وتىز ءۇش قىزىل جۇلدىز حيكايا شەرتەدى (ايبىندى 70 جىل، جاڭا داۋىردەگى كۇرەس — ءتىلشىنىڭ ۇزاق جورىق جولىمەن قايتالاي ساپارلاۋى)
حالىق گازەتىنىڭ ءتىلشىسى ليۋ شۋۋىننىڭ فوتو سۋرەتتى حابارى
2019.08.09 15:16 كەلۋ قاينارى : حالىق تورابى
لاۋشان شايقاس قاھارماندارى قابىرىستاندىعىنداعى داڭقتى
قاھارماندار ەسىمدىگى سامالدىعى.
جاسىل جەلەك جامىلعان اسقار تاۋ، سايالى ورمان، شانشي ولكەسى يان – ان قالاسى گانچۋان اۋدانىنداعى لاۋشان شايقاس قاھارماندارى قابىرىستاندىعىنا 33 قىزىل ارميا جاۋىنگەرىنىڭ قابىرى قاتارلاسا ورنالاستىرىلعان، ءاربىر قابىردىڭ الدىندا بەس جۇلدىزدى قىزىل تۋ ويىلعان قۇلىپتاس بار، قۇلىپتاسقا ادامنىڭ اتى – ءجونى جازىلماعان.
بۇل 33 قىزىل ارميا جاۋىنگەرىنىڭ قابىرى قىزىل ارميا 15 – كورپۋسىنىڭ قۇرىلعاننان كەيىنگى تۇڭعىش رەتكى «قورشاپ جويۋعا» قارسى شايقاستاعى ەرلىگىن باياندايدى.
1935 – جىلى 7 – ايدا گومينداڭ كەرتاتپاشىلارى 100 مىڭنان استام اسكەردى توپتاپ، شانشي ولكەسىندەگى توڭكەرىستىك بازاعا 5 جولمەن «قورشاپ جويۋدى» باستايدى. 9 – ايدىڭ 15 – كۇنى حۋبەي – حىنان – انحۇي بازالارىنداعى قورشاۋدى بۇزعان قىزىل ارميا 25 – قوسىنى يانچۋان اۋدانى يۇڭپيڭ قالاشىعىنا جەتىپ، قىزىل ارميا 26 – قوسىنى، قىزىل ارميا 27 – قوسىنى وڭتۇستىككە ويىسىپ، يۇڭپيڭدا قىزىل ارميا 25 – قوسىنىمەن باس قوسادى، ءۇش قوسىن بىرىكتىرىلىپ، قىزىل ارميا 15 – كورپۋسى بولىپ قۇرىلادى، شۇي حايدۇڭ كورپۋس باستىعى، چىڭ زىحۋا ساياسي كوميسسار، ليۋ جىدان كورپۋس باستىعىنىڭ ورىنباسارى ءارى ساياسي كوميسسارى بولىپ تاعايىندالادى، اسكەر سانى 7000نان استام بولادى. قىزىل ارميا 15 – كورپۋسى قۇرىلعان سوڭ، قىسقا مەرزىمدىك تىنىعۋدان سوڭ، «قورشاپ جويۋعا» قارسى كۇرەسكە اتتانادى.
«شۇي حايدۇڭ، ليۋ جىدان باستاعان قوسىن لاۋشاندا جەر جاعدايىن تەكسەرىپ كورىپ، ‹قالانى قورشاۋعا الىپ، كومەككە كەلگەن جاۋدى جويۋ› تاكتيكاسىن قولدانۋدى ماقۇلدايدى، يان – اندى باقىلاپ جاتقان جاۋدى گانچۋانعا كومەككە اتتانۋعا شىرعالاپ، جاۋ كۇشىن جول ۇستىندە جويادى». گانچۋان اۋداندىق پارتيا تاريحى كەڭسەسىنىڭ بۇرىنعى مەڭگەرۋشىسى شى يۇنلوۋدىڭ تانىستىرۋىنشا، 9 – ايدىڭ 28 – كۇنى قىزىل ارميا 15 – كورپۋسى مەن جەرگىلىكتى پارتيزان قوسىن گانچۋان اۋدانىن قورشاۋعا العان. 9 – ايدىڭ 29 – كۇنى قىزىل ارميا 15 – كورپۋسى لاۋشاننىڭ وڭتۇستىگى مەن بايتۋپو اراسىنداعى ەكى تاۋدىڭ بەتكەيىنە داعارمەن شەپ قۇرىپ، اسكەرلەردى جاسىرىن ورنالاستىرىپ، گومينداڭ ارمياسىمەن شايقاسۋدى كۇتەدى.
«وسىلاي بولعانىمەن، شايقاس توتەنشە سۇراپىل بولدى، جاۋدىڭ قارۋ – جاراقتارى قىزىل ارميامەن سالىستىرعاندا الدە قايدا وزىق بولاتىن، قىزىل ارميادان جارالانعاندار قازا بولعانداردىڭ سانى كوپ بولدى»، — دەيدى گانچۋان اۋداندىق پارتيا مەكتەبى باستىعىنىڭ ورىنباسارى ۋەي يانحۇڭ، — «الايدا قىزىل ارميا جاۋىنگەرلەرى تارتىپكە قاتاڭ بويسۇنىپ، حاۋىپ – قاتەردان قورىقپادى، كەيبىرەۋى دەنەسىنە نەشە جەردەن وق تيسە دە اتويلاپ الدا ءجۇردى، كەيبىرەۋىنىڭ بىلەگى ءۇزىلىپ كەتسە دە شايقاستى جالعاستىردى، وسىنداي رۋحتىڭ ارقاسىندا ولار شايقاستا جەڭىسكە جەتتى».
«لاۋشان شايقاسىنىڭ جەڭىسى جاۋدىڭ شانشي – گانسۋ توڭكەرىستىك بازاسىنا جۇرگىزگەن ءۇشىنشى رەتكى ‹قورشاپ جويۋىن› تاس – تالقان ەتتى، بۇل شايقاس شانشي – گانسۋ توڭكەرىستىك بازاسىن بەكەمدەۋ مەن كەڭەيتۋدە ماڭىزدى ءمان الادى»، — دەيدى شى يۇنلوۋ،ول: شايقاس بارىسىندا قۇربان بولعان قىزىل ارميا جاۋىنگەرلەرىنىڭ كوبىنىڭ اتى - ءجونى بەلگىسىز، ولار جاس عۇمىرلارىمەن توڭكەرىستى قورعاپ، توڭكەرىستىك بازانى ساقتاپ قالدى، — دەپ تانىستىردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
