ەتەنە بايلانىستىڭ ايعاعى بولعان ەكى قالتا كۇرىش (ايبىندى 70 جىل، جاڭا داۋىردەگى كۇرەس — ءتىلشىنىڭ ۇزاق جورىق جولىمەن قايتالاي ساپارلاۋى)
حالىق گازەتىنىڭ ءتىلشىسى جۋ لەي، ليۋ فىڭ
2019.08.12 15:35 كەلۋ قاينارى : حالىق تورابى
سۋرەتتە: نيڭشيا شيجي اۋدانى شيڭلۇڭ قالاشىعى دانجياجي قىزىل ارميا ۇزاق جورىق ەسكەرتكىشى. حالىق گازەتىنىڭ ءتىلشىسى ليۋ فىڭ فوتوسى
قىزىل ارميانىڭ ۇزاق جورىعىنداعى ءىشىنارا تاريحي ىستەردىڭ وتكەنىنە ۇزاق ۋاقىت بولسا دا، ۋاقىت وتكەن سايىن ايقىندالىپ، جۇرت كوڭىلىن جەلپىندىرە تۇسەدى.
مىسالى، ەكى قالتا كۇرىشتىڭ اڭگىمەسى.
ۇزاق جورىق بارىسىندا، ازىق – تۇلىك التىننان دا قىمبات بۇيىم سانالاتىن. ماۋ زىدۇڭنىڭ تۇرمىستىق كۇتىمىنە جاۋاپتى قورعاۋشى چىن چاڭفىڭ شۇعىل جاعدايدىڭ تۋىلۋىنان ساقتانۋ ءۇشىن جياڭشيدەگى سوۆەتتىك رايوننان جولعا شىققان كەزدە ءۇش قالتا كۇرىش الا شىعادى، ونىڭ ءبىر قالتاسىن گۇيجوۋدا قايىر تىلەگەن مياۋزۋ قارتقا بەرەدى، قالعان ەكى قالتا كۇرىشتەن ەكى ەلى ايىرىلماي ارقالاپ جۇرەدى.
1935 – جىلى 9 – ايدا قىزىل ارميا ءبىرىنشى قوسىنى مەن ءۇشىنشى قوسىنى جانە اسكەري ىستەر كوميتەتىنىڭ كولونناسى سولتۇستىككە بەتتەپ، گانسۋ شيگۋ حادافۋعا جەتىپ، سول ارادا شانشي – گانسۋ بولىمشە قوسىنى بولىپ وزگەرتىلىپ قۇرىلادى. وسىدان سوڭ قوسىن تۇڭۋەي اۋدانى قالاشىعىنا ورنالاسادى. قالتاداعى كۇرىشتىڭ بارعان سايىن ازايا باستاعانىن كورگەن چىن چاڭفىڭ بوساپ قالعان كۇرىش قالتاسىن قالاي تولتىرسام ەكەن دەپ ويلايدى.
10 – ايدىڭ 5 – كۇنى قىزىل ارميا شانشي – گانسۋ بولىمشە قوسىنىنا قاراستى 3 كولوننا گانسۋ جيڭنيڭ جيەشىپۋ ارقىلى نيڭشيا گۋيۋانعا كىرىپ، شانشيدىڭ سولتۇستىگىنە قاراي ۇزدىكسىز ۇدەرە تارتىپ، شيجي اۋدانى شيڭلۇڭ قالاشىعىنىڭ دانجياجي دەگەن جەرىنە تۇستەنەدى. جولعا شىعاردا قوسىن قاتاڭ بۇيرىق شىعارىپ، جەرگىلىكتى ورىننىڭ سالت – سانا، ادەت – عۇرپىن ءسوزسىز قۇرمەتتەۋدى تالاپ ەتەدى. قىستاققا كىرگەننەن كەيىن قىزىل ارميا بۇقارالىق تارتىپكە قاتاڭ بويسۇنادى. اتتانار كەزدە اسكەرلەر اۋلالاردى تاپ – تازا ەتىپ سىپىرىپ، العان زاتتارىن بىردە – ءبىرىن كەمىتپەي قايتارىپ بەرەدى، بۇلىنگەندەرىن باعاسى بويىنشا تولەيدى. قىزىل ارميا جاۋىنگەرلەرى ساپقا ءتىزىلىپ جۇرمەكشى بولعاندا جەرگىلىكتى جۇرتشىلىق جول شەتىنە شاي، پراندىك، جەمىس – جيدەكتەرىن ءتىزىپ، قۇرمەتپەن ساۋعا ۇسىنىپ، قيماستىقپەن اتتاندىرىپ سالادى.
تارام – تارام ساي - سالالى، قۇلازىعان قۇنارسىز سارى توپىراقتى ۇستىرتتە جۇرت تابيعاتتىڭ رايىنا قاراي تىرشىلىك ەتەدى، زاتتىق شارت – جاعدايى توتەنشە تاپشى. الايدا قىزىل ارميا كەلدى، جاناشىر جاقىندار كەلدى، اۋىلداستار تۇندەلەتە قوي ەتى، بۋ نان قاتارلى ازىق – تۇلىكتەردى دايىنداپ اكەلدى.
شيجي اۋداندىق مادەنيەت ءۇيىنىڭ باستىعى لۋ چىڭساي بىلاي دەپ تانىستىردى: ارميانىڭ ساپارى بارىسىندا، ماۋ زىدۇڭ چىن چاڭفىڭنىڭ ەكى قالتاعا تولتىرعان كۇرىش ارقالاپ كەلە جاتقانىن كورىپ: «چىن چاڭفىڭ، نە ارقالاپ كەلە جاتىرسىڭ؟» — دەپ سۇرايدى. «قويدىڭ سيراعى، مومى ... ءبارى دە جەرگىلىكتى جۇرتتىڭ دايىنداعانى. ءبىراق، مەن تارتىپكە قايشى كەلگەن جوقپىن، بارىنە باعاسى بويىنشا اقى تولەدىم»، — دەيدى چىن چاڭفىڭ.
10 – ايدىڭ 5 – كۇنى شيجيعا قادام تاستاعاننان 10 – ايدىڭ 9 – كۇنى پىڭياڭعا اسكەر شىعارعانعا دەيىن، قىزىل ارميا شانشي – گانسۋ بولىمشە قوسىنى گۋيۋاندا 5 كۇن 4 ءتۇن بولدى. قوسىن پارتيانىڭ ساياساتىن قاتاڭ اتقارىپ، جەرگىلىكتى جۇرتشىلىقتىڭ قولداپ – قۋاتتاۋىنا يە بولىپ، ۇزاق جورىقتاعى ەڭ سوڭعى بيىك تاۋ — ليۋپانشان تاۋىنان ءساتتى اسىپ، شانشيدىڭ سولتۇستىگىنە ءساتتى جەتتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
