بيىل قالا رايونىنداعى تۇراقتى جان سانى 3 ميلليوننان 5 ميلليونعا دەيىنگى ءىرى قالالار نوپوسقا ورنالاستىرۋ شارتىن جاپپاي كۇشىنەن قالدىرادى
2019.04.09 15:01 كەلۋ قاينارى : حالىق تورابى
شينحۋا اگەنتتىگى، 4 – ايدىڭ 8 – كۇنى، بەيجيڭ (ءتىلشى: ان بەي) مەملەكەتتىك دامۋ – رەفورما كوميتەتىنىڭ 4 – ايدىڭ 8 – كۇنى ايتۋىنشا، 2019 – جىلى ەلىمىز نوپوس تۇزىمىنە رەفورما جاساۋدىڭ تەبىنىن ۇزدىكسىز ارتتىرادى، وسىنىڭ الدىندا، قالا رايونىنداعى تۇراقتى جان سانى ءبىر ميلليوننان تومەنگى ورتاشا – شاعىن قالالار مەن شاعىن قالا – قالاشىقتاردا نوپوسقا ورنالاستىرۋ شارتتارىن كۇشىنەن قالدىرۋ نەگىزىندە، قالا رايونىنداعى تۇراقتى جان سانى ءبىر ميلليوننان 3 ميلليونعا دەيىنگى ءىرى قالالاردا نوپوسقا ورنالاستىرۋ شەكتەمەلەرى بۇكىلدەي كۇشىنەن قالدىرىلعان بولاتىن؛ ەندى قالا رايونىنداعى تۇراقتى جان سانى 3 ميلليوننان 5 ميلليونعا دەيعا دەيىنگى ءىرى قالالاردا نوپوسقا ورنالاستىرۋ شارتتارى بۇكىلدەي كۇشىنەن قالدىرىلادى ءارى ءتۇيىندى توپتاردىڭ نوپوسقا ورنالاسۋىنداعى شەكتەمەلەر بۇكىلدەي كۇشىنەن قالدىرىلادى.
مەملەكەتتىك دامۋ – رەفورما كوميتەتى جۋىردا تاراتقان «2019 – جىلعى جاڭاشا قالا – قالاشىقتاندىرۋ قۇرىلىسىنداعى ءتۇيىندى مىندەتتەر» اتتى قۇجاتتا مىنالار ايقىن بەلگىلەنگەن: اسا ءىرى، ەرەكشە ءىرى قالالار ءنومىر جيناۋ ءتاسىلى ارقىلى نوپوسقا ورنالاستىرۋ ساياساتىن رەتكە سالۋى، نوپوسقا ورنالاستىرۋ كولەمىن زور مولشەردە ارتتىرۋى، ءنومىر جيناۋ تۇرلەرىن قاراپايىمداستىرۋى، الەۋمەتتىك قامتاماسىزداندىرۋ قاراجاتىن تاپسىرعان جىل شەگى مەن قونىستانعان جىل شەگىنىڭ نەگىزگى ورىندى ۇستاۋىنا كەپىلدىك ەتۋى كەرەك. قالا ۇكىمەتى پارىقتاندىرۋ جانە دالمە – دالدەندىرۋ ارقىلى نوپوسقا ورنالاستىرۋ ساياساتىن جولعا قويۋ جاعىندا ىزدەنىس جاساۋى، ارحيۆ تۇرعىزىپ، كارتۋچكا بىتىرگەن اۋىل – قىستاقتاعى كەدەي جان سانىنىڭ نوپوسقا ورنالاسۋىن بەلسەندى ىلگەرىلەتۋى كەرەك. مايعا العان ۇيلەردەگى تۇراقتى جان سانىنىڭ قالانىڭ الەۋمەتتىك نوپوسىنا ورنالاسۋىنا رۇقسات ەتۋ كەرەك.
«2019 – جىلعى جاڭاشا قالا – قالاشىقتاندىرۋ قۇرىلىسىنىڭ ءتۇيىندى مىندەتتەرىندە» مىنالار باسا دارىپتەلگەن: تۇراقتى جان سانىن نەگىزدىك الەۋمەتتىك قىزمەت وتەۋمەن تولىق قامتۋدى ىلگەرىلەتۋ كەرەك. نوپوسقا ورنالاسۋدى تىلەيتىن نوپوسقا ورنالاسپاعان تۇراقتى جان سانىنىڭ تۇگەلدەي قونىستانۋ كۋالىگىنە يە بولۋىنا كەپىلدىك ەتۋ، جەر – جەردى قونىستانۋ كۋالىگىنە قوسىلاتىن الەۋمەتتىك قىزمەت وتەۋ تۇرلەرى مەن تيىمدىلىكتەردى بارعان سايىن ارتتىرۋعا شابىتتاندىرۋ كەرەك. 2019 – جىلى بارلىق مىندەتتى وقۋ – اعارتۋ كەزەڭىندەگى مەكتەپتەر مەكتەپ باسقارۋدىڭ «20 ءتۇرلى ەڭ تومەنگى شەگى» تالابىنا نەگىزىنەن تولىمدى بولۋى، اتا – انالارىنا ىلەسە كەلگەن پەرزەنتتەر ءبىرشاما كوپ قالالاردا وقۋ – اعارتۋ بايلىعىمەن قامداۋدى ارتتىرىپ، ۇكىمەت قۇرعان مەكتەپتەردىڭ اتا – انالارىنا ىلەسە كەلگەن پەرزەنتتەرگە جاپپاي اشىق بولۋىن ىسكە اسىرۋ، اتا – اناسىنا ىلەسە كەلگەن پەرزەنتتەردى كەلگەن جەرىندە جوعارى مەكتەپكە قابىلداۋ ەمتيحانىنا قاتىناستىرۋ ساياساتىن كەمەلدەندىرۋ كەرەك. قۇرىلىسقا پايدالاناتىن كوللەكتيۆتىك جەرلەردەن پايدالانىپ، ءۇيدى مايعا بەرۋ سىناق تۇيىندەرىن قۇرۋدى ۇزدىكسىز تەرەڭدەتىپ، الەۋمەتتىك مايعا بەرەتىن ۇيلەر مەن تۇرعىن ءۇي جيناق قورى ءتۇزىمىنىڭ تۇراقتى جان سانىن قامتۋ كولەمىن كەڭەيتۋ كەرەك.
«2019 – جىلعى جاڭاشا قالا – قالاشىقتاندىرۋ قۇرىلىسىنداعى ءتۇيىندى مىندەتتەر» جونىندەگى قۇجاتقا ساي، ەرەكشەلىككە يە شاعىن قالاشىقتاردىڭ تارتىپپەن دامۋىنا قولداۋ كورسەتۋ كەرەك. ۇكىمەت، بانكە، كاسىپورىنداردىڭ ۇشتاسۋىنا قىزمەت وتەيتىن تەكشەلەردى كەمەلدەندىرىپ، ەرەكشەلىككە يە ءوندىرىس سالاسىن دامىتۋعا جانە قۇرىلعىلار قۇرىلىسىنا فينانستىق قولداۋ كورسەتىپ، اناعۇرلىم كوپ تاڭداۋلى ەرەكشەلىككە يە قالاشىقتارعا تۇزىمدىك ورتا جاراتىپ بەرۋ كەرەك. تۇزەتۋ تەتىگىن قۇرىپ جانە جۇيەگە ءتۇسىرىپ، جىل سايىن باقىلاۋ – باعالاۋ ورىستەتىپ، تانىمدى قاتە پايدالانعان اكىمشىلىك قۇرىلىمدى قالاشىقتاردى، تانىمدى الباتى پايدالانعان جالعان قالاشىقتاردى، قارجىلاندىرۋ نەگىزگى تۇلعاسى كەمشىل بولعان جورامال قالاشىقتاردى قاتاردان قالدىرۋ كەرەك. ەرەكشەلىككە يە قالاشىقتاردىڭ ولشەمدى جۇيەسىن بەلگىلەۋدى ۇيىمداستىرىپ، ەرەكشەلىككە يە قالاشىقتاردىڭ تارتىپپەن دامۋىنا قاجەتتى ءتۇزىلىس مەحانيزمى مەن ساياساتتىق شارالاردى ۇيلەسىمدى ۋاقىتتا كەمەلدەندىرىپ وتىرۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
