مەملەكەتتىك ينتەرنەت ينفورماتسيا كەڭسەسى دەرەك حاۋىپسىزدىگىن باسقارۋ ءادىسى جونىندە اشىق پىكىر الدى
2019.05.29 14:53 كەلۋ قاينارى : حالىق تورابى
شينحۋا اگەنتتىگى، 5 – ايدىڭ 28 – كۇنى، بەيجيڭ (ءتىلشى: ۋاڭ سىبەي) مەملەكەتتىك ينتەرنەت ينفورماتسيا كەڭسەسى 5 – ايدىڭ 28 – كۇنى «دەرەك حاۋىپسىزدىگىن باسقارۋ ءادىسى (پىكىر الىناتىن نۇسقا)» جونىندە قوعامنان اشىق پىكىر الدى. پىكىر الىناتىن نۇسقادا مىنالار اتاپ كورسەتىلگەن: ينتەرنەت تيجاراتشىلارى قىزمەت وتەۋ ساپاسىن جوعارىلاتۋ، تۇتىنۋشىلاردىڭ پايدالانۋ بارىسىنداعى اسەرىن جاقسارتۋ، ينفورماتسيالاردى باعىتتامالى جولداۋ، جاڭا ونىمدەردى زەرتتەپ جاساۋ قاتارلىلاردى جەلەۋ ەتىپ، ۇقىق بەرۋدى ىشتەي مويىنداۋ، فۋنكتسيالاردى ماتاۋ قاتارلى تاسىلدەرمەن جەكەلىك ينفورماتسيا نەگىزگى تۇلعاسىن جەكەلىك ينفورماتسياسىن جيناۋعا ماقۇل بولۋعا زورلاۋىنا جانە الجاستىرۋىنا بولمايدى.
پىكىر الىناتىن نۇسقادا مىنالار اتاپ كورسەتىلگەن: جۇڭحۋا حالىق رەسپۋبليكاسىنىڭ شەكاراسى ىشىندە ينتەرنەتتە دەرەك جيناۋ، ساقتاۋ، تاراتۋ، ءبىرجاقتى ەتۋ، پايدالانۋ قاتارلى قيمىلداردى (تومەندە دەرەكتىك قيمىلدار دەپ اتالادى) ورىستەتكەندە، سونىمەن بىرگە، دەرەك حاۋىپسىزدىگىن قورعاۋ جانە باقىلاۋ – باسقارۋ بارىسىندا وسى ءادىس قولدانىلادى.
دەرەكتەردى جيناۋ جاعىندا، پكىر الىناتىن نۇسقادا مىنالار اتاپ كورسەتىلگەن: ينتەرنەت تيجاراتشىلارى توراپ، قولدانىلمالى پروگرامما قاتارلى ونىمدەر ارقىلى جەكەلىك ينفورماتسيالاردان پايدالانعان كەزدە، جيناۋ مەن پايدالانۋ بەلگىلەمەلەرىن جەكە – جەكە بەلگىلەۋى جانە جاريالاۋى كەرەك. جيناۋ جانە پايدالانۋ بەلگىلەمەلەرى انىق تا ناقتى، قاراپايىم دا تۇسىنىكتى، تاۋىپ وقۋعا قولايلى بولۋى كەرەك، ينتەرنەت تيجاراتشىلارىنىڭ نەگىزدىك ينفورماتسيالارى كورنەكتى بولۋى كەرەك؛ جەكەلىك ينفورماتسيالاردى جيناۋ جانە پايدالانۋ ماقساتى، ءتۇرى، سانى، جيىلىگى، ءتاسىلى، كولەمى قاتارلىلار؛ جەكەلىك ينفورماتسيالاردى ساقتاۋ ورنى، مەرزىمى جانە مەرزىمى تولعان سوڭ ءبىرجاقتى ەتۋ ءتاسىلى؛ جەكەلىك ينفورماتسيالاردىڭ نەگىزگى تۇلعاسىنىڭ ماقۇلدىق بەرۋدى توقتاتۋى، سونىمەن بىرگە، جەكەلىك ينفورماتسياسىن ىزدەۋ، وزگەرتۋ، ءوشىرۋ جولدارى مەن تاسىلدەرى؛ شاعىم بەرۋ، مالىمدەۋ جولدارى جانە تاسىلدەرى قاتارلى مازمۇندار انىق بولۋى كەرەك. سونىمەن بىرگە، ينتەرنەت تيجاراتشىلارى جەكەلىك ينفورماتسيا نەگىزگى تۇلعالارىنىڭ جەكەلىك ينفورماتسيالارىن جيناۋعا ماقۇلدىق بەرگەن – بەرمەگەنىنە، سونداي – اق، ماقۇلدىق بەرۋ كولەمىنە قاراي، جەكەلىك ينفورماتسيا نەگىزگى تۇلعالارىن الالاۋعا بولمايدى، مۇندا قىزمەت وتەۋ ساپاسى، باعاداعى پارىق قاتارلىلار قامتىلادى.
دەرەك حاۋىپسىزدىگى جانە باقىلاۋ – باسقارۋ جاعىندا، پىكىر الىناتىن نۇسقادا مىنالار اتاپ كورسەتىلگەن: جەكەلىك ينفورماتسيالار جايىلۋ، ءبۇلىنۋ، جوعالۋ قاتارلى دەرەك حاۋىپسىزدىگى وقيعالارى تۋىلعان كەزدە نەمەسە دەرەك حاۋىپسىزدىگى وقيعالارى تۋىلۋىنىڭ حاۋىپ – قاتەرى كورنەكتى ارتقان كەزدە، ينتەرنەت تيجاراتشىلارى دەرەۋ تۇزەتۋ شارالارىن اتقارۋى، تەلەفون بەرۋ، كەلتە حات جولداۋ، ەلەكتروندىق حات جانە حات – قاتىناس جولداۋ قاتارلى تاسىلدەرمەن جەكەلىك ينفورماتسيا نەگىزگى تۇلعاسىنا ۇقتىرۋى ءارى تالاپ بويىنشا وسى سالانى باسقاراتىن باقىلاۋ – باسقارۋ تاراۋلارى مەن ينتەرنەت ينفورماتسياسى تاراۋلارىنا مالىمدەۋى كەرەك. ينتەرنەت تيجاراتشىلارى وسى ادىستەگى بەلگىلەمەلەرگە قايشى كەلسە، قاتىستى تاراۋلار قاتىستى زاڭ، اكىمشىلىك تۇزىمدەردەگى بەلگىلەمەلەر بويىنشا، جاعدايعا قاراي وتىرىپ، اشىق جاريالاۋ، تابىسىن ءمۇسادىرالاۋ، قاتىستى قىزمەتتەرىن توقتاتۋ، توقتاتىپ رەتكە سالۋ، توراپتى جابۋ، قاتىستى قىزمەت رۇقساتنامالارىن قايتارىپ الۋ نەمەسە تيجارات كۋالىگىن قايتارىپ الۋ قاتارلى جازالاردى بەرۋى قاجەت؛ قىلمىس قالىپتاستىرعان جاعدايدا، قىلمىستىق ىستەر جاۋاپكەرشىلىگى زاڭ بويىنشا قۋزاستىرىلادى.
ۇعىسۋعا قاراعاندا، پىكىرگە اڭىس بەرۋدىڭ ۋاقىتى 2019 – جىلى 6 – ايدىڭ 28 – كۇنى اياقتالادى. جۇرتشىلىقتىڭ جۇڭگو ۇكىمەتى زاڭ – ءتۇزىم ينفورماتسيالارى تورابىنا شىعىپ، پىكىر الىناتىن نۇسقاعا پىكىر بىلدىرۋىنە بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
