استىقپەن ءوزىمىزدى قامداۋعا قۋاتىمىز جەتەدى (جۇڭگونىڭ ەكونوميكاسىن جان – جاقتى اڭگىمە ەتكەندە)
ــ استىقپەن قامداۋ قۋاتىنا قالاي قاراۋ كەرەك
«حالىق گازەتىنىڭ» تىلشىلەرى جاۋ يۇڭپيڭ، گۋ جۇڭياڭ، چاڭ چين، شىن شاۋتيە
2019.08.07 15:42 كەلۋ قاينارى : حالىق تورابى
«ەگىس ماشينالارى اۋرەشىلىكتەن ارىلتتى، ەگىس جۇمىستارىن ولشەمدەندىرىپ ىستەيمىز، باپتاۋ جۇمىستارىنىڭ دالدىگى جوعارى، كۇزگى استىقتىڭ ءونىم مولشەرى دە تومەن بولمايدى!» جازعى استىقتان مول ءونىم الىندى، ءبيداي استىق قامباسىنا داعارلاپ قۇيىلدى، انحۇي ولكەسى حۋاييۋان اۋدانى شۇييۇي قىستاعىنداعى استىق ەگەتىن ءىرى وتباسى مۇشەسى شاڭ يۋە جازعى داقىلدىڭ ورنىنا ۋاقىتتان ۇتىپ جۇگەرى ەكتى. اتىزداعى جايقالا وسكەن مايساعا كوز جىبەرگەن ول ىشتەي ايرىقشا شاتتاندى.
چاڭجياڭنىڭ وڭتۇستىگىندەگى بالىق، كۇرىش مەكەنىنەن ورتا جازىقتىڭ بايتاق دالاسىنا، ونان شىعىس سولتۇستىكتەگى قارا توپىراقتى القاپقا دەيىن ەگىنشىلەر ۋاقىت مەزەتى بويىنشا قاجىرلىلىقپەن ەڭبەك ەتۋدە، استىق ءوندىرىسى ءبىر بۋىننان ءبىر بۋىنعا، ءبىر مەزگىلدەن ءبىر مەزگىلگە جالعاسۋدا.
استىق كاسىبىنىڭ وزگە كاسىپتەرگە ۇقسامايتىن وزگەشەلىگى بار. بەينە، باس شۋجي شي جينپيڭ اتاپ كورسەتكەندەي: «ءبىر ميللياردتان استام حالىقتىڭ تاماق ماسەلەسىن ويداعىداي شەشۋ باستان - اياق پارتيامىزدىڭ ەل باسقارۋداعى ماڭداي الدى ءىرى ءىسى سانالادى»، «جۇڭگولىقتار ءارقانداي مەزگىلدە استىقپەن ءوزىن - ءوزى قامداۋى كەرەك»، «ءبىزدىڭ داستارقانىمىزدان نەگىزىنەن جۇڭگو استىعى ورىن الۋى كەرەك».
پارتيانىڭ 18 - قۇرىلتايىنان بەرى ءبىز «ءوزىمىزدى نەگىز ەتۋ، ەل ءىشىن تياناق ەتۋ، ءوندىرىس قۋاتىنا كەپىلدىك ەتۋ، ۇيلەسىمدى يمپورت ەتۋ، عىلىم - تەحنيكالىق تىرەك بولۋ» سىندى مەملەكەتتىڭ استىق حاۋىپسىزدىگى ستراتەگياسىندا تاباندى بولىپ، بۇكىل ەل بويىنشا استىقتان جىل سايىن مول ءونىم الىپ وتىردىق، جالپى ءونىم مولشەرى باستان - اياق ءبىر تريلليون 200 ميلليارد جىڭنان استى. ءار ءتۇرلى حاۋىپ - قاتەر مەن سىن - سايىسقا توتەپ بەرۋدە ىرىقتى ورىنعا شىقتىق.
قازىر اۋىل شارۋاشىلىق ءوندىرىسىنىڭ وزىندىك قۇنى جوعارىلاپ، حالىقارالىق بازاردا تۇراقسىزدىق كوبەيدى، ونىڭ ۇستىنە استىق ءوندىرىسى ءۇرتىس جوعارى ورەدە اينالىمعا ءتۇستى. ەندەشە، استىق ءوندىرىسىنىڭ تەبىنى ءالى دە جەتكىلىكتى مە؟ استىقپەن قامداۋ قۋاتى قامتاماسىزداندىرىلا ما؟ وسى ماسەلەلەر جونىندە تىلشىلەر تەكسەرۋ جۇرگىزىپ، تىلشىلىك ىستەدى.
ءونىم مولشەرىنە كوز جىبەرسەك، ءىرى ەل استىق قامباسىنىڭ نەگىزى بەكەمدەلىپ، استىقتىڭ جالپى ءونىمى تىڭ ساتىعا كوتەرىلدى
«اۋزى اسقا جارىماۋ» ءجايتى ءوتىپ كەتتى، دەسە دە، جاڭا ماسەلەلەر ارت - ارتىنان جارىققا شىعىپ وتىردى: سوڭعى جىلداردان بەرى ءبىر جاعىنان، استىق سۇرانىمى قاۋىرت ارتتى، ەندى ءبىر جاعىنان، جالپى ءونىم، قامبادا ساقتاۋ، يمپورت مولشەرى سىندى ءۇش كورسەتكىش قاتار ارتتى، جىل سايىن مول ءونىم الىپ وتىرساق، نە ءۇشىن استىق يمپورت ەتەمىز، استىق كاسىبىن قايتكەندە اناعۇرلىم ورنىقتىرا الامىز؟
«لايىقتى يمپورت ەتۋدەگى ماقسات − ارتىق - كەمىن رەتتەپ، ەل ىشىندەگى اۋىل شارۋاشىلىق بايلىعىنىڭ قىسىمىن ۇتىمدى جەڭىلدەتۋ». اۋىل شارۋاشىلىعى، اۋىل – قىستاق مينيسترلىگىنىڭ مينيسترى حان چاڭبين بىلاي دەدى: «ءبىز مىنانى كورە ءبىلۋىمىز كەرەك: دۇنيە جۇزىندەگى استىقتىڭ جىلدىق ساۋدا مولشەرى 400 ميلليون توننا اينالاسىندا، بۇل ەلىمىزدىڭ تۇتىنۋ مولشەرىنىڭ 3/2 بولەگىن عانا ۇستايدى، ءبىر ميللياردتان استام استىق يمپورتىنا سۇيەنىپ كۇن كورە المايدى. جۇڭگولىقتاردىڭ تاماق ماسەلەسىن ويداعىداي شەشۋ ءۇشىن، ەل ءىشىن تياناق ەتۋدە تاباندى بولىپ، <استىقپەن نەگىزىنەن ءوزىن - ءوزى قامداۋعا، ىشەر استىقتىڭ مۇلدە حاۋىپسىز بولۋىنا> كەپىلدىك ەتۋ كەرەك».
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
