«تاباندىلىقپەن العا باسايىق، قاتاردان قالۋعا بولمايدى» (ايبىندى 70 جىل، جاڭا داۋىردەگى كۇرەس — ءتىلشىنىڭ ۇزاق جورىق جولىن قايتا باسۋى)
حالىق گازەتىنىڭ ءتىلشىسى گۇڭ شىجيان، حالىق تورابىنىڭ ءتىلشىسى ۋ چاۋ
2019.08.07 15:13 كەلۋ قاينارى : حالىق تورابى
91 جاستاعى لياڭ كىشيڭ (ورتادا) 8 – ايدىڭ 6 – كۇنى يان – ان «1 – تامىز» قارتتار ۇيىندە ۇزاق جورىق ساپارىنداعى حيكايالاردى اڭگىمەلەۋدە. حالىق گازەتىنىڭ ءتىلشىسى گۇڭ شىجيان فوتوسى
«قىزىل ارميا تايسالمايدى ازاپتى الىس جورىقتان، بۇيىم ەمەس مىڭداعان تاۋ، ميلليون وزەن جولىققان ...» شانشي ولكەسى يان – ان قالاسىنداعى «1 – تامىز» قارتتار ۇيىندە 91 جاستاعى لياڭ كىشيڭ وسى تانىمالى ءاندى شىرقاپ، سول ءبىر توڭكەرىستىك داۋرەندى جۇرتتىڭ ەسىنە ءتۇسىردى. قىزىل ارميانىڭ نەگىزگى قوسىنى 11 ولكە، اۆتونوميالى رايوننان ءوتىپ، 25 مىڭ شاقىرىم جول باسىپ، يان – اندا باس قوسقان.
قىزىل ارميانىڭ قارت جاۋىنگەرى ليۋ تيان – يوۋ «1 – تامىز» قارتتار ۇيىندە تۇرمىس كەشىرگەن. ليۋ تيان – يوۋ 1916 – جىلى تۋعان، 2009 – جىلى ومىردەن وتكەن، ۇزاق جورىقتى باستان كەشىرگەن ساقا قىزىل ارميا جاۋىنگەرى. ناعاشى اپاسى ليۋ تيان – يوۋدى ەسكە العاندا، لەي يۇڭنىڭ كوكەيىندەگى اڭگىمەنىڭ تيەگى اعىتىلادى. «ناعاشى اپام سىچۋان باجۇڭ قالاسىنىڭ ادامى، بالا كەزىمىزدە وتباسىمىز كەدەي بولعاندىقتان، باسقالارعا جالشىلىققا تۇرعان. ءبىر جولى بازارعا بارا جاتقان جولىندا، قىزىل ارميا ۇگىت اترەتىنە جولىعىپ، سول جەردە – اق قىزىل ارمياعا قاتىناسۋعا تىزىمدەلەدى»، — دەيدى لەي يۇڭ، — «كەيىن قىزىل ارميانىڭ باستىعى ناعاشى اپاما ليۋ تيان – يوۋ دەپ ات قويىپتى».
1933 – جىلى 10 – ايدا ليۋ تيان – يوۋ قىزىل ارميانىڭ 4 – باعىت ارمياسىنا قاتىناسىپ، ۇگىت قىزمەتىمەن شۇعىلدانادى. 1935 – جىلى 8 – ايدا قوسىنمەن بىرگە ۇزاق جورىققا اتتانىپ، قارلى تاۋدان اسىپ، ەكى رەت شالعىندى دالانى باسىپ وتەدى. 1936 – جىلى 9 – ايدا گانسۋ ولكەسى حۇينيڭ اۋدانىنا جەتىپ، قوسىننىڭ ەمحاناسىندا ەمشىلىك قىزمەت ىستەيدى. ليۋ تيان – يوۋ كەزىندە لەي يۇڭعا ۇزاق جورىقتىڭ حيكاياسىن اڭگىمەلەپ بەرگەن، ول: «قارلى تاۋدان اسىپ، سازدى جەردەن وتتىك، كوپشىلىكتىڭ جۇرەگىندە ءبىر عانا سەنىم بولدى: العا باسۋ كەرەك، قاتاردان قالۋعا بولمايدى. وسىنداي رۋح پەن سەنىمنىڭ ارقاسىندا عانا تاباندىلىق ەتتىك»، — دەگەن.
وسىنداي رۋح پەن سەنىم ليۋ تيان – يوۋعا ءومىر بويى اسەر ەتتى. 2008 – جىلى 7 – ايدىڭ 2 – كۇنى بەيجيڭ وليمپياداسىنىڭ قاسيەتتى الاۋى يان – انعا جەتكىزىلگەن كەزدە، 92 جاستاعى ليۋ تيان – يوۋ يان – اندا الاۋدى ءبىرىنشى رەت جەتكىزۋشى بولدى. «الاۋدى قولىنا العان كەزدە، ناعاشى اپام دوڭگەلەكتى ورىندىققا وتىرۋعا كونبەي، 50 مەتر جەرگە ءوزى باياۋ جۇگىرىپ باردى»، — دەيدى لەي يۇڭ ەسكە العان كەزدە.
ليۋ تيان – يوۋ ۇنەمى: «ءارقانداي كەزدە دە ۇيىمعا اۋرەشىلىك سالۋعا بولمايدى»، — دەيتىن. لەي يۇڭنىڭ ايتۋىنشا، ءار جولى ناعاشى اپاسىن كورگەن سايىن، ناعاشى اپاسى قىزمەتتى تاباندىلىقپەن ىستەۋدى ونىڭ قۇلاعىنا قۇيىپ وتىرادى ەكەن.
يان – ان «1 – تامىز» قارتتا ءۇيى باستىعىنىڭ ورىنباسارى جاڭ باييانىڭ ايتۋىنشا، قارتتار ۇيىندەگى قارتتاردىڭ بارلىعى ۇنەمى وزدەرىنىڭ باستان كەشكەندەرىمەن بىرلەستىرە وتىرىپ، بۇل اراعا كەلگەندەرگە توڭكەرىستىك رۋح پەن ءداستۇر جونىندە ءتالىم – تاربيە بەرەدى ەكەن. بۇل جەر قارت قىزىل ارميا جاۋىنگەرلەرىنىڭ، ارميا قاتارىنان بوساعان قارتتاردىڭ قونىسى بولىپ قالماستان، يان – ان رۋحى مەن توڭكەرىستىك ءداستۇردى ساۋلەلەندىرەتىن ءتالىم – تاربيەنىڭ ماڭىزدى بازاسى ەسەپتەلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
