قوسىننان شەگىنگەن ءىشىنارا اسكەريلەر مەن باسقا دا قامقورلىق جاسالاتىن وبيەكتىلەرگە بەرىلەتىن قامقورلىق قاراجات ولشەمى تاعى دا جوعارىلاتىلدى
2019.07.25 14:48 كەلۋ قاينارى : حالىق تورابى
«حالىق گازەتى»، 7 - ايدىڭ 24 – كۇنى، بەيجيڭ. قوسىننان شەگىنگەن اسكەريلەر ىستەرى مينيسترلىگى، قازىنا مينيسترلىگى بىرنەشە كۇننىڭ الدىندا ۇقتىرۋ شىعارىپ، قوسىننان شەگىنگەن ءبىر ءبولىم اسكەريلەر مەن باسقا دا قامقورلىق جاسالاتىن وبيەكتىلەرگە بەرىلەتىن قامقورلىق قاراجات پەن تۇرمىستىق قوسىمشا قاراجات ولشەمىن تاعى ءبىر رەت جوعارىلاتتى.
2019 – جىلى 8 - ايدىڭ 1 - كۇنىنەن باستاپ، جارالىلار مەن مۇگەدەكتەرگە (مۇگەدەك اسكەريلەر، مۇگەدەك حالىق ساقشىلارى، مۇگەدەك مەملەكەت ورگانى قىزمەتكەرلەرى، مۇگەدەك حالىق جاساقتارى مەن حالىق جۇمىسكەرلەرى) بەرىلەتىن مۇگەدەكتىك قامقورلىق قاراجات ولشەمى، «ءۇش تۇردەگى وتباسى» مۇشەلەرىنە (قۇربانداردىڭ وتباسى مۇشەلەرى، ۇكىمەت قىزمەتى جولىندا قۇربان بولعان اسكەريلەردىڭ وتباسى مۇشەلەرى، اۋرۋدان قايتىس بولعان اسكەريلەردىڭ وتباسى مۇشەلەرى) بەرىلەتىن مەرزىمدى قامقورلىق قاراجات ولشەمى، «ءۇش قىزىلدارعا» (اۋىلداعى قوسىننان شەگىنگەن قىزىل ارميانىڭ ساقا جاۋىنگەرى، اۋىلداعى باتىس باعىت ارمياسىنداعى قىزىل ارميانىڭ ساقا جاۋىنگەرى، قىزىل ارميانىڭ بىتىراندى مۇشەسى) بەرىلەتىن تۇرمىستىق كومەك قاراجات ولشەمى قازىرگى نەگىزدە %10 جوعارىلاتىلادى. اۋىلداعى ارميادان بوساعان ساقا اسكەريلەردىڭ تۇرمىستىق قوسىمشا قاراجات ولشەمى قازىر اتقارىلىپ وتىرعان نەگىزدە ءار ادامعا ايىنا 200 يۋان جوعارىلاتىلادى، قۇربان قارتتاردىڭ پەرزەنتتەرىنىڭ تۇرمىستىق قوسىمشا قاراجات ولشەمى قازىرگى اتقارىلىپ وتىرعان ءاربىر ادامعا ايىنا 440 يۋاننان بەرۋدەن 490 يۋاننان بەرۋگە جوعارىلاتىلادى، جوعارىداعى جوعارىلاتىلعان قاراجاتتى ورتالىق قازىنا ۇستىنە الادى.
ناۋقاستانىپ اۋىلىنا قايتقان اسكەرلەرگە بەرىلەتىن تۇرمىستىق قوسىمشا قاراجات ولشەمى قازىر اتقارىلىپ وتىرعان ءاربىر ادامعا ايىنا 550 يۋاننان بەرۋدەن 600 يۋاننان بەرۋگە جوعارىلاتىلادى، سوعىسقا، سىناققا قاتىناسقان اسكەريلەردىڭ تۇرمىستىق قوسىمشا قاراجات ولشەمى قازىر اتقارىلىپ وتىرعان ءاربىر ادامعا ايىنا 600 يۋاننان بەرۋدەن 650 يۋاننان بەرۋگە جوعارىلاتىلادى، اۋىل - قىستاق نوپوسىنداعى ساقا اسكەرلەرگە ءبىر جىلدا مىندەتتى اسكەرلىك مىندەت وتەۋ ءۇشىن ءار ايدا 5 يۋاننان قوسىلىپ، ايىنا 40 يۋانعا جەتكىزىلەدى. جوعارىداعى جوعارىلاتىلعان قاراجاتتى ورتالىق قازىنا مەن جەرگىلىكتى قازىنا سالىستىرما بويىنشا كوتەرەدى.
ولشەم جوعارىلاتىلعاننان كەيىن سوعىس، ۇكىمەت ءىسى، اۋرۋ سەبەبىنەن مۇگەدەك بولعان 1- دارەجەلى اسكەرلەردىڭ قامقورلىق قاراجاتى كىسى باسىنا جىلىنا 88 مىڭ 150 يۋان، 85 مىڭ 370 يۋان، 82 مىڭ 570 يۋان بولادى، بۇلار 2018 - جىلداعىدان جەكە - جەكە 8 مىڭ 10 يۋان، 7 مىڭ 760 يۋان، 7 مىڭ 510 يۋان جوعارى.
قۇربانداردىڭ وتباسى مۇشەلەرىنە، ۇكىمەت ءىسى جولىندا قۇربان بولعان اسكەريلەردىڭ وتباسى مۇشەلەرىنە، اۋرۋدان قايتىس بولعان اسكەريلەردىڭ وتباسى مۇشەلەرىنە بەرىلەتىن مەرزىمدى قامقورلىق قاراجات ولشەمى جەكە – جەكە كىسى باسىنا جىلىنا 27 مىڭ 980 يۋانعا، 240 مىڭ 40 يۋانعا جانە 22 مىڭ 610 يۋانعا جوعارىلاتىلدى. اۋىلداعى قوسىننان شەگىنگەن قىزىل ارميا ساقا جاۋىنگەرلەرىنىڭ، اۋىلداعى باتىس باعىت ارمياسىنداعى قىزىل ارميا ساقا جاۋىنگەرلەرىنىڭ جانە قىزىل ارميانىڭ بىتىراپ كەتكەن مۇشەلەرىنىڭ تۇرمىستىق قوسىمشا قاراجات ولشەمى جەكە - جەكە جىلىنا كىسى باسىنا 61 مىڭ 130 يۋانعا، 61 مىڭ 130 يۋانعا جانە 27 مىڭ 580 يۋانعا جوعارىلاتىلدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
