كوپتەگەن اۆياتسيا سەرىكتىكتەرى ەرەكشە باعاداعى (تومەن باعالى) بەلەتتى دە قايتارتاتىن بولدى
2019.03.27 16:05 كەلۋ قاينارى : حالىق تورابى
«بەيجيڭ حابارلارى گازەتىنىڭ» حابارى (ءتىلشى ۋ تيڭتيڭ). 3 – ايدىڭ 31 – كۇنىنەن باستاپ مەملەكەتتىك اۆياتسيا سەرىكتىكتەرى ەل ىشىندەگى ۇشاق بەلەتىن قايتارۋ، وزگەرتۋ رەسميات وتەۋ اقىسىن الۋدا «ساتىلى قاراجات مولشەرىن» اتقارادى، بۇل ەل ىشىندەگى 4 ۇلكەن اۆياتسيا سەرىكتىگى، استانا اۆياتسيا سەرىكتىگى، چۇنچيۋ اۆياتسيا سەرىكتىگى سىندى كوپ ساندى اۆياتسيا سەرىكتىكتەرى جاڭا ساياساتتى بىردەي اتقارعانشا جۇرگىزىلەدى ەكەن، سونىمەن وسىدان بۇرىن تالاس – تارتىس تۋدىرىپ كەلگەن ەرەكشە باعاداعى ۇشاق بەلەتتەرىن قايتارۋعا نەمەسە وزگەرتۋگە بولاتىندىعىنان دەرەك بەردى.
ەكى دارەجەلى ولشەم كوپ دارەجەلى ولشەمگە رەتتەلدى
2018 – جىلى 7 – ايدا حالىقتىق اۆياتسيا مەكەمەسى «حالىقتىق اۆياتسيا بەلەتتەرىنە قىزمەت وتەۋدى جاقسارتۋ جونىندەگى ۇقتىرۋدى» جاريالاپ، اۆياتسيا سەرىكتىكتەرىنەن ۇشاق بەلەتىن قايتارۋ، وزگەرتۋگە اقى الۋدىڭ «ساتىلى اقى مولشەرى» سياقتىلاردى بەلگىلەپ، ادەتتەگىدەي بەلگىلەنگەن ۇشاق بەلەتىن قايتارۋدى، وزگەرتۋدى بىردەي تالاپ ەتكەن ەدى. ساناققا قاراعاندا، قازىرگە دەيىن 23 اۆياتسيا سەرىكتىگى بەلەتتى قايتارۋ، وزگەرتۋدىڭ ساتىلى اقى مولشەرى بەلگىلەمەسىن ارت – ارتىنان جاريالاسا، 10 اۆياتسيا سەرىكتىگى بۇنى ءالى جاريالامادى.
كوپ ساندى اۆياتسيا سەرىكتىكتەرى جاريالاعان جوباعا ساي، قايتارۋ، وزگەرتۋ ساياساتىنداعى ۋاقىت شەگى اۋەلگى ەكى دارەجەدەن، ياعني، ۇشۋدان بۇرىنعى 2 ساعات (2 ساعات قامتىلادى) پەن ۇشۋدان بۇرىنعى 2 ساعات (2 ساعات قامتىلمايدى) ىشىندە بولۋدان، كوپ دارەجەگە رەتتەلدى.
جالپى تۇلعاسىنان كوز جىبەرگەندە، ءارقايسى اۆياتسيا سەرىكتىگىنىڭ ۋاقىت، اقى مولشەرىن بەلگىلەۋىندە پارىقتار بولعانىمەن، الايدا وسىدان بۇرىنعى تەك ۇشۋدان 2 ساعاتتان جوعارى بولۋ جانە ەكى ساعات ىشىندەگى ەكى دارەجەلى قايتارۋ، وزگەرتۋ بەلگىلەمەسىمەن سالىستىرعاندا، جاڭا ولشەمدە «بەلەتتى قانشا ەرتە قايتارسا، وزگەرتسە، تولەيتىن اقى مولشەرى سونشا از» بولاتىندىعىن ۇعىندىردى.
ەرەكشە باعاداعى ۇشاق بەلەتىن جاي قايتارسا اقى مولشەرى دە جوعارى بولادى
وسى رەتكى جاڭا ساياساتتىڭ بەلەتتى قانشا ەرتە قايتارسا، تولەيتىن اقى مولشەرىنىڭ سونشا از بولۋ فاكتورىنان سىرت، ەرەكشە باعاداعى ۇشاق بەلەتىن قايتارۋعا، وزگەرتۋگە بولاتىندىعى جونىندەگى ماڭىزدى ماسەلەنى قامتىعانى نازار اۋدارادى. ويتكەنى وسىدان بۇرىنعى ءارقايسى اۆياتسيا سەرىكتىكتەرىنىڭ ساياساتتارىنا ساي، ەرەكشە باعاداعى ۇشاق بەلەتىن قايتارۋعا، وزگەرتۋگە بولمايتىن، وسى سەبەپتى تالاي جىلدان بەرى تالاس – تارتىس تولاستاماي كەلگەن ەدى.
ءارقايسى اۆياتسيا سەرىكتىگى جاريالاعان جاڭا ساياساتتا ەرەكشە باعاداعى ۇشاق بەلەتى قايتارۋ، وزگەرتۋ داۋىرىنە ەنگەنىمەن، الايدا اۆياتسيا سەرىكتىكتەرىنىڭ وسى تۇردەگى اقى مولشەرى ۇقساس بولىپ قالماستان، ۇشۋ ۋاقىتىنا قانشا جاقىنداعان سايىن، بەلەت قايتارۋدا تولەيتىن اقى مولشەرى دە سونشا جوعارى بولاتىن بولدى.
ەرەكشە باعاداعى ۇشاق بەلەتىن قانشا ەرتە قايتارسا، باجىسى سونشا تومەن بولۋدان سىرت، ارزان بولمەلەردىڭ تولىق باعالى بەلەتىن قايتارۋعا تۋرا كەلسە، نەعۇرلىم ەرتە قايتارۋ كەرەك ەكەندىگىن ەسكەرۋ كەرەك. ويتكەنى ەگەر وسىدان بۇرىنعى ۇشاق بەلەتىن قايتارۋ، وزگەرتۋ ساياساتىنا ساي بولسا، بەلەت قايتارۋ ولشەمى تەك 2 دارەجە ەدى، ياعني، ۇشۋدان ەكى ساعات بۇرىن (2 ساعات قامتىلادى) جانە ەكى ساعاتتىڭ ىشىندە (2 ساعات قامتىلمايدى) بولسا، وندا جەكە – جەكە ٪5 تىك جانە ٪15 تىك سالىستىرما بويىنشا بەلەت قايتارۋ اقىسى الىناتىن. جاڭا ساياسات شىعارىلعان سوڭ، ءارقايسى اۆياتسيا سەرىكتىكتەرى ۋاقىت بولەكتەرىن جىنتىكتەي ءبولىپ، ءبىر اۆياتسيا سەرىكتىگىنىڭ تولىق باعالى ارزان بولمەسىن ميسال ەتىپ، ۇشۋدان 4 ساعات بۇرىن (4 ساعات قامتىلادى) جانە 4 ساعاتتىڭ ىشىندە (4 ساعات قامتىلمايدى) بولۋىنا قاراي، جەكە – جەكە ٪10 تىك جانە ٪20 تىك ولشەم بويىنشا بەلەت قايتارۋ اقىسىن الادى، بۇل بۇدان بۇرىنعى باجى مولشەرىنەن جوعارى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
