بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

ءار تۇردەگى بازار تۇلعالارى 180 مىڭنان استى، جۇڭگوداعى 500 قۋاتتى كاسىپورىننىڭ ىشىندە 10 كاسىپورىن وسى ارادان شىقتى

جياڭيىن باسقالاردان وزىپ، الدىڭعى قاتارعا ءوتتى 

(ايبىندى 70 جىل، كۇرەسكە تولى جاڭا ءداۋىر ـ  ءبىرىنشى شەپتەگى تەكسەرۋ - زەرتتەۋ ساپارى) 

2019.06.24 16:30     كەلۋ قاينارى : حالىق تورابى

  ەڭسەلى سالىنعان ءبىر كوپىر وڭتۇستىك پەن سولتۇستىكتى جالعاستىرۋدا.

  چاڭجياڭ دارياسىنىڭ تومەنگى اعارىنداعى جياڭيىن ۇلكەن كوپىرىنىڭ وڭ جاق باسى وزەننەن وتكەن جاۋىنگەرلەردىڭ ەسكەرتكىش سارايى، وندا تۇرعان «وزەننەن وتۋدەگى ءبىرىنشى قايىق» 70 جىلدىڭ الدىندا حالىق ازاتتىق ارمياسىنىڭ ءجۇز مىڭداعان قاھارمان ۇلانىنىڭ داريادان وتۋىندەگى داڭقتى ءساتتىڭ كۋاسى سانالادى.

  جياڭسۋ ولكەسىنىڭ جياڭيىن قالاسى سول جىلى چاڭجياڭ دارياسىنان ءوتۋ شايقاسىنىڭ شىعىس جەلىسىندەگى ءتۇيىن بولعان، بۇل قالا 70 جىلدان بەرى كوش باستاۋ جولىندا باتىلدىقپەن كۇرەسىپ كەلەدى، جۇڭگوداعى 500 قۋاتتى كاسىپورىننىڭ ىشىندە 10 كاسىپورىن وسى ارادان شىقتى، بۇل قالا 16 جىلدان بەرى ءۇرتىس مەملەكەت بويىنشا اۋدانداردىڭ ەكونوميكاسى مەن اۋدانداردىڭ جالپىلىق دامۋىندا ماڭداي الدى ورىندا تۇرىپ كەلەدى.

  جاڭالىق اشۋ كاسىپورىنداردى ىلگەرىلەتتى

  فاىرشىڭ - حۇڭشىڭ توبى 55 جىل بويى «ارقان» وندىرۋگە ارنايى دەن قويىپ كەلە جاتقان كاسىپورىن. فاىرشىڭ توبىنىڭ ءىرى ونىمدەرىنەن الىپ ايتساق، دۇنيە ءجۇزى بويىنشا تاسىمال بەرىلىسىنە پايدالانىلاتىن بولات ارقاننىڭ %50 ىن، ەل ىشىندەگى كوپىر ارقاندارىنىڭ %90 ىن وسى توپ وندىرەدى، دۇنيە ءجۇزى دارەجەسىندەگى 800 دەن استام قۇرىلىسقا وسى توپتىڭ ءونىمى پايدالانىلعان؛ ۇساق ونىمدەرىنەن الىپ ايتساق، قيما بەتى شاش تالشىعىنداي وپتيكالىق تالشىق تا، اۆياتسيا، عارىش سالاسىنداعى ميكرو بولات ارقان دا بار، بۇلاردىڭ ديامەترى ەڭ جىڭىشكە بولعاندا 0.08 ميلليمەتر عانا.

  بۇل كاسىپورىن اۋەلدە بالىقشىلار قايىعىنداعى كەندىر ارقاندى وندىرگەن، ودان بولات ارقان وندىرگەن، ودان وپتيكالىق كابەلدەردى وندىرگەن، ءونىم وندىرىسىندەگى وسى وزگەرىستەردى تىلگە تيەك ەتكەن فاىرشىڭ توبىنىڭ باس القاسى جوۋ جياڭ توتەسىنەن بىلاي دەيدى: «جاڭالىق جاراتۋ ــ حالىقتىق كاسىپورىندار دامۋىنىڭ تەتىگى».

  شينچياۋ قالاشىعىنداعى ءبىر جولدىڭ ەكى شەتىنە توقىماشىلىق، كيىم – كەشەك كاسىبىندەگى ەكى الپاۋىت ــ ياڭگۋاڭ توبى مەن حايلان توبى ورنالاسقان، وتكەن عاسىردىڭ 80 – جىلدارىندا ەڭسە كوتەرگەن وسى 2 اۋىل – قالاشىق كاسىپورنىنىڭ جىلدىق تيجارات كىرىسى بۇل كۇندە 200 ميلليارد يۋانعا تاياپ وتىر.

  ياڭگۋاڭ توبىنىڭ كورمە زالىندا 500 تال اسا ساپالى توقىما كەزدەمەسى بار، ءبىر گرام قوي ءجۇنىن 500 مەتر ۇزىندىقتا ەسۋگە بولادى، جىڭىشكەلىگى شامامەن شاشتىڭ وننان بىرىندەي عانا كەلەدى. «ءبىز نازارىمىزدى باستان - اياق حالىقارانىڭ وزىق ورەسىنە اۋدارىپ كەلەمىز، ۇزدىكسىز جاڭالىق جاراتۋ ارقىلى وزەكتى، شەشۋشى تەحنيكالاردى يگەرىپ، سوڭىنان ىلەسۋدەن قاتارلاسىپ جۇرۋگە وتتىك، ەڭ سوڭىندا ەلدىڭ الدىنا تۇستىك» دەدى ياڭگۋاڭ توبىنىڭ باس القاسى چىن ليفىن.

  جاڭالىق جاراتۋ گەنى جياڭيىن كاسىپكەرلەرىندە ۇرپاقتان - ۇرپاققا جالعاسىپ كەلەدى. 2007 - جىلى 31 جاستاعى جاڭ لەي ۇلى بريتانيادان وقۋ ءبىتىرىپ قايتىپ كەلىپ، يۋانجيڭ ەنەرگيا عىلىم - تەحنيكا شەكتى سەرىكتەستىگىن قۇردى، ۇزدىكسىز جاڭالىق جاراتۋ بارىسىندا، قىسقا عانا 10 جىلدا جاڭا ەنەرگيا ونىمدەرىندەگى الىپ كاسىپورىندى قۇرىپ شىقتى.

  ەڭ الدىمەن تومەن قارقىندى زەيىندىك جەلدەتكىشتى زەرتتەپ جاسادى، 2 جىلعا جەتپەيتىن ۋاقىتتا، دۇنيە ءجۇزى بويىنشا تۇڭعىش رەت 87 مەترلىك ۇلكەن قالاقتى دوڭگەلەك 1.5 مەگاۆاتتىق اگراگات توبىندا قامال الدى، دۇنيە جۇزىندەگى تۇڭعىش 93 مەترلىك ۇلكەن قالاقتى دوڭگەلەك تومەن جەل جىلدامدىعىنىڭ زەيىندىك جەلدەتكىشىن توراپتاندىرىپ توك تاراتتى، سول جىلعى ساتىلىمى ءبىر ميلليارد يۋاننان استى. وسىدان كەيىن جاڭ لەي نازارىن ەنەرگيانى باسقارۋعا اۋدارىپ، گرينۆيچ بۇلت تەكشەسىن اشتى.

  بۇلت تەكشەسىندە قىزمەتكەرلەر جەر شارىنىڭ كەز كەلگەن ءبىر ورنىن تاڭداپ الادى، بۇعان بىرنەشە سەكۋند ۋاقىت كەتەدى، جۇيە ءىرى ساندى مالىمەت جانە ەسەپتەۋ ءادىسى ارقىلى قانشا جەل ماشيناسى، قانشا الىس ارالىققا ورنالاستىرۋ، جەلدەتكىشتىڭ قۋاتىنىڭ ۇلكەن - كىشىلىگى سياقتى ناقتى پارامەترلەردى ءتىزىپ شىعىپ، قاريدارلاردى جالپى تۇلعالىق شەشۋ جوباسىمەن قامدايدى.

  2018 - جىلى جياڭيىن رايونىنىڭ ءوندىرىس جالپى ءونىم قۇنى 380 ميلليارد 600 ميلليون يۋانعا جەتىپ، 10 كاسىپورىن «جۇڭگوداعى 500 قۋاتتى كاسىپورىننىڭ» قاتارىنا ەندى. جارنا بازارىنا شىققان سەرىكتەستىكتەردىڭ جالپى سانى مەن جينالعان قارجىنىڭ جالپى مولشەرى مەملەكەت بويىنشا اۋدان دارەجەلى قالالاردا ءبىرىنشى ورىندا تۇرادى. «جياڭيىن ەكونوميكاسىنىڭ دامۋىنا ۇزدىكسىز ومىرشەڭدىك كۇش قوسقانى باستان – اياق ناقتى ەكونوميكا بولىپ كەلەدى» دەدى جياڭيىن قالالىق پارتكومنىڭ شۋجيى چىن جينحۋ.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار