2019 - جىلى جازعى تەمىر جول تاسىمالى باستالدى، مەجەمەن 720 ميلليون ادام - رەت جولاۋشى جونەلتىلەدى
2019.07.02 15:12 كەلۋ قاينارى : حالىق تورابى
حالىق تورابى، 7 - ايدىڭ 1 – كۇنى، بەيجيڭ (ءتىلشى چياۋ شۋەفىڭ). ءتىلشىنىڭ جۇڭگو مەملەكەتتىك تەمىر جول توبى شەكتى سەرىكتەستىگىنەن ۇعىسۋىنشا، 7 - ايدىڭ 1 – كۇنى 2019 – جىلدىڭ جازعى تەمىر جول تاسىمالى رەسمي باستالعان، 8 - ايدىڭ 31 – كۇنى اياقتالماق، جالپى 62 كۇن. جازعى تاسىمال كەزىندە بۇكىل ەل بويىنشا تەمىر جولدا شامامەن 720 ميلليون ادام - رەت جولاۋشى جونەلتىلەدى، بۇل شاما وتكەن جىلدىڭ ۇقساس مەزگىلىندەگىدەن 53 ميلليون 840 مىڭ ادام - رەت، ياعني %8.1 ارتىق بولادى، كۇنىنە ورتا ەسەپپەن 11 ميلليون 610 مىڭ ادام - رەت جولاۋشى جونەلتىلەدى.
جازعى تاسىمال كەزىندە تەمىر جول تاراۋلارى كومەسكى تاسىمال مۇمكىندىكتەرىن تولىق اشىپ، تاسىمال قۋاتىمەن قامداۋدى ارتتىرىپ، جازعى دەمالىس كەزىندەگى وقۋشىلاردىڭ دەمالىسقا تاراۋى، تۋىسشىلاۋ، ساياحات سياقتى جولاۋشىلار ساياحاتىنىڭ قاجەتىن قاناعاتتاندىرۋعا قۇلشىنادى. 7 – ايدىڭ 10 - كۇنى ساعات نولدەن باستاپ بۇكىل ەل بويىنشا تەمىر جول لەنياسىندا پويەز قاتىناۋ جانە جازعى قاتىناۋ كارتاسى اتقارىلادى. كارتا رەتتەلگەننەن كەيىن بۇكىل ەلدەگى تەمىر جولداردا 4 مىڭ 477 جۇپ جولاۋشى پويەزى ورنالاستىرىلادى، مۇنىڭ ىشىندە ءبىر مىڭ 669 جۇبى توتە قاتىنايتىن پويەز، ديناميكالىق پويەز گرۋپپاسىنىڭ پويەزدەرى 3 مىڭ 310 جۇپ، بۇدان سىرت، پويەزدەر گرۋپپاسىنىڭ ورلەۋ كەزىندەگى پويەزدەرى 460.5 جۇپ، بۇلار جولاۋشىلار اعىسىنىڭ قاجەتىنە ساي ىسكە قوسىلادى. ءبىر توپ جاڭادان سالىنعان پويەز گرۋپپاسى پايدالانۋعا بەرىلەدى، ءتىپتى دە كوپ جولاۋشىلار گۇلدەن ءنومىرلى پويەز گرۋپپاسىنىڭ ساپالى قىزمەت وتەۋىنەن يگىلىكتەنەدى؛ بەيجيڭ، شاڭحاي، حاربين، شىنياڭ، چاڭچۇن، داليان، ۋ - حان، جينان، چيڭداۋ، حاڭجوۋ، نانچاڭ، شيامىن، ناننيڭ، نانياڭ سىندى 14 قالا جولاۋشىلار پويەزىنىڭ باستالۋ، اياقتالۋ، توقتاتىلۋ جاعدايىن جاقسارتىپ، جەلى بويىنداعى بۇقارانىڭ ءجۇرىس - تۇرىسى اناعۇرلىم قولايلى بولادى؛ شيۇڭ - ان جاڭا رايونى بايياڭديان پۋنكتىن قامتىعان ىشكى ولكەلەردەگى 58 جوعارى قارقىندىق تەمىر جول ۆوكزالى جوعارى قارقىندى پويەزدى شياڭگاڭعا تىكە جەتكىزۋگە ورنالاستىرادى؛ بەيجيڭنەن چيڭداۋعا، بەيحايعا، ناننيڭنەن گۋاڭجوۋعا، كۇنميڭگە، شاڭحايدان لوحىعا باراتىن تەمىر جولداردا، لانجوۋ - شينجياڭ جوعارى قارقىندىق تەمىر جولىنىڭ قۇمىلدان ۇرىمجىگە دەيىنگى بولىگىندە قاتىناۋ ۋاقىتى بارىنشا قىسقارادى؛ حاڭجوۋ - شىنجىن لەنياسى مەن نانجيڭ - چىڭدۋ لەنياسى جەكە - جەكە 14 جۇپ پويەز، 10 جۇپ پويەز قوسىپ، شىعىس وڭتۇستىك تەڭىز جاعالاۋى مەن سىچۋان، چۇڭچيڭ باعىتىنداعى جولاۋشى تاسىمال قۋاتىن جوعارىلاتادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
