وقىرماندار ازاماتتىق كۋالىك ينفورماتسياسىن جاسىرىن پايدالانۋدان تۋىنداعان مازاسىزدىقتاردى اڭىس ەتتى، ءتىلشى وسى جونىنەن تەكسەرۋ جۇرگىزدى −
ازاماتتىق كۋالىك جاسىرىن پايدالانىلسا قايتۋ كەرەك (تەكسەرۋ)
«حالىق گازەتىنىڭ» تىلشىلەرى شى ي – چي، ۋ يۋە
2019.03.18 16:08 كەلۋ قاينارى : حالىق تورابى
حۋاڭ حانىم ەشقانداي ءبىر سەرىكتەستىكتى تىزىمگە الدىرماعان ەدى، الايدا اتى - ءجونى باجىدان جالتارعانداردىڭ قارا تىزىمدىگىنە ەنگىزىلىپ، ءوڭى – تۇسىندە جوق «زاڭدى ۋاكىل» بولىپ شىعا كەلدى
بيىل 1 – ايدىڭ 15 – كۇنى جياڭسۋ ولكەسىنىڭ نانجيڭ قالاسىندا تۇراتىن حۋاڭ حانىم ەرتەمەن شاڭحاي پۋدۇڭ اۋەجايىنا اتتانىپ، كانادا ەلىندە وقىپ جاتقان قىزىن كورىپ كەلمەك بولدى. كەدەننەن وتەتىن كەزدە وعان شەكارادان وتۋىنە بولمايتىندىعى ۇقتىرىلدى. سەبەبى ءمالىم سەرىكتەستىكتىڭ زاڭدى ۋاكىلى بولعان حۋاڭ حانىم باجىدان جالتارعاندىقتان، بەيجيڭ قالالىق باجى مەكەمەسىنە ينفورماتسياسى جولدانىپ، شەكارادان شىعۋى شەكتەلگەن ەكەن. حۋاڭ حانىم وسى كەزدە عانا 2015 – جىلدىڭ سوڭىندا ازاماتتىق كۋالىگىن جوعالتىپ الىپ، ارتىنان تولىقتاپ جاساتقانىن ەسىنە الدى. كەزىندە تىزىمگە الدىرعان ايتىلمىش سەتىكتەستىكتىڭ جوعالعان ازاماتتىق كۋالىكپەن قاتىستى بار ەكەنىن ءبىلدى.
تاياۋدا قالالىق بازار باقىلاپ – باسقارۋ باس مەكەمەسى قاتىستى ماسەلەلەرگە جاۋاپ قايتارعاندا، ماسەلەنى باعىت ەتىپ، «تالاپتى بوساڭسىتۋ، باسقارۋدى قاتاڭداستىرۋ» شاراسىن ۇزدىكسىز كەمەلدەندىردى. قازىر قالالىق بازار باقىلاپ – باسقارۋ باس مەكەمەسى «تۇتاس مەملەكەت بويىنشا سەرىكتەستىكتەردى تىزىمگە الۋدا تولىمدىلىقتى باسقارۋ، ناقتى اتى – ءجونىن دالەلدەۋ جۇيە» قۇرىلىسىن تامامداۋمەن بىرگە، ۋاقىتتى مىقتى يگەرىپ «تىزىمدىكتەن ءوشىرۋ» جانە «زورلىقپەن ءوشىرۋ» جونىندەگى باسقارۋ شاراسىن كەڭەسۋ ارقىلى بەكىتىپ، ازاماتتىق كۋالىكتىڭ جاسىرىن پايدالانىلىپ تىزىمگە الدىرۋ ماسەلەسىن شىنايى شەشتى.
ەسكەرتۋ
█ ازاماتتىق كۋالىكتى امال بار جاقسى ساقتاۋ كەرەك، جوعالىپ كەتسە، ازاماتتىق كۋالىكتەگى ينفورماتسيا زاڭسىز ەلەمەنتتەر جاعىنان جاسىرىن پايدالانىلۋى مۇمكىن. «زاڭدى ۋاكىل بولۋ» ماسەلەسىن بايقاسىمەن، قوعام حاۋىپسىزدىگى ورگاندارىنا دەركەزىندە مالىمدەپ، قاتىستى ماتەريالداردى قاراستى رايونىنداعى بازار باقىلاپ – باسقارۋ تاراۋلارى مەن باجى ىستەرى تاراۋلارىنا جەدەل الىپ بارىپ انىقتاما بەكىتۋ راسمياتىن وتەپ، ەشقانداي قاتىسى جوق سەرىكتەستىكتەرمەن بايلانىستى ەرتەرەك ءۇزۋى كەرەك.
█ جەر – جەردىڭ ساياساتى ۇقسامايدى، قاتىستى راسمياتتاردى وتەگەن كەزدە رايون سيپاتىنا ءمان بەرىپ، قاتىستى ساياساتتاردان الدىن الا حابارلى بولۋ كەرەك.
ياڭ مىرزا 3 – جاق جۇمساق دەتالىنان پايدالانىپ پويەز بەلەتىن ساتىپ العان سوڭ، رەسمي ەسەپ ءنومىرىن تىزىمدەتۋگە امالسىز قالدى
12306 ەسەپ ءنومىرى «تىزىمدەلگەن» بولىپ شىقتى
ياڭ مىرزا ازاماتتىق كۋالىك ءنومىرىن ەنگىزىپ، ەسەپتى تىزىمگە الدىرماق بولعاندا، كومپيۋتەر ەكران جۇيەسىنەن: «بۇل ءنومىر تىزىمگە الدىرعان» دەگەن ينفورماتسيا كورىندى. ياڭ مىرزا اڭكى – تاڭكى كۇي كەشتى، ويتەتىنى بۇدان بۇرىن ازاماتتىق كۋالىك نومىرىمەن ەشقانداي «تەمىر جول 12306» ەسەپ ءنومىرىن تىزىمگە الدىرماعان ەدى.
ەسكەرتۋ ەكرانىندا تاعى مىناداي ءسوز بار: «ءوزىڭىز تىزىمگە الدىرعان، الدىرماعانىڭىزدى تۇراقتاندىرىڭىز»، <ءيا> دەسەڭىز اۋەلگى نومىرمەن جۇيەگە كىرىڭىز، <جوق> دەسەڭىز وسى كۋالىكتىڭ اۋەلگى نۇسقاسىن الىپ جاقىن ماڭداعى جولاۋشى تاسىمال كاسىپتەرىن بىتىرەتىن تەمىر جول بەكەتىنە بارىپ ۇرلىق جولىمەن ءبىر جاقتى ەتىلگەندىك راسمياتىن وتەڭىز نەمەسە 12306 جولاۋشىلارعا قىزمەت وتەۋ، كەڭەس بەرۋ نومىرىنە حابارلاسىڭىز». ياڭ مىرزا وسى كەزدە عانا ازاماتتىق كۋالىك ءنومىرىنىڭ باسقالار جاعىنان ۇرلانىپ تىزىمگە الىنعانىن، ءوزىنىڭ ەشتەڭەدەن حابارسىز جۇرە بەرگەنىن ءبىلدى.
ەسكەرتۋ
█ ەگەر وسىنداي جاعدايعا كەزىكسەڭىز، وندا ەڭ جاڭا «تەمىر جول 12306» قولفون ابونتتارى تەرمينالىن ءتۇسىرىپ، ەكران بەتىنىڭ استىڭعى جاعىنداعى «مەنىكى» ايدارىن ءتۇرتىپ «ەسەپتى كۇشىنەن قالدىرۋ» تەتىگىن تاۋىپ، ەسەپتى كۇشىنەن قالدىرۋ سەبەبىن تاڭداعان سوڭ ءوزىنىڭ ازاماتتىق كۋالىك نومىرىمەن قاتىسى بار بارلىق تەكشەلەردىڭ تىزىمگە الۋ ينفورماتسياسىن ءوشىرىپ، ودان كەيىن 12306 ەسەپ ءنومىرىن قايتادان تىزىمگە الدىرسا، قالىپتى تىزىمگە الدىرعاندىق سانالادى.
█ تىزىمگە الدىرۋ ءساتتى بولسا، بۇرىنعى 12306 ەسەپ ءنومىرى تابىلمايدى.
بەيجيڭدە قىزمەت ىستەيتىن چي مىرزا شينجياڭداعى ءبىر سەرىكتەستىككە «جالدانعانىن»، جەكەلەر تابىس باجىسى ينفورماتسياسىنان «قىزمەتكە تاعايىندالعانىن» بايقادى
بيىل جىل باسىندا جەكەلەر تابىس باجىسى ارناۋلى قوسىمشاسىن شىعارىپ تاستاۋ ينفورماتسيا كەستەسىن تولتىرىپ جولداماق بولعان بەيجيڭ قالاسى چاۋياڭ رايونىندا وتىراتىن چي شى (بۇركەنشىك ەسىم) مەملەكەتتىك باجى باس مەكەمەسى اشقان «جەكەلەر تابىس باجىسى» APP دەتالىن ءتۇسىردى دە، توبەدەن ۇرعانداي وتىرىپ قالدى، ويتكەنى «قىزمەتكە تاعايىندالۋ، جۇمىسقا جالداۋ ينفورماتسياسىندا» ونىڭ قىزمەت ورنىنان سىرت، «قورعاس ۋانجۇڭ حۋانتيڭ كينو فيلم مادەنيەت شەكتى سەرىكتىگىنىڭ» جۇمىسقا جالداۋ ينفورماتسياسى شىعا كەلدى.
ەسكەرتۋ
█ كەزىندە قىزمەت ىستەگەن مەكەمەسى بولسا، وندا «جەكەلەر تابىس باجىسى» APP تەكشەسى جەكە ينفورماتسيا ورتالىعىنداعى قىزمەتكە تاعايىنداۋ، جۇمىسقا جالداۋ ينفورماتسياسىنان ايتىلمىش سەرىكتەستىكتى ءتۇرتىپ تاۋىپ، وڭ جاق بۇرىشىنداعى «ارىزدانۋ» تەتىگىنەن «كەزىندە ىستەگەن قىزمەتىن» تاڭداسا بولادى. باجى تاراۋلارى بۇل ينفورماتسيانى ايتىلمىش سەرىكتەستىككە اڭىس ەتەدى.
█ قىزمەت ىستەپ كورمەگەن سەرىكتەستىك جاعىنان جاسىرىن پايدالانىلسا، «ەجەلدەن قىزمەت ىستەمەگەن» تەتىگىن تاڭداپ، جاعدايدى ايتىلمىش سەرىكتەستىكتى باسقاراتىن باجى ورگانىنا اڭىس ەتىپ، باجى ورگانىمەن بىرگە تەكسەرۋدى ورىستەتۋى كەرەك.
بۇنداي جاعدايلارعا مۇرىندىق بولعان سەبەپتەر، ءبىرىنشى، كۋالىك يەسى ازاماتتىق كۋالىگىن جاقسى ساقتاماي جوعالتىپ الىپ، ينفورماتسيالارى زاڭسىز ەلەمەنتتەر جاعىنان پايدالانىلعان بولۋى مۇمكىن. دەسە دە، ازاماتتىق كۋالىكتەگى ينفورماتسيانىڭ باسقالار جاعىنان جاسىرىن پايدالانۋ جاۋاپكەرلىگىن بۇقاراعا يتەرە سالۋعا، ارينە، بولمايدى. ازاماتتىق كۋالىكتەگى ينفورماتسيانىڭ اشكەرە بولۋىنىڭ سەبەپتەرى الۋان ءتۇرلى، الايدا تۇراقتاندىرۋعا تاتيتىنى، بۇقارا ينفورماتسياسىنىڭ اشكەرە بولۋىن قالامايدى، باس اۋرۋ تابۋدى ءتىپتى دە قالامايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
