مەملەكەتتىك حالىق قۇرىلتايى ۋاكىلى زىڭ گۋاڭ – ان: «ءبىر بەلدەۋ، ءبىر جول» جۇڭگونىڭ جاساۋ كاسىبىنىڭ حالىقارالانۋىنا تاريحي وراي جاراتتى

2019.03.15 14:03   كەلۋ قاينارى : حالىق تورابى

　　سۋرەتتە: مەملەكەتتىك حالىق قۇرىلتايى ۋاكىلى، گۋاڭشي ليۋگۇڭ توبى شەكتى سەرىكتەستىگىنىڭ القالار باستىعى، پارتكوم شۋجيى زىڭ گۋاڭ – ان. حالىق تورابىنىڭ ءتىلشىسى ۋىڭ چييۇي فوتوسى


　　حالىق تورابى، 3 – ايدىڭ 8 – كۇنى، بەيجيڭ. 13 – كەزەكتى مەملەكەتتىك حالىق قۇرىلتايى 2 – ءماجىلىسى 3 – ايدىڭ 8 – كۇنى ەكىنشى رەتكى «ۋاكىلدەر ءدالىزىن» اشتى. مەملەكەتتىك حالىق قۇرىلتايى ۋاكىلى، گۋاڭشي ليۋگۇڭ توبى شەكتى سەرىكتەستىگى القالار باستىعى، پارتكوم شۋجيى زىڭ گۋاڭ - ان «ءبىر بەلدەۋ، ءبىر جول» دارىپتەمەسىنىڭ جۇڭگونىڭ جاساۋ كاسىبىنىڭ حالىقارالانۋىنا تاريحي وراي جاراتقانىن ءبىلدىردى.


　　ءتىلشى زىڭ گۋاڭ – اننان بىلاي دەپ سۇرادى: ۇكىمەت قىزمەتىنەن باياندامادا «ءبىر بەلدەۋ، ءبىر جولدى» بىرگە گۇلدەندىرىپ، كاسىپورىنداردىڭ نەگىزگى تۇلعالىق رولىن ساۋلەلەندىرۋ ورتاعا قويىلعان، ءسىزدىڭ كاسىپورىنداردىڭ «ءبىر بەلدەۋ، ءبىر جولدى» كوركەيتۋگە قاتىناسۋى جونىندە قانداي تاجىريبەلەرىڭىز بەن ۇسىنىستارىڭىز بار؟


　　زىڭ گۋاڭ – ان بىلاي دەپ قارادى: «ءبىر بەلدەۋ، ءبىر جول» دارىپتەمەسى جۇڭگونىڭ جاساۋ كاسىبىنىڭ حالىقارالانۋىنا تاريحي وراي جاراتتى، ناقتىلاپ ايتقاندا، بۇل ەكى جاقتان ايگىلەندى: بىرىنشىدەن، «ءبىر بەلدەۋ، ءبىر جول» بويىنداعى مەملەكەتتەر مەن رايونداردا ءبىزدىڭ جابدىق جاساۋ كاسىبىمىز بەلگىلى دەڭگەيدە باسىمدىلىققا يە، ونىڭ ۇستىنە، وسى مەملەكەتتەردىڭ نارىعىنداعى قاجەتسىنۋ جۇڭگومەن اسا ۇقسايدى. جۇڭگونىڭ جاساۋشى كاسىپورىندارىنىڭ جۇڭگونىڭ ونىمدەرىن، قىزمەت وتەۋىن «ءبىر بەلدەۋ، ءبىر جول» بويىنداعى مەملەكەتتەر مەن رايوندارعا جەتكىزۋى ابدەن مۇمكىن، بۇل جۇڭگونىڭ جاساۋ كاسىبىنىڭ نارىقتىق كەڭىستىگىن اناعۇرلىم كەڭەيتەدى.


　　ەكىنشىدەن، كاسىپورىندار حالىقارالىق كاسىپتەردە ءورىسىن كەڭەيتۋ بارىسىندا ونىمدەردى زەرتتەۋ، باسقارۋ، جاساۋ جانە ساۋدالاۋ جاقتارىندا بىزگە تىڭ سىناقتاردى اكەلەدى. بۇل سىناقتار كاسىپورىنداردىڭ ورەسى مەن قۋاتىن اناعۇرلىم جوعارىلاتادى، وتە – موتە، ءونىم قۋاتى، تەحنيكالىق جاسامپازدىق جانە ساۋدالاۋ جاقتارىندا كاسىپورىنداردىڭ تيپتىك بۇرىلىس جاساۋى مەن دارەجەسىن جوعارىلاتۋىن جانە ءبىزدىڭ جوعارى ساپامەن دامۋىمىزدى اناعۇرلىم ىلگەرىلەتەدى.


　　زىڭ گۋاڭ – ان بىلاي دەپ تانىستىردى: ليۋگۇڭ توبى 2003 – جىلدان باستاپ حالىقارالىق نارىقتى اشقاننان بەرى، بۇگىنگى تاڭدا 140 نەشە مەملەكەت پەن رايوندا كاسىپپەن شۇعىلدانۋدا. «ءبىر بەلدەۋ، ءبىر جول» بويىندا ءبىز 50 نەشە مەملەكەت پەن رايوندى قامتىپ وتىرمىز، قازىر لۋگۇڭنىڭ شەتەلدەگى كاسىبى بۇكىل كاسىبىنىڭ %30 اينالاسىنداعى بولەگىن ۇستاپ وتىر.


　　كەلۋ قاينارى: حالىق تورابى