قازىنا مينيسترلىگى، شۇعىل جاعدايلارعا توتەپ بەرۋدى باسقارۋ مينيسترلىگى جياڭشي، گۋاڭدۇڭ، گۋاڭشي ولكەلەرىنە (اۆتونوميالى رايون) ورتالىقتىڭ اپاتتان قۇتقارۋ قاراجاتىنان 360 ميلليون يۋان ءبولدى
2019.06.25 13:08 كەلۋ قاينارى : حالىق تورابى
حالىق تورابى، 6 – ايدىڭ 24 – كۇنى، بەيجيڭ. بۇگىن (6 – ايدىڭ 24 – كۇنى) قازىنا مينيسترلىگى مەن شۇعىل جاعدايلارعا توتەپ بەرۋدى باسقارۋ مينيسترلىگى جياڭشي، گۋاڭدۇڭ، گۋاڭشي 3 ولكەگە (اۆتونوميالى رايون) ورتالىقتىڭ تابيعي اپاتتاردان قۇتقارۋ قاراجاتىنان 360 ميلليون يۋان ءبولدى، مۇندا جياڭشيگە 200 ميلليون يۋان، گۋاڭدۇڭعا 50 ميلليون يۋان، گۋاڭشيگە 110 ميلليون يۋان ءبولدى، بۇل قاراجات نەگىزىنەن جۋىردان بەرى 3 ولكەدە (اۆتونوميالى رايون) تۋىلعان اۋىر دارەجەدەگى نوسەر مەن تاسقىن اپاتىندا اپاتقا ۇشىراعان جۇرتشىلىقتى شۇعىل كوشىرىپ ورنالاستىرۋ، وتپەلى كەزەڭدە تۇرمىستىق كومەك بەرۋ، بۇلىنگەن تۇرعىن ۇيلەردى جوندەۋ جانە قايتا سالۋ، اپات سەبەبىنەن قازا بولعانداردىڭ وتباسىنداعىلارعا قامقورلىق جاساۋ قاتارلى اپاتقا ۇشىراعان جۇرتشىلىقتىڭ تۇرمىسىنا قاجەتتى كومەكتەردى جاساۋعا پايدالانىلادى.
وسىنىڭ الدىندا، جياڭشي، گۋاڭدۇڭ، گۋاڭشي قاتارلى جەرلەردە اۋىر دارەجەدە نوسەر جانە تاسقىن اپاتى تۋىلىپ، شۇعىل جاعدايلارعا توتەپ بەرۋدى باسقارۋ مينيسترلىگىندەگى نەگىزگى جاۋاپتى جولداس كوپ رەت كەسكىن ارقىلى قاتىستى ولكەلەردىڭ شۇعىل جاعدايلارعا توتەپ بەرۋدى باسقارۋ مەڭگەرمەلەرىمەن (مەكەمەلەرىمەن) جانە ءورت ءوشىرۋ، قۇتقارۋ قوسىندارىمەن سويلەسىپ، حاۋىپتەن اراشالاۋ، قۇتقارۋ – كومەكتەسۋ جاعىنداعى ءتۇرلى قىزمەتتەرگە ورنالاستىرۋ جاساعان جانە جەتەكشىلىك ەتكەن. مەملەكەتتىك اپاتتىڭ زيانىن ازايتۋ كوميتەتى، شۇعىل جاعدايلارعا توتەپ بەرۋدى باسقارۋ مينيسترلىگى شۇعىل جاعدايلارعا توتەپ بەرۋدىڭ مەملەكەتتىك Ⅳ دارەجەلى شارالارىن شۇعىل ىسكە قوسىپ، قىزمەت اترەتتەرىن 3 ولكەدەگى (اۆتونوميالى رايون) اۋىر اپات تۋىلعان جەرلەرگە بارىپ، اپات جاعدايىن تەكسەرۋگە، اپات تۋىلعان جەرلەردەگى ۇكىمەت تاراۋلارىنىڭ اپاتقا قارسى تۇرىپ، حاۋىپتەن اراشالاۋ، اپاتتان قۇتقارۋ قاتارلى قىزمەتتەرىنە سايكەسكەن جانە جەتەكشىلىك ەتكەن.
سونىمەن بىرگە، شۇعىل جاعدايلارعا توتەپ بەرۋدى باسقارۋ مينيسترلىگى مەملەكەتتىك استىق جانە زاتتاردى زاپاسقا ساقتاۋ مەكەمەسى گۋاڭشي مەن جياڭشيگە 4000 شاتىر، 30 مىڭ كورپە، 16 مىڭ قاتتاما توسەك جانە 2000 قاتتاما ۇستەل – ورىندىق قاتارلى ورتالىقتىڭ اپاتتان قۇتقارۋ بۇيىمدارىن جونەلتىپ، اپاتقا ۇشىراعان جۇرتشىلىقتىڭ نەگىزدىك تۇرمىسىنا كەپىلدىك ەتۋ قاتارلى قىزمەتتەردى ويداعىداي ىستەۋگە قولداۋ كورسەتكەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
