رۇيجين وڭتۇستىك جياڭشي بايىرعى رايونىندا الدىمەن كەدەيلىكتەن ارىلىپ، كەدەيلىك قالپاعىن الدى
«شۇعىلالى تابىس توسۋمەن كەلمەيدى، قاجىماي – تالماي ەڭبەكتەنۋدەن كەلەدى» (ايبىندى 70 جىل، كۇرەسكە تولى جاڭا ءداۋىر − بايىرعى رايونداعى تەكسەرىپ – زەرتتەۋ ساپارى)
«حالىق گازەتىنىڭ» ءتىلشىسى رىن جياڭحۋا
2019.06.11 16:09 كەلۋ قاينارى : حالىق تورابى
قۇراستىرۋشىدان: «رەسپۋبليكا قىزىل ءتۇستى بولادى، ونى سولعىنداتۋعا بولمايدى». پارتيانىڭ 18 - قۇرىلتايىنان بەرى گۋتو وزەنىنەن باۋتا تاۋىنا دەيىن، زۇن - ي بايىرعى قالاسىنان يۇيدۋ وزەنى جاعاسىنا دەيىن باس شۋجي شي جينپيڭ توڭكەرىستىك بايىرعى رايوندارعا تالاي رەت بارىپ تەكسەرۋ - زەرتتەۋ جۇرگىزدى. «قازىر مەملەكەت دامىپ، حالىق تۇرمىسى جاقساردى، ءبىز سۋ ىشكەندە قاينارىن ۇمىتپاۋىمىز كەرەك، توڭكەرىستىك اعا بۋىنداردىڭ، توڭكەرىستىك قۇربانداردىڭ، بايىرعى توڭكەرىستىك رايوندارداعى اتا - بابالاردى، اۋىلداستاردى ەستەن شىعارماۋىمىز كەرەك.»
بيىل − جاڭا جۇڭگو قۇرىلعانىنىڭ 70 جىلدىعى، بايىرعى رايونداعى حالىققا ساعىنىشىمىز بولەك. جاپپاي دوڭگەلەك داۋلەتتى قوعام قۇرۋ جورىعىندا «قىزىل استانا» رۇيجين وڭتۇستىك جياڭشي بايىرعى رايونىندا الدىمەن كەدەيلىكتەن ارىلىپ، كەدەيلىك قالپاعىن الىپ تاستادى، حۋنان ولكەسىنىڭ ساڭجى اۋدانى مەملەكەت جولى، تەمىر جول، جوعارى قارقىندىق تاس جول بولماۋ تاريحىنا قوش ايتتى، بايىرعى رايونداردىڭ دامۋىنان شات حابار تارالىپ، جۇرتتى جەلپىندىردى. بۇگىننەن باستاپ، گازەتىمىز « ايبىندى 70 جىل، كۇرەسكە تولى جاڭا ءداۋىر − بايىرعى رايونداعى تەكسەرىپ – زەرتتەۋ ساپارى» ايدارشاسىن اشىپ، توڭكەرىستىك بايىرعى رايونداردىڭ جاڭا بەت - بەينەسىنە نازار اۋدارىپ، بايىرعى رايونداعى حالىقتىڭ جۇرەك سوزىنە قۇلاق تۇرەدى.
6 – ايدىڭ 3 - كۇنى تۇستەن بۇرىن. جياڭشي ولكەسى رۇيجين قالاسى يەپيڭ اۋىلى داشىڭ قىستاعى. الىسقا نازار سالساڭىز، تاۋ بوكتەرىنىڭ اپەلسين اعاشىمەن كومكەرىلگەنىن بايقايسىز.
«ءتاڭىر كومەكتەسسە، ءوزىمىز قۇلشىنساق، بيىل تاعى دا مول ءونىم الىپ قالارمىز!» دەدى حىلۇڭ اپەلسين كاسىپتىك سەلبەستىك كووپەراتيۆىنىڭ باس القاسى حۋاڭ شياۋحۇڭ.
بۇل ارا − رۇيجين، جۇڭحۋا سوۆەتتىك رەسپۋبليكاسىنىڭ ۋاقىتتىق ورتالىق ۇكىمەتى تۇرعان جەر، ەجەلدەن «رەسپۋبليكانىڭ بەسىگى» دەگەن قۇرمەتتى اتقا يە. قىزىل ارميا الاڭى، قىزىل قۇدىق، ۇزاق جورىق 1 - تاۋى... ءار جەردەن توڭكەرىس ىزدەرى مەنمۇندالايدى.
ۋاقىت ايالسىز جىلجىپ، سوعىس جىلدارى ارتتا قالدى، دەسە دە، كەدەيلىكتەن ارىلتۋدان قامال الۋ شايقاسىندا جەڭىسكە جەتپەي بەل شەشۋگە بولمايدى. 2018 - جىلى 7 - ايدىڭ 29 - كۇنى جياڭشي ولكەلىك ۇكىمەت رۇيجيننىڭ كەدەيلىكتەن شەگىنىپ شىعۋىن بەكىتتى. وڭتۇستىك جياڭشي توڭكەرىستىك بايىرعى رايونىندا رۇيجين تۇڭعىش رەت كەدەيلىكتەن ارىلىپ، كەدەيلىك قالپاعىن العان اۋدان - قالاعا اينالدى.
سۋ ىشكەندە قاينارىن ۇمىتۋعا بولمايدى، بار ىنتا - پەيىلىمەن كەدەيلەردى سۇيەمەلدەۋ، كەدەيلەردى شىنايى سۇيەمەلدەۋ «توڭكەرىستىك بايىرعى استانانى» شىت جاڭا بەينەگە ەنگىزدى.
اپەلسين كاسىبىن دامىتۋ جوباسىن جاساپ، كاسىپ نەگىزىن بەكەمدەدى
اپەلسين، مايلى شاي جانە كوكونىس سىندى ءۇش ۇلكەن كاسىپ ارقىلى 2018 – جىلى كەدەي وتباسىلاردىڭ %60 تەن استامى كەدەيلىكتەن ءساتتى ارىلدى
«جەر سونشاما قۇنارسىز، اپەلسين ەگۋگە بولا ما؟»، «قايدا اپارىپ ساتامىز، كىمگە ساتامىز؟»...اپەلسيندى العاش ەككەندە، حۋاڭ شياۋحۇڭنىڭ كۇن كورىسى قيىنعا سوعادى. ارەڭ جۇمىلدىرعان 20 نەشە اۋىلداسى 2 جىلعا جەتپەيتىن ۋاقىتتا بىتىراپ كەتتى. اپەلسين ەگۋ پەريودى ۇزاق، كوپشىلىك باتىلدىق ەتە المايدى. ءبىر جولى پىكىر تالاسىندا حۋاڭ شياۋحۇڭنىڭ ءۇيىنىڭ ەسىگى بۇزىلىپ قالدى...
داشىڭ قىستاعىنىڭ بۇرىنعى اتى اق قۇتان قىستاعى ەدى. سوۆەت رايونى كەزىندە قىزىل ارميا حىلۇڭ بۇتحاناسىنا 3 رەت شابۋىل جاساپ، 3 رەت جەڭىسكە جەتتى، سونىمەن قىستاقتىڭ اتى «داشىڭ» (زور جەڭىس) دەپ وزگەرتىلدى. سول كەزدە تۇتاس قىستاقتاعى حالىق سانى 200 گە جەتپەيتىن، ولاردىڭ ىشىندە قىزىل ارمياعا قاتىناسقانى 118 ادام، اتى شىققان اسكەري قۇربانداردىڭ سانى 99 بولعان.
وتباسى سايىن قىزىل ارميانىڭ جاۋىنگەرلەرى بار، وتباسىلار دەرلىك قۇرباندار وتباسىسى بولىپ كەلەدى، وسىنداي داڭقتى تاريحى بار داشىڭ قىستاعى ءتۇرلى سەبەپتەردەن ولكە دارەجەلى كەدەي قىستاقتىڭ قاتارىنا قوسىلعان. «باسقالار اپەلسين ءوسىرىپ مول تابىس تاۋىپ وتىر، ءبىز نەگە بۇلاي ىستەي المايمىز؟» حۋاڭ شياۋحۇڭ بۇعان مويىنسال بولماي، قايتا - قايتا سىرتقا شىعىپ تاجىريبە قابىلداپ، قايتىپ كەلگەن سوڭ ۇلگى كورسەتىپ، ۇگىت جۇرگىزەدى.
ەڭبەگى باردىڭ ونبەگى بار دەگەندەي، 2014 - جىلعا كەلگەندە، سەلبەستىك كووپەراتيۆىنىڭ اپەلسين ەگىلگەن جەر اۋماعى 3 مىڭ 900 مۋعا جەتىپ، جىلىنا 20 مىڭ توننادان استام اپەلسين ساتىلادى. «قازىر سەلبەستىك كووپەراتيۆى توڭىرەكتەگى قىستاقتاردى قامتىپ، مىڭنان استام ادامدى كاسىپتەندىردى، مۇنىڭ ىشىندە كەدەي وتباسىلاردىڭ 370 مۇشەسى بار، كىسى باسىنا تۋرا كەلەتىن ايلىق كىرىس 5000 يۋانعا جەتەدى» دەدى حۋاڭ شياۋحۇڭ.
«شۇعىلالى تابىس توسۋمەن كەلمەيدى، قاجىماي – تالماي ەڭبەكتەنۋدەن كەلەدى» دەدى زىتان اۋىلى يۇڭحۇڭ قىستاعىنىڭ كەدەيلەردى سۇيەمەلدەۋ سەحىندا اعاش ساڭىراۋقۇلاق ەككەن دىڭ چاڭرۇڭ قىستاقتاعى وزگەرىس جونىندە ءسوز بولعاندا.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
