جۇڭگو ەلەكتر عىلىم اكادەمياسى 14 - زەرتتەۋ ورنى قيىنشىلىقتاردى جەڭىپ، دەربەس جاڭالىق جاراتتى −
«كورەگەن كوزدى، ساق قۇلاقتى» رەالدىققا اينالدىردى (ايبىندى 70 جىل، كۇرەسكە تولى جاڭا ءداۋىر − الدىڭعى شەپتەگى تەكسەرىپ – زەرتتەۋ ساپارى)
«حالىق گازەتىنىڭ» ءتىلشىسى ۋاڭ ۋەيجيان
2019.05.28 14:08 كەلۋ قاينارى : حالىق تورابى
بيىل 4 - ايدىڭ 23 - كۇنى حالىق تەڭىز ارمياسى قۇرىلعانىنىڭ 70 جىلدىعىن قۇتتىقتاۋ تەڭىزدەگى اسكەري پارات قيمىلىندا جاڭا ۇرپاق «تەڭىز جۇلدىزى» رادارى قويىلعان «جۇڭحۋا كيەلى قالقانى» اسقاق تەبىنمەن بوي كورسەتتى؛ بيىل 4 - ايدىڭ 30 - كۇنى ۇزاق جورىق - 4 ءنومىرلى B تاسىمال راكەتاسى تيانحۇي - 2 ءنومىرلى 01 جاساندى سەرىگىن بەلگىلەنگەن وربيتاعا ءساتتى جەتكىزدى؛ 2017 - جىلى 7 - ايدىڭ 30 - كۇنى جۇڭگو حالىق ازاتتىق ارمياسى قۇرىلعانىنىڭ 90 جىلدىعىن قۇتتىقتاۋ اسكەري پاراتىندا كەڭىستىكتە سوعىس جۇرگىزۋ توبى مايدانعا شىقتى، ۇشاقتاعى ساقتىق رادارى ورناتىلعان «اۋە ساقشىسى − 2000» ساقتىق ۇشاعى ۇشاق توبىنىڭ ەڭ الدىندا ۇشىپ ءجۇردى...
وسى وزىق عىلىم - تەحنيكا جۇڭگو ەلەكترون عىلىم - تەحنيكا توبى سەرىكتىگى 14 - زەرتتەۋ ورنىنىڭ (تومەندە قىسقاشا 14 - زەرتتەۋ ورنى دەلىنەدى) راداردى زەرتتەۋ جاعىنداعى قۇلشىنىسىنان قول ۇزە المايدى. تاياۋدا ءتىلشى 14 - زەرتتەۋ ورنىنان وسى جوعارى عىلىم - تەحنيكانىڭ استارىنداعى اڭگىمەلەردى ۇعىستى.
«تەڭىز جۇلدىزى» جۇڭگو تەڭىز ارمياسىنىڭ تەرەڭ تەڭىز ايدىنىنا قادام تاستاۋىنا بەرىك تىرەك بولدى
2017 – جىلى 4 - ايدىڭ 26 - كۇنى ەلىمىزدە وندىرىلگەن تۇڭعىش اۆياماتكا سۋعا ءتۇستى؛ 2017 - جىلى 6 - ايدىڭ 28 - كۇنى ەلىمىزدىڭ جاڭاشا 10 مىڭ توننالىق جويعىش كەمەسىنىڭ العاشقى كەمەسى سۋعا ءتۇستى. وسى ساتتە ەلىمىزدىڭ كەمەدەگى نەگىزگى سوعىس رادارىنىڭ جاساقتالۋىنداعى ەڭ ماڭىزدى تۇلعالىق ورىن جانە زەرتتەۋ كۇشى رەتىندە 14 - زەرتتەۋ ورنىنىڭ كەمە رادارى توبىنداعىلار كوزدەرىنە ىستىق جاس الدى.
وتكەن عاسىردىڭ ءبىر كوكتەمىنە قايتا ورالايىق. تەڭىز ارمياسىنىڭ كەمەلىك رادار زەرتتەۋ جيىنى 14 - زەرتتەۋ ورنىندا اشىلدى. ماجىلىستە جاڭا وي جەلىسى باتىلدىقپەن ورتاعا قويىلدى. نەشە جىلدىق سىناق ارقىلى «جۇڭحۋا كيەلى قالقانى» نىسانى بەلگىلەنىپ، 14 - زەرتتەۋ ورنى قاينارلى فازا مەڭگەرگىش رادار جۇيەسىن زەرتتەپ جاساۋعا جاۋاپتى بولدى.
«نىساننىڭ بەلگىلەنۋى كەمەدەگى فازا مەڭگەرگىش رادار جۇمىسىنىڭ باستالۋى عانا، ەلىمىز تەڭىز ارمياسىنىڭ تاريحتان بەرگى تەحنيكالىق ورەسى ەڭ جوعارى، يقۋاتى ەڭ كۇشتى، جۇيەسى ەڭ كۇردەلى رادار بولعاندىقتان، زەرتتەپ جاساۋ جولى بۇراڭ بولارى ءسوزسىز ەدى. 14 - زەرتتەۋ ورنىنىڭ باس مامانى شيڭ ۋىنگى 2000 - جىلى «جۇڭحۋا كيەلى قالقانى» رادارىنىڭ ورىنباسار باس جوبالاۋشىسى بولدى، «وزىق سىمسىز قابىلداۋ - تاراتۋ جۇيەسىن ورناتۋ، انتەننانىڭ بەتتىك سالماعىن جەڭىلدەتۋ سياقتىلار 14 - زەرتتەۋ ورنى ءدوپ كەلگەن قيىن ماسەلەلەر بولدى، وسىلاردىڭ ىشىندە ەڭ قيىن ماسەلە تەڭىزدىڭ ارالاسپا تولقىنى ەدى».
تەڭىزدىڭ ارالاسپا تولقىنى دەگەنىمىز، تولقىن اتاۋلىنىڭ بارلىعى كەرى تولقىندى جاڭعىرىقتىرىپ جالعان نىسانا قالىپتاستىرادى، سان - ساناقسىز ارالاسپا تولقىن ناقتى نىسانانى تۇراقتاندىرۋدى «تەڭىزدەن تەبەن ىزدەگەندەي» كۇيگە تۇسىرەدى. دۇنيە ءجۇزىن مازالاعان وسى قيىن ماسەلە الدىندا كەيبىر ماماندار «زەرتتەپ جاساۋ قىزمەتى وسىمەن اياقتالدى» دەپ كەسىپ ايتتى.(تولىق مازمۇنىن حالىق تورابىنىڭ حانزۋشا ارناسىنان وقي الاسىزدار)
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
