بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

4 – ايداعى جاڭا بەلگىلەمە: كوپتەگەن كاسىپ باجى جەڭىلدەتۋدىڭ يگىلىگىن كورسە، باستاۋىش، ورتا مەكتەپتەردە بىرگە تاماقتانۋ ءتۇزىمى ورناتىلادى

جاساۋ كاسىبى سياقتى كاسىپتەردىڭ ارتقان قۇن باجى مولشەرى ٪16 تەن ٪13 كە دەيىن جەڭىلدەتىلەدى

2019.03.25 16:09     كەلۋ قاينارى : حالىق تورابى

  4 – ايداعى جاڭا بەلگىلەمە: كوپتەگەن كاسىپ باجى جەڭىلدەتۋدىڭ يگىلىگىن كورسە، باستاۋىش، ورتا مەكتەپتەردە بىرگە تاماقتانۋ ءتۇزىمى ورناتىلادى

  جاساۋ كاسىبى سياقتى كاسىپتەردىڭ ارتقان قۇن باجى مولشەرى ٪16 تەن ٪13 كە دەيىن جەڭىلدەتىلەدى

  4 – ايدىڭ 1 – كۇنىنەن باستاپ ەلىمىزدىڭ جاساۋ كاسىبى سياقتى كاسىپتەردىڭ ارتقان قۇن باجى مولشەرى ٪16 تەن ٪13 كە دەيىن، قاتىناس – تاسىمال جانە قۇرىلىسشىلىق سياقتى كاسىپتەردىڭ ارتقان قۇن باجى مولشەرى ٪10 تەن ٪9 كە دەيىن جەڭىلدەتىلەدى. وسىناۋ كەلەلى ورنالاستىرۋدى توڭىرەكتەپ، بيىل 3 – ايدىڭ 20 – كۇنى اشىلعان مەملەكەتتىك كەڭەستىڭ ۇنەمىلىك ىستەر ماجىلىسىندە ءۇش ءتۇرلى سايكەستى شارا ورتاعا قويىلدى: ءبىرىنشى، ساتىپ الۋ باجىسىن ورايلاستىرىپ اتقارۋ كولەمى ونان ارى كەڭەيتىلەدى؛ ەكىنشى، ساياسات اتقارىلعاننان كەيىنگى باجى تاپسىرۋشىلارعا جاڭا ۇستەمەلەنگەن ورايلاستىرىلاتىن باجى سوماسى قاتىستى بەلگىلەمەلەرگە ساي قايتارىلادى؛ ءۇشىنشى، ءىشىنارا تاۋارلاردىڭ قىزمەت وتەۋ، ەكسپورت باجى مولشەرى، اۋىل شارۋاشىلىق ونىمدەرىن ساتىپ الۋدا پايدالانىلعان شىعارىپ تاستاۋ مولشەرى سىندىلار سايكەستى رەتتەلەدى.

  ناقتىلاپ ايتقاندا، ساتىپ الۋ تۇرىندەگى باجىدان ورايلاستىرىپ ۇستاپ قالۋ كولەمى جاعىندا، ماجىلىستە ساياحاتشىلاردى تاسىمالداۋ، قىزمەت وتەۋدى ورايلاستىرىپ ۇستاپ قالۋ كولەمىنە ەنگىزۋ ۇيعارىلدى ءارى باجى تاپسىرۋشىلار قول جەتكىزگەن تۇراقتى مۇلىككە اقشا تولەۋدىڭ ساتىپ الۋ تۇرىندەگى باجىسىن اۋەلگى ەكى جىلعا ءبولىپ ورايلاستىرىپ ۇستاپ قالۋ ءبىر جولدا بارلىق سوماسىمەن ۇستاپ قالۋعا وزگەرتىلىپ، باجى تاپسىرۋشىلاردان سول مەزگىلدە ورايلاستىرىپ ۇستاپ قالىناتىن ساتىپ الۋ باجىسى ارتتىرىلدى. نەگىزگى كاسىپ سانالاتىن پوچتا، تەلەگراف، وسى زامانعى قىزمەت وتەۋ جانە تۇرمىستىق قىزمەت وتەۋدەگى باجى تاپسىرۋشىلاردىڭ ساتىپ الۋ تۇرىندەگى باجى سوماسىن قوسىپ ەسەپتەۋ ارقىلى تاپسىرۋعا ءتيىستى باجى سوماسى ٪10 كەمەيتىلىپ الىنادى، ساياسات 2021 – جىلدىڭ سوڭىنا دەيىن جۇرگىزىلەدى، دەپ ۋاقىتشا بەلگىلەندى.

  باستاۋىش، ورتا مەكتەپ، بالا باقشالاردىڭ قاتىستى جاۋاپتىلارى وقۋشىلارمەن بىرگە تاماقتانادى

  وقۋ – اعارتۋ مينيسترلىگى، مەملەكەتتىك بازار باقىلاپ – باسقارۋ باس مەكەمەسى جانە مەملەكەتتىك دەنساۋلىق ساقتاۋ جانە سالاماتتىق كوميتەتى ورتاق بەلگىلەگەن «مەكتەپتەردىڭ ازىق – تۇلىك حاۋىپسىزدىگىن جانە قورەكتىگىن، اقاۋسىزدىعىن باسقارۋ ەرەجەسى» 4 – ايدىڭ 1 – كۇنىنەن باستاپ اتقارىلادى. بۇل ەرەجە وقۋ – وقىتۋ ساتىسىنداعى ءار دارەجەلى، ءار تۇردەگى مەكتەپتەرگە، بالا باقشالارعا قولدانىلادى ەكەن.

  وسى ەرەجە بويىنشا، باستاۋىش، ورتا مەكتەپ، بالا باقشالار شوعىرلى بىرگە تاماقتانۋ ءتۇزىمىن بەلگىلەپ، ءار ۋاق تاماقتا مەكتەپتىڭ قاتىستى جاۋاپتىلارى وقۋشىلارمەن بىرگە تاماقتانۋى، بىرگە تاماقتانۋ ەستەلىگىن قالدىرۋى، شوعىرلى بىرگە تاماقتانۋ بارىسىندا ساقتالعان ماسەلەلەردى دەر كەزىندە بايقاۋى ءارى شەشىم ەتۋى كەرەك. شارت – جاعدايى بار باستاۋىش، ورتا مەكتەپ، بالا باقشالار وتاعالارمەن بىرگە تاماقتانۋ ءتۇزىمىن بەلگىلەپ، قاتىستى قىزمەت مەحانيزمىن كەمەلدەندىرۋى، بىرگە تاماقتانعان وتاعالاردىڭ مەكتەپتىڭ ازىق – تۇلىك حاۋىپسىزدىگى، قورەكتىگى جانە اقاۋسىزدىعى جونىنەن ورتاعا قويعان ۇسىنىس – پىكىرلەرىنە قاراتا دەر كەزىندە زەرتتەۋ جۇرگىزىپ جاۋاپ قايتارۋى كەرەك. ەرەجەدە تاعى مىنالار بەلگىلەندى: باستاۋىش، ورتا مەكتەپ، بالا باقشالاردىڭ، ادەتتە، مەكتەپ ىشىنەن ۇساق – تۇيەك جەمەكتىكتەردى ساتاتىن ماگازين، ەرەن بازار اشۋىنا بولمايدى، اشۋعا قاجەت بولسا، زاڭ بويىنشا رۋقسات كۋالىگىن الۋى، تۇزدالعان، شەكەرلى، مايلى ازىق – تۇلىك، جەمەكتىكتەردى ساتۋدان ساقتانۋى كەرەك.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار