سۋ يگىلىگى مينيسترلىگىنىڭ باستىعى: قازىرگى تاسقىننان ساقتانۋدىڭ شەشۋشى مەزگىلىندە كورنەكتى 3 ءتۇيىندى مىقتى ۇستاۋ كەرەك
2019.08.07 15:29 كەلۋ قاينارى : حالىق تورابى
شينحۋا اگەنتتىگى، 8 – ايدىڭ 6 – كۇنى، بەيجيڭ (ءتىلشى: ليۋ شىپيڭ) مەملەكەتتىك تاسقىننان ساقتانۋ باس قولباسشىلىق شتابى باس جەتەكشىسىنىڭ ورىنباسارى، سۋ يگىلىگى مينيسترلىگىنىڭ باستىعى ى جيڭپيڭ 8 - ايدىڭ 6 – كۇنى تاسقىننان جانە قۋاڭشىلىقتان ساقتانۋ قىزمەتى جونىندە ورنالاستىرۋ جاساعاندا مىنانى باسا دارىپتەدى: قازىر ءدال «7 – ايدىڭ سوڭى مەن 8 – ايدىڭ باسىنداعى» تاسقىننان ساقتانۋدىڭ ءتۇيىندى مەزگىلى، ونىڭ ۇستىنە، جاز مەزگىلىندەگى ساياحاتتىڭ قاۋىرت كەزەڭى، سۋ يگىلىگى تاراۋلارى تاسقىننان ساقتانۋ جاعىنداعى حاۋىپسىزدىك سىندى قىزمەتتى مىقتى ۇستاپ، حەيلۇڭجياڭ وزەنى مەن سۇڭحۋاجياڭ وزەنىندەگى تاسقىننان ساقتانۋ سىندى ءۇش ءتۇيىندى قىزمەتتى ايرىقشا جاقسى ىستەۋى كەرەك.
— باتىس وڭتۇستىك وڭىرلەردەگى تاسقىن اپاتىنان ساقتانۋ جانە تاسقىن مەزگىلىندە سۋ قويماسىنىڭ حاۋىپسىز بولۋىنا كەپىلدىك ەتۋ قىزمەتىن مىقتى ۇستاۋ. تاسقىن اپاتىن باقىلاۋ جانە ودان الدىن - الا سەگنال بەرۋدى كۇشەيتىپ، جاۋىن – شاشىن قاتتى جاۋاتىن وڭىردەگى ورتاشا – شاعىن سۋ قويمالارىن 24 ساعات بويى شارلاپ قاداعالاۋ شاراسىن تياناقتاندىرىپ، حاۋىپتى جاعداي بايقالسا دەرەۋ ۇقتىرىپ، تومەنگى اعارداعى جۇرتشىلىقتى كوشىرىپ، قاتەردەن اراشالاۋ، حالىق جۇرتشىلىعىنىڭ ءومىرىنىڭ حاۋىپسىزدىگىنە كەپىلدىك ەتۋ كەرەك. ءۇش قىساڭ، دانجياڭكوۋ، شياۋلاڭدي قاتارلى سۋ قويمالارىندا تاسقىن سۋىنىڭ مولشەرىن تەڭشەپ، تاسقىن مەزگىلىندە حاۋىپسىز بولۋىنا كەپىلدىك ەتۋ كەرەك.
— حەيلۇڭجياڭ جانە سۇڭحۋاجياڭ وزەندەرىندە تاسقىننان ساقتانۋدى مىقتى ۇستاۋ. حەيلۇڭجياڭ وزەنىنىڭ ورتا اعارىنداعى نەگىزگى ارنادا سۋ دەڭگەيىنىڭ ساقتىق سىزىعىنان اسقانىنا 8 كۇن بولدى، تۇڭجياڭنان فۋيۋانجياڭ بولەگىنە دەيىن ارت – ارتىنان حاۋىپسىزدىك سىزىعىنان اسىپ كەتۋدە، شۇعىل جاعدايلارعا توتەپ بەرۋ تاراۋلارى مەن قاتىستى ورىندار كەمەردى شارلاپ، حاۋىپتى جاعدايلاردى تەكسەرۋ قىزمەتىن شىنايى، ويداعىداي ىستەۋى كەرەك. سۇڭحۋاجياڭ الابىندا جاۋىن – شاشىن ۋاقىتى ۇزاق بولدى، وزەننىڭ كوپتەگەن تارماقتارىندا سۋ دەڭگەيى تاسقىننىڭ ساقتىق سىزىعىنان استى، سۇڭحۋاجياڭ وزەنىنىڭ تومەنگى اعارىنداعى نەگىزگى ارنانىڭ سۋ دەڭگەيى ۇزدىكسىز جوعارىلاۋدا، باقىلاۋ جانە ساقتىق سەگنالىن بەرۋ، سۋ ينجەنەريالارى ارقىلى تەڭشەۋ جانە سۋ قويمالارىنىڭ تاسقىن مەزگىلىندە حاۋىپسىز بولۋىنا كەپىلدىك ەتۋ قىزمەتىن شىنايى دا ويداعىداي ىستەۋ كەرەك.
— الداعى مەزگىلدەگى تايفىڭ داۋىلى مەن نوسەردەن ساقتانۋدى ويداعىداي مىقتى ۇستاۋ كەرەك. بيىلعى 9 – ءنومىرلى «لەكيما» اتتى تايفىڭ ەلىمىزگە تاياپ كەلەدى، كۇشەمەلىلىگى دە بارعان سايىن ارتۋدا. تايفىڭنىڭ باسىپ وتەتىن جولىن جاپپاي قاداعالاپ، تايفىڭنىڭ قۇرلىققا ءىلىنۋى بارىسىندا تۋىندايتىن نوسەردەن ساقتانۋعا تولىق دايىندىق جاساۋ، وزەندەردەگى تاسقىننىڭ جاعدايىنا نەگىزدەلە وتىرىپ، باعىتتامالى تۇردە ورنالاستىرۋ جاساۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
