مەملەكەت ءتۇيىندى تۇردە قورعالاتىن جابايى حايۋاناتتار مەن وسىمدىكتەردىڭ تىزىمدىگىن تارتىپكە سالادى
2019.04.01 15:30 كەلۋ قاينارى : حالىق تورابى
حالىق گازەتى، 3 – ايدىڭ 31 – كۇنى، بەيجيڭ، (ءتىلشى كوۋ جياڭزى) ءتىلشىنىڭ تاياۋدا جابايى حايۋاناتتار مەن وسىمدىكتەردى زاڭسىز ساۋدالاۋعا سوققى بەرۋ جونىندەگى مينيسترلىكتەر ارا بىرىككەن ءماجىلسىنىڭ 2 – كەزەكتى ماجىلسىنەن ۇعىسۋىنشا: بىرىككەن ماجىلىسكە مۇشە ورىندار 22 دەن 25 ورىن بولىپ كوبەيدى. 2019 – جىلى، مىناداي ءتورت جاقتان 24 نىسان بويىنشا ءتۇيىندى قىزمەت ورىستەتىلەدى، مۇندا «مەملەكەت ءتۇيىندى تۇردە قورعايتىن جابايى حايۋاناتتار تىزىمدىگى» مەن «مەملەكەت ءتۇيىندى تۇردە قورعايتىن جابايى وسىمدىكتەر تىزىمدىگىن» رەتتەپ جاريالاۋ، «كوك اسپان 2019» ءپىل ءتىسى سياقتى جابايى حايۋاناتتار مەن وسىمدىكتەردى اتكەزشىلىك ەتۋگە سوققى بەرۋدەن قامال الۋ شايقاسىن قانات جايدىرۋ قاتارلىلار قامتىلادى.
مينيسترلىكتەر ارا بىرىككەن ءماجىلىستى شاقىرۋشى جاق، مەملەكەتتىك ورمان شارۋاشىلىعى جانە جايىلىم مەكەمەسىنىڭ باستىعى جاڭ جيانلۇڭ بىلاي دەدى: ءارقايسى تاراۋلاردىڭ ورتاق قۇلشىنۋىنىڭ ارقاسىندا، ەلىمىزدىڭ جابايى حايۋاناتتار مەن وسىمدىكتەردى قورعاۋ ىستەرىندە تاماشا دامۋ جاعدايى جارىققا شىعۋدا. سونىمەن بىرگە، ءار قايسى ورىندار دا جابايى حايۋاناتتار مەن وسىمدىكتەردى زاڭسىز ساۋدالاۋعا سوققى بەرۋ قىزمەتىن ويداعىداي ىستەۋدەگى جاۋاپكەرشىلىگى مەن شۇعىلدىق ساناسىن كۇشەيتۋدە. قىزمەت ءبولىسى بويىنشا، ءاركىم ءوز جاۋاپكەرشىلىگىن ارقالاپ، ىرىقتىلىقپەن اتتانىسقا كەلىپ، سەلبەستىكتى كۇشەيتىپ، قىزمەتتە بىرىككەن كۇش قالىپتاستىرۋى كەرەك. جان – جاقتىلى شارا قولدانۋعا تاباندى بولىپ، تۋ باستان قورعاۋدى كۇشەيتىپ، «تۋ باستان سوققى بەرۋ، اينالىمدى ءۇزۋ، ەكسپورتتى توسۋ» سىندى ۇلاسپالى سوققى بەرۋ ارەكەتىن قانات جايدىرىپ، جابايى حايۋاناتتار مەن وسىمدىكتەردى زاڭسىز ساۋدالاۋ ارەكەتىن ازايتۋ جانە ادا-كۇدە تيۋ كەرەك. ۇگىت تەبىنىن ارتتىرىپ، تۇتاس قوعامنىڭ جابايى حايۋاناتتار مەن وسىمدىكتەردى ايالاۋ، قورعاۋ، زاڭسىز ساۋدانى تەجەۋ، ورىنسىز تۇتىنۋ ناشار ادەتتەرىنەن ارىلۋ جاعىنداعى سانالىلىعىن كۇشەيتۋ كەرەك.
ۇعىسۋعا قاراعاندا، 2016 جىلى 11- ايدا، مەملەكەتتىك كەڭەس «جابايى جايۋاناتتار مەن وسىمدىكتەردى زاڭسىز ساۋدالاۋعا سوققى بەرۋ جونىندەگى تاراۋلار ارا بىرىككەن ءماجىلس ءتۇزىمىن» ورناتۋدى بەكىتكەن، مۇنداعى ماقسات تاراۋلاردىڭ ىقپالداستىعىن كۇشەيتىپ، سوققى بەرۋدە بىرىككەن كۇش قالىپتاستىرىپ، سوققى بەرۋ ونىمدىلىگىن جوعارىلاتۋ. قازىر، بۇل ءتۇزىم مەملەكەتتىك ورمان شارۋاشىلىعى جانە جايىلىم مەكەمەسىنىڭ باستاۋىندا، ورتالىق كوميتەتتىڭ ۇگىت ءبولىمى، سىرتقى ىستەر مينيسترلىگى، مەملەكەتتىك دامۋ جانە رەفورما كوميتەتى، ونەركاسىپ جانە ينفورماتسيالاندىرۋ مينيسترلىگى، قوعام حاۋىپسىزدىگى مينيسترلىگى، قازىنا مينيسترلىگى، ەكولوگيالىق ورتا مينيسترلىگى قاتارلى 25 تاراۋدان قۇرالعان. اۋدارعان قاۋلا بەيسەن قىزى (پراكتيكانت)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
