بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

الداعى بىرنەشە كۇندە كوپ جەرلەردە تەمپەراتۋرا كورنەكتى تومەندەيدى

2019.04.09 15:01     كەلۋ قاينارى : حالىق تورابى

  حالىق گازەتى، 4 – ايدىڭ 8 – كۇنى، بەيجيڭ (ءتىلشى: جاۋ بەيجيا) ورتالىق اۋا رايى ستانسياسىنىڭ بولجامىنا قاراعاندا، سۋىق اعىستىڭ ىقپالىنا ۇشىرايتىندىقتان، 4 – ايدىڭ 8 – كۇنىنەن 10 – كۇنىنە دەيىن، باتىس سولتۇستىكتەگى كوپ جەرلەر، سولتۇستىك جۇڭگو، حۋاڭحى – حۋايحى الابى، چاڭجياڭ – حۋايحى الابى، چاڭجياڭ – حانجياڭ الابى، چاڭجياڭنىڭ وڭتۇستىگى قاتارلى جەرلەردە 4 ~ 6 بال جەل سوعادى، جوعارىدا اتالعان جەرلەردە اۋا تەمپەراتۋراسى ℃6 ~ 8 گرادۋس تومەندەيدى، ءىشىنارا جەرلەردە اۋا تەمپەراتۋراسى ℃10تان دا كوبىرەك تومەندەيدى؛ 4 – ايدىڭ 9 -، 10 – كۇندەرى شىعىستاعى تەڭىز جاعالاۋىنداعى وڭىرلەردە 6 ~ 8 بال بوران سوعادى.


  4 – ايدىڭ 8 – كۇننەن 11 – كۇنىنە دەيىن، سۋىق اۋا اعىسى مەن قۇبىلمالى اۋا ىعىسۋ جەلىسىنىڭ ىقپالىنا ۇشىرايتىندىقتان، ورتا – شىعىس وڭىرلەردە ءبىرشاما كەڭ كولەمدى جاۋىن جاۋادى. مۇندا حۋاڭحى – حۋايحى الابى، چاڭجياڭ – حۋايحى الابى، چاڭجياڭ – حانجياڭ الابى، چاڭجياڭنىڭ وڭتۇستىگى، وڭتۇستىك جۇڭگو، سىچۋان ويپاتىنىڭ شىعىسى، گۇيجوۋ ولكەسى قاتارلى جەرلەردە ورتا دارەجەلى جاڭبىردان قالىڭ دارەجەگە دەيىن جاڭبىر جاۋادى، مۇندا حۋاڭحى – حۋايحى الابىنىڭ باتىس وڭتۇستىك بولەگىندە، چاڭجياڭ – حانجياڭ الابىنىڭ شىعىس بولەگىندە، چاڭجياڭ – حۋايحى الابىندا، چاڭجياڭنىڭ وڭتۇستىگىنىڭ ورتا – سولتۇستىك وڭىرلەرىندە قالىڭ جاڭبىر جاۋىپ نوسەرگە اينالادى، جوعارىدا اتالعان وڭىرلەردە مەزەتتىك نوسەر، نايزاعايلى نوسەر جانە بوران سوعۋداي كۇشتى قارسى اعىستىق اۋا رايى تۋىلادى؛ مۇنان سىرت، 4 – ايدىڭ 8 -، 9 – كۇندەرى باتىس سولتۇستىك وڭىرلەردىڭ شىعىس بولەگىندە، سولتۇستىك جۇڭگو قاتارلى جەرلەردە كورنەكتى جاۋىن – شاشىن بولادى، ءىشىنارا جەرلەردە ورتا دارەجەدە جاڭبىر (قار) جاۋادى.


  الداعى ءبىر اپتادا، باتىس سولتۇستىك وڭىرلەردە قۇمدى بوران سوعادى، 4 – ايدىڭ 8 – كۇنى شينجياڭداعى وڭتۇستىك شينجياڭ ويپاتى، چيڭحايداعى سايدام ويپاتى، ىشكى موڭعۇلدىڭ باتىسى، گانسۋ ولكەسى حىشي ءدالىزى قاتارلى جەرلەردە قۇمدى جەل جانە شاڭ – توزاڭدى اۋا رايى جارىققا شىعادى. مۇنان سىرت، سۋىق اۋا اعىسى مەن تەڭىزگە جەتكەن اۋا يىرىمىنىڭ ىقپالىنا ۇشىرايتىندىقتان، 4 – ايدىڭ 8 – كۇنى كەشتەن 4 – ايدىڭ 10 – كۇنى كۇندىزگە دەيىن، حۋاڭحى – حۋايحى الابىنىڭ ورتا وڭىرىندە جانە وڭتۇستىكتەگى تەڭىز الابىندا، دۇڭحايدىڭ كوپ جەرلەرىندە 6 ~ 8 بال جەل سوعادى، مەزەتتىك جەل كۇشى 9 ~ 10 بالعا جەتەتىن بوران شىعادى.


  اۋا تەمپەراتۋراسىنىڭ «كۇرت تومەندەۋى» قانشا ۋاقىت جالعاسادى؟ ورتالىق اۋا رايى ستانسياسىنىڭ باس بولجالشىسى جاڭ تاۋدىڭ ايتۋىنشا، مەجەمەن 4 – ايدىڭ 12 – كۇنى سولتۇستىكتەگى وڭىرلەردە اۋا تەمپەراتۋراسى كورنەكتى تۇردە قايتا جىلىنادى، وڭتۇستىك وڭىرلەردە بۇل بارىس كەشىرەك بولادى. سونىمەن بىرگە، جاڭ تاۋدىڭ ايتۋىنشا، بۇل رەتكى سولتۇستىكتەگى سۋىق اعىس پەن جاۋىن – شاشىن سولتۇستىكتەگى وڭىرلەردەگى ورمان مەن جايىلىمعا ءورت كەتۋ حاۋپىن كورنەكتى تۇردە باسەڭدەتەدى.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار