«جۇڭگو اكىمشىلىك قىزمەت وتەۋ تەكشەسى» ىسكە قوسىلدى
200دەن استام قىزمەت وتەۋ ءتۇرىن ۋيچاتتا بىتىرۋگە بولادى
2019.06.06 14:44 كەلۋ قاينارى : حالىق تورابى
حالىق گازەتى (ءتىلشى: ۋىن جيڭ) مەملەكەتتىك كەڭەس كەڭسەسى شىعارعان «جۇڭگو اكىمشىلىك قىزمەت وتەۋ تەكشەسى» ۋيچات شاعىن پروگرامماسى 6 – ايدىڭ 5 – كۇنى رەسمي ىسكە قوسىلدى، بۇل مەملەكەتتىك سيپات العان تۇڭعىش اكىمشىلىك قىزمەت وتەۋ ۋيچات شاعىن پروگرامماسى. اتالعان شاعىن پروگرامماعا مەملەكەتتىك دامۋ – رەفورما كوميتەتى، قوعام حاۋىپسىزدىگى مينيسترلىگى، وقۋ – اعارتۋ مينيسترلىگى، ەڭبەككۇش بايلىعى جانە قوعامدىق قامتاماسىزداندىرۋ مينيسترلىگى، ساۋدا مينيسترلىگى، نارىقتى باقىلاۋ – باسقارۋ باس مەكەمەسى قاتارلى التى مينيسترلىك – كوميتەت قوسىلدى ءارى مەملەكەتتىك اكىمشىلىك قىزمەت وتەۋ تەكشەسىنىڭ سالاۋاتتى كۋالاندىرۋ جۇيەسى، ەلەكتروندىق كۋالىك سۋرەت جۇيەسى، ءبىرتۇتاس اكىمشىلىك قىزمەت وتەۋ جاعىنداعى شاعىمدانۋ جانە پىكىر بەرۋ، سونداي – اق، تۇتىنۋشىلاردىڭ اڭىسى قاتارلى قىزمەت وتەۋلەر ىسكە قوسىلدى. ۋيچات تۇتىنۋشىلارى شاعىن پروگرامما ارقىلى 200دەن استام اكىمشىلىك قىزمەت وتەۋ تۇرلەرىن بىتىرە الادى.
تۇتىنۋشىلار شاعىن پروگرامماعا وزدەرىنىڭ ۇيلەنۋ كۋالىگى، قوعامدىق قامتاماسىزداندىرۋ كارتۋچكاسى قاتارلى ءتۇرلى ەلەكتروندىق كۋالىكتەرىن بايلاي الادى؛ شاعىن پروگرامما ارقىلى وقۋ ماعلۇماتى كۋالىگى مەن عىلىمي دارەجە كۋالىگى، اعىلشىن تىلىنەن ءتورتىنشى، التىنشى دارەجەلى ەمتيحان ناتيجەسى، ورتاق تىلدەن ەمتيحان بەرۋ كۋالىگى قاتارلىلاردى تەكسەرە الادى؛ قاتىناس قاعيداسىنا قايشى كەلۋ جاعدايى، اقشالاي سالىنعان ايىپ اقشانى تاپسىرۋ، اۆتوكولىك ءنومىرىن تولىقتاۋ، اۋىستىرۋ قاتارلى قىزمەت وتەۋ تۇرلەرىن دە شاعىن پروگرامما ارقىلى ءبىر تەتىكپەن ورىنداۋعا بولادى. كاسىپورىندىق تۇتىنۋشىلاردىڭ اتالعان تەكشە ارقىلى كاسىپورىننىڭ سەنىمدىلىگىن تەكسەرۋىنە، ءتۇرلى كۋالىكتەرگە ءوتىنىش بەرۋىنە جانە ءىس ءبىتىرۋ جاعدايىن تەكسەرۋىنە بولادى.
قازىر تۇتىنۋشىلار شاعىن پروگرامما ارقىلى گۋاڭدۇڭ، جىجياڭ، جياڭسۋ، شاڭحاي، چۇڭچيڭ، انحۇي، شاندۇڭ، سىچۋان، گۇيجوۋ قاتارلى ولكەلىك ۇكىمەتتەردىڭ توراپتا ءىس ءبىتىرۋ تەرەزەلەرىنە كىرە الادى، الدا تاعى باسقا ولكەلەر مەن ۇكىمەت تاراۋلارى قوسىلىپ، بۇكىل ەلىمىزدىڭ جەر – جەرىنىڭ، تاراۋلارىنىڭ اكىمشىلىك قىزمەتىن وڭاي عانا تاڭداۋعا بولاتىن بولىپ، جۇرتشىلىقتىڭ سىرت جەردە، تەكشە اتتاعان، تاراۋ اتتاعان كۇردەلى ىستەردى ءبىتىرۋ ءتارتىبى جاعىنداعى اۋىرەشىلىگىن ازايتادى.سونىمەن بىرگە، «جۇڭگو ۇكىمەت ىستەرى قىزمەت وتەۋ تەكشەسى» شاعىن پروگرامماسىنا بۇكىل ەل بويىنشا ءبىرتۇلعالاندىرعان شاعىمدانۋ جانە پىكىر بەرۋ جۇيەسى ورنالاستىرىلعان.
كۇندەلىكتى اكىمشىلىك قىزمەت وتەۋدەن سىرت، «جۇڭگو اكىمشىلىك قىزمەت وتەۋ تەكشەسى» شاعىن پروگرامماسى مادەنيەت – ساياحات، ۇيلەنۋ جانە بالالى بولۋ، مۇگەدەكتەرگە كومەكتەسۋ، ءادىليا قاتارلى جاقتاردا ارناۋلى قىزمەت وتەيدى. مۇگەدەكتەرگە كومەكتەسۋ قىزمەتىن مىسالعا الساق، مۇگەدەكتەر شاعىن پروگرامما ارقىلى ينتەرنەتتە شىن اتىن كىرگىزىپ، قوعام حاۋىپسىزدىگى تاراۋلارىنىڭ «ينتەرنەت + سەنىمدى سالاۋات كۋالاندىرۋىنا» يە بولعان ۋيچاتتاعى ادام ءجۇزىن پارىقتاۋ جۇيەسى ارقىلى شاعىن پروگراممانىڭ ءىس بىتىرۋ بەتىندە ءوزىنىڭ جەكەلىك ينفورماتسيالارىن تولتىرا الادى، بۇرىنعىداي بىرنەشە رەت بارىپ، جازباشا ماتەريالداردى تاپسىرۋ ارقىلى ىسپاتتاۋىنىڭ قاجەتى بولمايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
