بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

ۇلكەن قالالار نوپوسقا ورنالاستىرۋ شارتىن جەڭىلدەتتى، مۇنىڭ قانداي ىقپالدارى بار

2019.04.10 16:48     كەلۋ قاينارى : حالىق تورابى

  4 – ايدىڭ 8 – كۇنى مەملەكەتتىك دامۋ – رەفورما كوميتەتى «2019 – جىلعى جاڭاشا قالا – قالاشىقتاندىرۋ قۇرىلىسىنىڭ ءتۇيىندى مىندەتتەرىن» سىرتقا جاريالادى.


  وسى قۇجاتتا بىلاي دەپ ايقىن بەلگىلەندى: وسىدان بۇرىنعى قالا رايونىنىڭ تۇراقتى حالىق سانى ءبىر ميلليوننان تومەنگى ورتا، شاعىن قالالار مەن شاعىن قالا – قالاشىقتاردا نوپوسقا ورنالاستىرۋ شەكتەمەسىن ارت – ارتىنان كۇشىنەن قالدىرۋ نەگىزىندە، قالا رايونىنىڭ تۇراقتى حالىق سانى ءبىر ميلليوننان 3 ميلليونعا دەيىنگى 2 - تۇردەگى ءىرى قالالاردا نوپوسقا ورنالاستىرۋ شەكتەمەسى جاپپاي كۇشىنەن قالدىرىلادى؛ قالا رايونىنىڭ تۇراقتى حالىق سانى 3 ميلليوننان 5 ميلليونعا دەيىنگى 1 – تۇردەگى ءىرى قالالاردا نوپوسقا ورنالاستىرۋ شارتى جاپپاي جەڭىلدەتىلەدى ءارى ءتۇيىندى قاۋىمعا باعىتتالعان نوپوسقا ورنالاستىرۋ شەكتەمەسى جاپپاي كۇشىنەن قالدىرىلادى.


  نوپوسقا ورنالاستىرۋ شەكتەمەسىندەگى جەڭىلدىك ءۇي بازارىندا باعانى جوعارىلاتا ما؟


  69 قالا نوپوسقا ورنالاستىرۋ شەكتەمەسىن كۇشىنەن قالدىردى نەمەسە نوپوسقا ورنالاستىرۋ شارتىن جەڭىلدەتتى، قالالار ارا قورا – جاي بازارىن رەتتەۋ – مەڭگەرۋ ساياساتىن سايكەستىرۋدى كۇشەيتتى


  جۇرتتىڭ باسا نازار اۋدارىپ وتىرعانى، «ءتۇيىندى مىندەتتەرگە» نەگىزدەلگەندە، بيىل نوپوسقا ورنالاستىرۋ شارتىن جەڭىلدەتكەن قالالار قايسىلار؟ دەگەن ماسەلە بولدى.


  تۇرعىن ءۇي جانە قالا قۇرىلىسى مينيسترلىگى جاريالاعان «جۇڭگونىڭ قالا – اۋىل قۇرىلىسىنىڭ ساناق جىلناماسىنا» نەگىزدەلگەندە، 2017 – جىلدىڭ سوڭىندا قالا رايونىنىڭ تۇراقتى حالىق سانى ءبىر ميلليوننان 5 ميلليونعا دەيىنگى قالا 69 ەكەن، مۇنىڭ ىشىندە شي – ان، شىنياڭ، حاربين، كۇنميڭ، جىڭجوۋ، حاڭجوۋ، جينان، چيڭداۋ، داليان، چاڭچۇن سىندى 10 قالانىڭ حالىق سانى 3 ميلليوننان اسقان، بۇلار نوپوسقا ورنالاستىرۋ شارتى جاپپاي جەڭىلدەتىلەتىن قالالارعا جاتادى.


  «نوپوسقا ورنالاستىرۋ شەكتەمەسى جاپپاي كۇشىنەن قالدىرىلادى» دەيتىن شارتقا ۇيلەسەتىن قالالار 59، بۇلار چاڭشا، لوياڭ، سۋجوۋ، ۋ – شي، ياڭجوۋ، حىفەي، نيڭبو، فۋجوۋ، شيامىن، ناننيڭ قاتارلى قالالاردى قامتيدى.


  «دارىندىلار ساياساتىنداعى وزگەرىس ساتىپ الۋ شارتىن تومەندەتتى، بۇل ءۇي باعاسى جوعارىلاۋ مەجەسىن تۋىنداتۋى مۇمكىن». جۇڭيۋان قورا – جاي سەرىكتىگىنىڭ اعا تالداۋشىسى جاڭ داۋەي بىلاي دەدى: وتكەن 2 جىلدا ءىشىنارا ەكىنشى شەكتەگى قالالاردا ءۇي باعاسى جوعارىلاۋىنىڭ دارىندىلار ساياساتىنىڭ تەبىنىمەن قاتىناسى بۇرىن بولماعان دارەجەدە زور بولدى، الايدا ۇزاق بولاشاقتىق دامۋدان قاراعاندا، قورا – جايدىڭ ەمەس، دارىندىلاردىڭ قالاعا كورسەتەتىن ۇيىتقىلىق رولى كاسىپتى جەبەيدى، سوندىقتان دارىندىلار ساياساتى قورا – جايدى رەتتەپ – مەڭگەرەتىن تەرەزەگە اينالماۋى كەرەك.


  وسىعان قاراتا وسى رەتكى ساياساتتا دا بىلاي دەپ ورتاعا قويىلدى: «ورتالىق قالالار شەڭبەرىندەگى تاۋار ۇيلەرمەن قامداۋ جۇيەسىن اقاۋسىزداندىرىپ، قالالار ارا قورا – جاي بازارىن رەتتەۋ – مەڭگەرۋ ساياساتىن سايكەستىرۋدى كۇشەيتۋ كەرەك». بۇدان مىنانى اڭعارۋعا بولادى: «ءۇي وتىرۋعا ارنالعان، ساۋداعا سالۋعا ارنالماعان» دەگەن ايتىلىم ۇزاق ۋاقىت وزگەرمەيدى، رەتتەۋ – مەڭگەرۋ پرينسيبىندە قالاعا قاراي شارا قولدانىلىپ، تۇرگە ءبولىپ جەتەكشىلىك ەتىلەدى.


  نوپوسقا ورنالاستىرۋ شارتىن جەڭىلدەتىلگەن سوڭ قالالاردىڭ الەۋمەتتىك قىزمەت وتەۋى ودان قالاي يگىلىكتەنەدى؟


  ۇكىمەت باسقارۋىنداعى مەكتەپتەر اتا – اناسىمەن بىرگە كوشىپ كەلگەن پەرزەنتتەرگە جاپپاي اشىق ۇستالادى، الەۋمەتتىك مايعا بەرىلەتىن ءۇي جانە تۇرعىن ءۇي الەۋمەتتىك قورى ءتۇزىمىنىڭ شارپۋ اۋماعى كەڭەيەدى


  «ماڭىزدى تۇيىندەردە» بىلاي دەپ ورتاعا قويىلدى: تىلەگىنە قۇرمەت ەتۋ، ءوزى تاڭداۋ پرينسيبى بويىنشا، اۋىل – قىستاقتان جوتكەلىپ كەلگەن حالىق سانى ماڭىزدى ءتۇيىن ەتىلىپ، جوعارى مەكتەپتەردەن جانە كاسىپتىك مەكتەپتەردەن (جۇمىسشىلار مەكتەبى) وقۋ بىتىرگەن وقۋشىلار، قالالار ارا جوتكەلىپ كاسىپتەنگەندەر بىردەي ەسكەرىلىپ، قالا – قالاشىققا نوپوسى ورنالاسپاعان تۇراقتى حالىق سانىنىڭ نەگىزدىك الەۋمەتتىك قىزمەت وتەۋدەن بارابار يگىلىكتەنۋى ىلگەرىلەتىلەدى. نوپوس ورنالاستىرۋ تىلەگى بار نوپوسى ورنالاسپاعان تۇراقتى حالىق سانىنىڭ بارلىعىندا قونىستانۋ كۋالىگى بولۋعا شىنايى كەپىلدىك ەتىلىپ، ءارقايسى رايوننىڭ قونىستانۋ كۋالىگىنە قوسىمشا ەتىلگەن الەۋمەتتىك قىزمەت وتەۋ نىساندارى مەن تيىمدىلىك نىساندارىن بىرتە – بىرتە ارتتىرۋىنا شابىت بەرىلەدى.


  وقۋ – اعارتۋعا نازار سالساق، 2019 – جىلدىڭ سوڭىندا ەلىمىزدەگى مىندەتتى اعارتۋ ساتىسىنداعى بارلىق مەكتەپ نەگىزگى وقىتۋ شارتىندا «20 ءتۇرلى تومەنگى شەك» تالابىنا جەتەدى، اتا – اناسىمەن بىرگە كوشىپ كەلگەن پەرزەنتتەر ءبىرشاما كوپ قالالاردا وقۋ – اعارتۋ بايلىعىمەن قامداۋ ارتتىرىلىپ، ۇكىمەت باسقارۋىنداعى مەكتەپتەر اتا – اناسىمەن بىرگە كوشىپ كەلگەن پەرزەنتتەرگە جاپپاي اشىق ۇستالادى، اتا – اناسىمەن بىرگە كوشىپ كەلگەن پەرزەنتتەردى كوشىپ كەلگەن جەرىندە جوعارى مەكتەپكە ءتۇسىپ وقۋ ەمتيحانىنا قاتىناستىرۋ ساياساتى كەمەلدەندىرىلەدى.


  قوعامدىق قامسىزداندىرۋعا نازار سالساق، بيىل بىرلىككە كەلگەن قالا، اۋىل تۇرعىندارىنىڭ ەمدەلۋ قامسىزداندىرۋى ءتۇزىمىن ورناتۋ جاپپاي ىلگەرىلەتىلەدى، ولكە اتتاپ ەمدەلۋ، بالنيتسادا جاتۋ اقىسىندا توراپتا ەسەپ ءۇزۋ شاماسى جوعارىلاتىلىپ، الىس ارالىقتان ەمدەۋ جانە الەۋمەتتىك اۋماق ەمحانالارىنىڭ ساپالى دامۋى ىلگەرىلەتىلەدى.


  تۇرعىن ۇيگە نازار سالساق، بيىل كوللەكتيۆ قۇرىلىستىق جەردەن پايدالانىپ مايعا بەرىلەتىن ءۇي سالۋ سىناق ءتۇيىنى ءۇرتىس تەرەڭدەتىلىپ، الەۋمەتتىك مايعا بەرىلەتىن ءۇي جانە تۇرعىن ءۇي قورى ءتۇزىمىنىڭ تۇراقتى نوپوستاعىلاردى شارپۋ كولەمى كەڭەيتىلەدى.


  كاسىپتەندىرۋگە نازار سالساق، بيىل شارۋا جۇمىسكەرلەردى كاسىپتىك ونەرگە تاربيەلەۋ كولەمى، كەڭەيتىلىپ، ساپاسى جوعارىلاتىلادى.


  ۇلكەن قالا ادامداردى بارىنشا باۋراپ وتىر، ورتا، شاعىن قالالار مەن اۋىل – قىستاق قايتەدى؟


  ءىرى، ورتا، شاعىن قالالاردىڭ سايكەستى دامۋى ىلگەرىلەتىلىپ، اۋىل – قىستاق وقىتۋشىلارىنىڭ، نەگىزگى ساتى ەمدەۋ قىزمەتكەرلەرىنىڭ جۇمىس ورىن باۋراۋ قۋاتى نىعايتىلادى


  «ءىرى، ورتا، شاعىن قالالاردىڭ دامۋ ءتارتىبى جاعىندا تۇرلىشە كولەمدەگى، تۇرلىشە دارەجەدەگى قالالاردىڭ سايكەستى دامۋىنا باسا نازار اۋدارۋ كەرەك» دەيدى دامۋ جانە رەفورما كوميتەتى جوسپار تارماق مەكەمەسىنىڭ قاتىستى جاۋاپتىسى.


  ورتا، شاعىن قالالاردى دامىتۋدا تۇرگە ءبولىپ شارا قولدانۋ كەرەك: كومەسكى كۇشى زور ورتا، شاعىن قالالاردا كاسىپتىڭ تىرەكتىك قۋاتىن، الەۋمەتتىك قىزمەت وتەۋدىڭ ساپاسىن جوعارىلاتۋ، حالىق سانىنىڭ جاقىن ماڭايدا قالا – قالاشىققا قوسىلۋىن جەبەۋ؛ كىشىرەيۋ مۇمكىندىگى بار ورتا، شاعىن قالالاردا حالىق سانىنىڭ ارتۋىن قاتاڭ تەجەۋ، حالىق سانى مەن الەۋمەتتىك بايلىقتىڭ قالا رايونىنا شوعىرلانۋىنا جەتەكشىلىك ەتۋ؛ ءبىر توپ ورتا، شاعىن قالانى ورنىقتى قاداممەن تىڭنان قۇرىپ، اۋدان دارەجەلى ەمەس ۇكىمەت تۇرعان ەرەكشە ءىرى قالاشىقتا قالا قۇرۋدى تياناقتاندىرۋ كەرەك.


  سونىمەن بىرگە، وقۋ – اعارتۋ، ەمدەۋ بايلىعىنىڭ ورنالاسۋىن ساپالىلاندىرىپ، جاڭادان قۇرىلاتىن جانە كوشىرىلەتىن كاسىپتىك مەكتەپتەردى پرينسيپتىك جاقتان ورتا، شاعىن قالالارعا ورنالاستىرىپ، 3 – دارەجەلى اناعۇرلىم كوپ شيپاحانانى ورتا، شاعىن قالالارعا ورنالاستىرىپ، ءىرى قالالاردىڭ ايگىلى 3 – دارەجەلى شيپاحانالارىنىڭ ورتا، شاعىن قالالاردا تارماق قۇرىلىم قۇرۋىنا قولداۋ كورسەتۋ، ءىرى قالالاردىڭ ايگىلى باستاۋىش، ورتا مەكتەپتەرىنىڭ ورتا، شاعىن قالالاردىڭ مەكتەپتەرىن سالالار بويىنشا سۇيەمەلدەۋىنە قولداۋ كورسەتۋ كەرەك.


  قاتتى بولشەك تۇرعىسىنان قاراعاندا، «ماڭىزدى تۇيىندەردە» مىناۋ ورتاعا قويىلعان: جول، سۋمەن قامداۋ، ەلەكترمەن قامداۋ، ينفورماتسيا، زات اينالىسى سياقتى قۇرىلعىلاردى ءبىر تۇتاس ورنالاستىرىپ، 2019 – جىلى اۋىل – قىستاقتا جاڭادان 200 مىڭ كيلومەتر تاس جول سالۋ مىندەتىن ورىنداپ بولۋ كەرەك.


  جۇمساق بولشەك تۇرعىسىنان قاراعاندا، بيىل ولكە دارەجەلى ۇكىمەتتەردىڭ ءبىر تۇتاس جوسپار جاساپ، اۋىل – قىستاق وقىتۋشىلارىن ءبىر تۇتاس تاڭداپ تولىقتاۋ مەحانيزمى ورناتىلادى، مامىلەنى ورنىقتى جوعارىلاتۋ سياقتى شارالارمەن اۋىل – قىستاق مەكتەپتەرىنىڭ وقىتۋشىلاردى باۋراۋ قۋاتى نىعايتىلادى. نەگىزگى ساتى ەمدەۋ ورىندارىنىڭ قىزمەتكەرلەردى باۋراۋ قۋاتى نىعايتىلادى، اۋداندىق شيپاحانالاردىڭ اۋىل، قالاشىق ەمحانالارىمەن وڭىرلىك ەمدەۋ تۇلعاسىن قۇرۋىنا شابىت بەرىلەدى.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار