تۇزىمدەر ارقىلى قاتاڭ شەكتەمە قويۋ كەرەك، زاڭ بويىنشا جارنامالاۋ كەرەك، جارناما مازمۇنىن اسىرەلەۋگە بولمايدى. بايقالعان ماسەلەلەرگە زيانىنا قاراي زاڭ بويىنشا جازا قولدانۋ كەرەك. سونىمەن بىرگە، عىلىمدى ۇگىتتەۋدى كۇشەيتىپ، تۇتىنۋشىلاردىڭ عىلمي تانىمىن جەتىلدىرۋ كەرەك. مامانداردى دەنساۋلىقتى ساقتاۋ تاسىلدەرىن تانىستىرۋعا ۇسىنىس ەتىپ، ماسەلەنى تۇبىرىنەن جاقسارتىپ، «قۋاتتىق ءونىم» نارىعىنداعى جارنامالاردىڭ اتىنا زاتى ساي بولۋىنا، جۇرتشىلىقتىڭ دەنساۋلىعىن كۇشەيتۋىنە مۇمكىندىك جاراتۋ كەرەك.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار