بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

ەڭ جوعارى حالىق پروكۋراتۋراسى اۋىل شارۋاشىلىعى وندىرىسىندەگى جالعان – جارامسىز زاتتارعا قاتىستى دەلولارعا قاتاڭ سوققى بەرەدى

2019.03.20 16:28     كەلۋ قاينارى : حالىق تورابى

  شينحۋا اگەنتتىگى، 3 – ايدىڭ 19 – كۇنى، بەيجيڭ. اۋىل شارۋاشىلىعى وندىرىسىندەگى جالعان – جارامسىز زاتتار مەملەكەتتىڭ استىق حاۋىپسىزدىگىنە اۋىر قاتەر ءتوندىرىپ، حالىق جۇرتشىلىعىنىڭ زاڭدى ۇقىق – مۇددەسىن زيانعا ۇشىراتىپ، قوعامنىڭ ورنىقتىلىعىنا ىقپال ەتەدى، سوندىقتان، بۇل سالانى، ءسوزسىز، كۇش سالا قاتاڭ جونگە سالۋ كەرەك. ەڭ جوعارى حالىق پروكۋراتۋراسى پىكىر باسىپ تاراتىپ، پروكۋراتۋرا ورگاندارىنىڭ قىزمەت رولىن تولىق ساۋلەلەندىرىپ، اۋىل شارۋاشىلىعى وندىرىسىندەگى جالعان – جارامسىز زاتتارعا سوققى بەرۋ قىزمەتىن ورىستەتۋگە جان – جاقتى ورنالاستىرۋ جاسادى.


  «2019 – جىلعى اۋىل شارۋاشىلىعى وندىرىسىندەگى جالعان – جارامسىز زاتتارعا سوققى بەرۋ قىزمەتىن ىشكەرىلەي ويداعىداي ىستەۋ جونىندەگى پىكىر» اتتى بۇل قۇجاتتا مىنالار تالاپ ەتىلگەن: جەر – جەردەگى پروكۋراتۋرا ورگاندارى قىزمەت جاۋاپكەرشىلىگىن بەلسەندىلىكپەن اتقارىپ، اۋىل شارۋاشىلىعى وندىرىسىندەگى قۇرال – جابدىقتارعا قاتىستى قىلمىستىق ارەكەتتەرگە زاڭ بويىنشا قاتاڭ سوققى بەرۋى كەرەك. قۇجاتتا ءبىر جاعىنان، قىزمەت ءتۇيىنىن تۇراقتاندىرعان، مىسالى: اۋىل – قىستاق پەن قالا – اۋىل تۇتاسقان جەرلەردى، اۋىل شارۋاشىلىعى وندىرىسىنە قاتىستى زاتتاردى تيجارات ەتەتىن جانە جيناۋ – جونەلتۋمەن اينالىساتىن ورىنداردى، ەگىمشىلىك – باعىمشىلىك ءوندىرىسى بازالارىن، كوجە – قاتىق ونىمدەرىن وندىرەتىن وڭىرلەردى ءتۇيىندى ءوڭىر؛ جالعان – جارامسىز تۇقىم، اۋىل شارۋاشىلىعى ونىمدەرى، تىڭايتقىش، مال دارىلەرى، جەم – ءشوپ جانە جەم – ءشوپ قوسپالارى، اۋىل شارۋاشىلىعى ماشينالارى قاتارلىلارعا قاتىستى قىلمىستاردى ءتۇيىندى سالا؛ جالعان – جارامسىز ونىمدەردى ءوندىرۋ – ساتۋ قىلمىسى، جالعان – جارامسىز اۋىل شارۋاشىلىعى دارىلەرىن، مال دارىلەرىن، حيميالىق تىڭايتقىشتاردى ءوندىرۋ – ساتۋ قىلمىسى، ماركانى جالعاننان تىزىمگە الدىرۋ قىلمىسى، زاڭسىز تيجارات ەتۋ قىلمىسى قاتارلى قىلمىستاردى ءتۇيىندى قىلمىس تۇرلەرى ەتىپ بەكىتكەن. ەندى ءبىر جاعىنان، تۇتقىنداۋ، شاعىم ايتۋ، دەلو تۇرعىزۋ بارىسىنا باقىلاۋ جۇرگىزۋ، تەرگەۋ بارىسىنا باقىلاۋ جۇرگىزۋ قاتارلى مىندەتتەرىن تولىق ساۋلەلەندىرۋدى تالاپ ەتكەن.


  پىكىردە مىنالار اتاپ كورسەتىلگەن: جەر – جەردەگى پروكۋراتۋرا ورگاندارى دەلونى ءبىر جاقتىلى ەتۋ بارىسىندا بايقاعان قوعامدىق باسقارۋداعى ءالسىز تۇيىندەر جونىندە دەر كەزىندە باعىتتامالى تۇردە پروكۋراتۋرالىق ۇسىنىس بەرىپ، قوعامدىق باسقارۋداعى ولقىلىقتاردىڭ الدىن الۋى، اۋىل- قىستاق قىزمەتىنىڭ اقاۋسىز دامۋىن ىلگەرىلەتۋى كەرەك. پروكۋراتۋرا ورگاندارىنىڭ قىلمىستىق ىستەر، ازاماتتىق ىستەر، اكىمشىلىك، الەۋمەتتىك يگىلىك سيپاتىندىق ارىز – شاعىم قاتارلىلارعا جاۋاپتى پروكۋراتۋرالىق تاراۋلارى تىعىز سايكەسىپ، اۋىل شارۋاشىلىعى وندىرىسىنە قاتىستى زاتتاردىڭ حاۋىپسىزدىگىن جانە ديحانداردىڭ ۇقىق - مۇددەسىن جان – جاقتى قورعاۋ جۇيەسىن ماقساتتى تۇردە قالىپتاستىرۋى كەرەك. قاتىستى اكىمشىلىك تاراۋلارمەن، قوعام حاۋىپسىزدىگى ورگاندارىمەن ينفورماتسيا الماستىرۋ، تەكسەرۋ جانە باعالاۋ قاتارلى سەلبەستىك ارنالارىن ىركىلىسسىزدەندىرىپ، اۋىل شارۋاشىلىعى وندىرىسىندەگى جالعان – جارامسىز زاتتارعا سوققى بەرۋ جاعىنداعى بىرلەسكەن ءماجىلىس مەحانيزمىن ويداعىداي پايدالانىپ، تىزە قوسا قىزمەت ىستەۋ جاعدايىن ىشكەرىلەي قالىپتاستىرۋى كەرەك.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار