مەملەكەتتىك عارىش مەكەمەسى چاڭ – ى 4 – ءنومىرلى حالىقارالىق جۇكتەۋ عىلىمي ساندى مالىمەتىن تاپسىرىپ، چاڭ – ى 6 – ءنومىرلى جانە كىشى پلانەتالاردى بارلاۋ – ولشەۋ مىندەتى سەلبەستىك ورايىن جاريالادى

2019.04.19 15:18   كەلۋ قاينارى : حالىق تورابى

　　شينحۋا اگەنتتىگى، 4 – ايدىڭ 18 – كۇنى، بەيجيڭ. (ءتىلشى حۋ جي) مەملەكەتتىك عارىش مەكەمەسى 4 – ايدىڭ 18 – كۇنى بەيجيڭدە چاڭ – ى 4 – ءنومىرلى حالىقارالىق جۇكتەۋ عىلىمي ساندى مالىمەتىن تاپسىرىپ، چاڭ – ى 6 – ءنومىرلى جانە كىشى پلانەتالاردى بارلاۋ – ولشەۋ مىندەتى سەلبەستىك ورايى جونىندە حابارلاندىرۋ جاريالاپ، ەل ىشىندەگى جوعارى مەكتەپتەردەن، حالىقتىق كاسىپورىنداردان جانە شەتەلدىڭ عىلىمي زەرتتەۋ قۇرىلىمدارىنان سەلبەستىك توپتادى.

　　مەملەكەتتىك عارىش مەكەمەسىنىڭ باستىعى جاڭ كىجيان شۆەتسياعا بەيتاراپ اتومداردى بارلاۋ اسپابىنىڭ ساندى مالىمەتىن، گەرمانياعا نەيترون جانە رادياتسيالىق بارلاۋ اسپابىنىڭ ساندى مالىمەتىن، گوللاندياعا تومەن جيىلىكتەگى راديو جيىلىك سپەكترى ساندى مالىمەتىن تاپسىرىپ بەردى.

　　جاڭ كىجيان بىلاي دەدى: 15 جىلدان بەرى، ەلىمىزدىڭ ايدى بارلاۋ ينجەنەرياسى «بەس رەتكى شايقاستا بەس رەت جەڭىسكە جەتۋدى» ءساتتى ورىندادى. بيىل جىل باسىندا چاڭ – ى 4 – ءنومىرلى اي شارىنىڭ ارعى بەتىنە ءساتتى قونىپ، ادامزاتتىڭ اي شارىنىڭ ارعى بەتىنە تۇڭعىش رەت قونۋ جانە شارلاۋ – بارلاۋىن ىسكە اسىردى. چاڭ – ى 4 – ءنومىرلىنى زەرتتەۋ بارىسىندا، ەلىمىز جۇكتەۋ بايلىعىن اشىپ، جۇكتەۋ تەكشەسىمەن قامداپ، ساۋد ارابيا، گەرمانيا، گوللانديا، شۆەتسيا قاتارلى مەملەكەتتەردىڭ عىلىمي جۇكتەۋىن توپتاستىرىپ، حالىقارالىق تۇڭعىش رەت اي شارىنىڭ ارعى بەتىنە قونۋ – بارلاۋ مىندەتىن بىرگە ورىنداپ، يە بولعان عىلىمي ساندى مالىمەت ادامزاتتىڭ اي شارى ورتاسى، الەم كەڭىستىگى، كۇن قوزعالىسى قاتارلى جاقتارداعى تانىمى مەن تۇسىنىگىن ءتىپتى دە تەرەڭدە ٴتۇستى.

　　مەملەكەتتىك عارىش مەكەمەسى ايدى بارلاۋ جانە عارىش ينجەنەرياسى ورتالىعىنىڭ مەڭگەرۋشىسى ليۋ جيجۇڭ بىلاي دەپ تانىستىردى: چاڭ – ى 6 – ءنومىرلىنىڭ وربيتەرى مەن قوندىرعىشى جەكە – جەكە 10 كيلوگرام جۇكتەۋ سالماعىن تۋدىرادى. كىشى پلانەتالاردى بارلاۋ – ولشەۋ مىندەتى 8 ءتۇرلى عىلىم بويىنشا 66.3 كيلوگرامدىق جۇكتەۋ سالماعىن تۋدىرادى، ولار ورتالىق كورۋ ءورىسى رەڭدى فوتو اپپاراتى، جىلۋلىق رادياتسيالىق سپەكتر ايىرعىش، كورىنەتىن ينفرا قىزىل ساۋلەلى كەسكىندەۋ سپەكتر ايىرعىش، كوپ سپەكترلى فوتۋ اپپاراتى، بارلاۋ رادارى، ماگنيتومەتر، زاريادتى بولشەك جانە بەيتاراپ بولشەك اناليزاتورى، شاڭ – توزاڭ اناليزاتورى قاتارلىلاردى قامتيدى، سونىمەن بىرگە، كىشى پلانەتالاردى بارلاۋ – ولشەۋ مىندەتى ءۇشىن 200 كيلوگرامدىق جۇكتەۋ سالماعى تىنىسقا قالدىرىلعان.

　　ۇعىسۋعا قاراعاندا، بۇل 2004 – جىلى ايدى بارلاۋ ينجەنەرياسى اتقارىلعاننان بەرى، ەلىمىز جۇرگىزگەن تۇڭعىش رەتكى كوپ جاقتى بارلاۋ – شارلاۋ مىندەتىن بىرلەسىپ جاريالاۋ قيمىلى، بۇل جۇڭگونىڭ اي شارىن بارلاۋ – شارلاۋ قيمىلىنداعى كەلەلى تابىستارىنىڭ ايعاعى بولۋمەن بىرگە، كەڭىستىكتى بارلاۋ حالىقارالىق سەلبەستىكتى ىلگەرىلەتۋدەگى ماڭىزدى شارا سانالادى.

　　كەلۋ قاينارى: حالىق تورابى