بەرەكەنىڭ كۋاسىنداي بايىرعى بۇيىمدار (ايبىندى 70 جىل، جاڭا داۋىردەگى كۇرەس — ءتىلشىنىڭ ۇزاق جورىق جولىمەن قايتالاي ساپارلاۋى)
حالىق گازەتىنىڭ ءتىلشىسى گۇڭ شىجياننىڭ فوتوسۋرەتتى حابارى
2019.08.08 14:09 كەلۋ قاينارى : حالىق تورابى
سۋرەتتە: جاڭ شين قىزىل ارميا اتاسىنا ۇسىنعان ەر – تۇرماندى كورسەتۋدە.
شانشيدىڭ سولتۇستىگىندەگى ۋچي اۋدانى ياڭچىڭزى قىستاعىنىڭ تۇرعىنى جاڭ شين كەزدەسكەن جەردەن ءتىلشىنى اۋلاسىنداعى اق ۇيەڭكىنىڭ ساياسىنا باستاپ، اتاسى جاڭ شيانجيە مەن قىزىل ارميانىڭ قازانى جانە ەر – تۇرمانى جايىنداعى حيكايالاردى اڭگىمەلەدى.
1935 – جىلى 10 – ايدىڭ 18 – كۇنى ورتالىق قىزىل ارميانىڭ بەلگىلى قوسىنى ديڭبيان اۋدانى بايما جىلعاسى ارقىلى بۇگىنگى ۋچي اۋدانىنداعى جاڭحۋچاعا جەتىپ، تيەبيانچىڭداعى شيچۋان وزەنىن بويلاي شىعىسقا بەتتەپ، تۇستەن كەيىن تيەبيانچىڭعا جەتەدى.
10 – ايدىڭ 19 – كۇنى قاس قارايىپ قالعان شاقتا، ۋچي قالاشىعىنان 5 كيلومەتر قاشىقتىقتاعى توۋداۋ وزەنى بويىنداعى داۋشۇيۋان قىستاعىنىڭ تۇرعىنى جاڭ شيانجيە قىستاققا قىزىل ارميانىڭ كەلگەنىن بايقايدى. جاڭ شين تىلشىگە: اتامنىڭ ايتۋىنشا، قوسىننىڭ سول كەزدەگى جاعدايى مۇشكىل ەكەن، جاۋىنگەرلەردىڭ كيىم – كەشەكتەرى مەن اياق كيىمدەرىنىڭ توزىعى جەتكەن، كەيبىرەۋىنىڭ اياعى مەن باقايلارىنان قان تامىپ تۇرعان، ولار دالادا تۇنەيتىن، توسەك - ورىن، شاتىر دەگەن بولماعان، سوندا دا جۇرتشىلىقتىڭ ۇيىنە باس سۇقپاعان، — دەيدى.
تاماق ىستەيتىن ۋاقىت بولعاندا، قوسىنداعى ءبىر كادر جاڭ شيانجيەنىڭ ۇيىنە كەلىپ، تاماق جاسايتىن قازاننىڭ جەتىسپەي جاتقانىن ايتىپ، ۋاقىتتىق ىستەتە تۇرۋعا قازان – اياق بەرە تۇرۋدى سۇراعان. جاڭ شيانجيە ۇيىندەگى سۋ كۇبىسى مەن فارفور تەگەنەسىن ولاردىڭ ىستەتە تۇرۋىنا بەرگەن. ناتيجەدە كۇبى مەن تەگەنە وتتىڭ جالىنىنان سىزاتتانىپ قالعان. قوسىنداعى كادر قوياردا قويماي 2 يۋان تولەم تولەپ، ولار قابىلداماسا كەتپەي قويعان.
«قوسىن اتتانار الدىندا، اتامنىڭ ۇيىندە ەر – تۇرمانسىز اتتىڭ بايلاۋلى تۇرعانىن كورگەن كادر اتاما ءبىر ەر - تۇرمان سيلاعان»، — دەيدى جاڭ شين جەر تولەدەن ۇزاق جىل ساقتاعان ەردى ەپپەن الىپ شىعىپ. كۇن ساۋلەسى استىندا اعاش ەردىڭ سىرى وشكىندەگەن، قولادان جاسالعان ۇزەڭگىسى جالت – جۇلت ەتىپ، ءبىر – بىرىنە سوعىلىپ سىڭعىرلايدى.
«قىزىل ارميا شايقاس جۇرگىزگەندە، حالىققا ارقا سۇيەگەن». ورتالىق قىزىل ارميانىڭ ۇزاق جورىق جەڭىسى ەسكەرتكىش سارايىندا ءتۇسىندىرۋشى جاڭ شياۋفاڭ ساياحاتشىلارعا قىزىل ارميانىڭ قازانى جونىندە اڭگىمەلەدى. «بۇل اڭگىمە قىزىل ارميا مەن حالىق جۇرتشىلىعىنىڭ بالىق پەن سۋداي ەتەنە بايلانىستا بولعانىن جاندى ايگىلەيدى. بۇكىل ىنتا – پەيىلىمەن حالىق ءۇشىن قىزمەت ىستەۋ سىندى باستى ماقساتتان اۋىتقىماي، شىنايى بۇقارالىق لۋشيانعا سۇيەنگەندىكتەن، ۇزاق جورىقتى باستان كەشىرگەن قىزىل ارميا قوسىنى ەڭ سوڭىندا جەڭىسكە قول جەتكىزدى».
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
