شيزاڭنىڭ دەموكراتيالىق رەفورماسىنىڭ 60 جىلدىعىن قۇتتىقتاۋ جينالىسى اشىلدى

2019.03.29 15:39   كەلۋ قاينارى : حالىق تورابى

　　حالىق گازەتى، 3 – ايدىڭ 28 – كۇنى، لحاسا (ءتىلشى: دىڭ جيانشىڭ، يۋان چۋان، شيان گان) شيزاڭنىڭ دەموكراتيالىق رەفورماسىنىڭ 60 جىلدىعىن قۇتتىقتاۋ جينالىسى 3 – ايدىڭ 28 – كۇنى لحاسادا وتكىزىلدى. شيزاڭنىڭ ءارقايسى سالاسىنان كەلگەن ون مىڭعا جۋىق ۋاكىل لحاسا قالاسىنداعى بۇددالا سارايى الاڭىندا سالتاناتتى جينالىس وتكىزىپ، شيزاڭنىڭ دەموكراتيالىق رەفورماسىنىڭ 60 جىلدىعىن قۇتتىقتادى.


　　لحاسا قالاسى چىڭگۋان رايونى ۋەيبا قىستاعىنداعى 71 جاستاعى قارت لوساڭ سوپيڭ ەڭسە كوتەرگەن باسىبايلى قۇلداردىڭ ۋاكىلى رەتىندە ەڭ الدىمەن ءتوراعالار مىنبەسىنە شىعىپ، ءسوز سويلەدى، ول: دەموكراتيالىق رەفورمادان بۇرىن، ءبىزدىڭ وتباسىمىز سيىر قورادا تۇراتىن. دەموكراتيالىق رەفورمادان كەيىن، مەن مەكتەپكە كىردىم، قىستاق كادرى دە بولدىم، قارتايعان شاعىمدا باقىتتى تۇرمىس وتكىزىپ جاتىرمىن، — دەدى.


　　1959 – جىلى 3 – ايدىڭ 28 – كۇنى شيزاڭ جانە شيزاڭداعى ءار ۇلت حالقى جونىنەن جاڭا ءبىر باستاما كۇنى. پارتيانىڭ پارمەندى باسشىلىعىندا، شيزاڭدا سودان باستاپ فەودالدىق باسىبايلى قۇلدىق ءتۇزىمنىڭ قاراڭعى تۇنەگى جويىلىپ، بۇكىلدەي جاڭا قوعامدىق ءتۇزىم ورنادى، قىسقا عانا 60 جىل ىشىندە شيزاڭ كەدەي دە مەشەۋ حالدەن وركەنيەتتى دە العا باسار داۋىرگە قادام تاستاۋداي ۇلى دامۋدى ىسكە اسىردى.


　　جينالىستى شيزاڭ اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى لوساڭ جياڭسۇن باسقاردى، شيزاڭ اۆتونوميالى رايوندىق پارتكومنىڭ شۋجيى ۋ يىڭجيە ءسوز سويلەدى. دەموكراتيالىق رەفورماعا قاتىناسقان كادرلاردىڭ ۋاكىلى لوساڭ گوڭجۋە، نەگىزگى ساتى قوسىندارىنداعى كوماندير – جاۋىنگەرلەردىڭ ۋاكىلى جياڭ يۇڭ شيراۋ، جاستاردىڭ ۋاكىلى بايما يۇيجىن قاتارلىلار جەكە – جەكە ءسوز سويلەدى.


　　كەلۋ قاينارى: حالىق تورابى