بۇكىل ەلدەگى قوعام حاۋىپسىزدىگى ورگاندارى زاڭسىز مىلتىق، جارىلعىش زاتتاردى شوعىرلى، ءبىر تۇتاس جيناپ جويدى
قوعام حاۋىپسىزدىگى مينيسترلىگى مىلتىق، جارىلعىش زاتتار قىلمىسىنا سوققى بەرۋدەگى 10 ءىرى دەلونى جاريالادى
2019.08.13 16:27 كەلۋ قاينارى : حالىق تورابى
«حالىق گازەتى»، 8 – ايدىڭ 12 – كۇنى، ۋ – حان (ءتىلشى تيان دۋدۋ). 8 – ايدىڭ 12 – كۇنى قوعام حاۋىپسىزدىگى مينيسترلىگى بۇكىل ەلدەگى قوعام حاۋىپسىزدىگى ورگاندارىن ۇيىمداستىرىپ ۋ – حان قاتارلى 154 قالادا «زاڭسىز مىلتىق، جارىلعىش زاتتاردى جويۋ، حاۋىپ – قاتەردى الاستاۋ، مەملەكەت مەرەكەسى كەزىندەگى اماندىققا كەپىلدىك ەتۋ، حالىقتىڭ تىنىش تۇرمىسىن قورعاۋ» نەگىزگى تاقىرىبىنداعى زاڭسىز مىلتىق، جارىلعىش زاتتاردى شوعىرلى، ءبىر تۇتاس جويۋ قيمىلىن ءبىر ۋاقىتتا ورىستەتىپ، وتكەن جىلدان بەرى بۇكىل ەلدەگى قوعام حاۋىپسىزدىگى ورگاندارى جيناپ العان جانە بۇقارا جوعارىعا ىرىقتىلىقپەن تاپسىرعان گاز مىلتىق، اۋ مىلتىعى سياقتى 107 مىڭ دانا زاڭسىز مىلتىقتى جانە قىرۋار وق - ءدارى، مينا تۇتىكشەسى سياقتى جارىلعىش زاتتاردى شوعىرلى، حاۋىپسىز جويدى.
2018 - جىلى 2 - ايدا قوعام حاۋىپسىزدىگى مينيسترلىگى باس بولىپ، 24 تاراۋ قاتىناسقان مىلتىق، جارىلعىش زاتتار زاڭسىز قىلمىستارىنا سوققى بەرۋ، جونگە سالۋ جونىندەگى تاراۋلار ارا بىرىككەن ءماجىلىس قۇرىلدى، ماجىلىستە 2 جىلدىق مىلتىق، جارىلعىش زاتتار زاڭعا قايشى قىلمىستىق ارەكەتتەرىنە سوققى بەرۋ، جونگە سالۋ ارناۋلى ارەكەتىن ورىستەتۋ ورنالاستىرىلدى. بيىل جىل باسىنان بەرى بۇكىل ەل بويىنشا مىلتىققا، جارىلعىش زاتتارعا ساياتىن 16 مىڭ دەلو اشكەرەلەندى، 163 توپ، 117 اپان تالقاندالدى، 17 مىڭ قىلمىس كۇدىكتىسىنە سوققى بەرىلدى. سوققى بەرىپ، جونگە سالۋ ارقىلى 1 – ايدان 7 - ايعا دەيىن بۇكىل ەل بويىنشا مىلتىق ۇستاۋ، قوپارىلىس تۋدىرۋ قىلمىستارىنىڭ جالپى سانى وتكەن جىلدىڭ ۇقساس مەزگىلىندەگىدەن %20 تومەندەدى.
بۇقارانى تولىق اتتانىسقا كەلتىرۋ، بۇقاراعا مىقتاپ سۇيەنۋ ــ قارۋ - جاراققا قاتىستى زاڭعا قايشى قىلمىستىق ارەكەتتەرگە سوققى بەرۋ جانە ونى جونگە سالۋ ارناۋلى كۇرەسىنىڭ ماڭىزدى كەپىلى. قازىرگە دەيىن بۇكىل ەلدەگى قوعام حاۋىپسىزدىگى ورگاندارى بۇقارانىڭ اشكەرەلەۋىنە ساي، مىلتىققا، قوپارعىش زاتتارعا ساياتىن ءبىر مىڭ 40 دەلونى تەكسەرىپ انىقتاپ، دەلوعا قاتىستى ءبىر مىڭ 165 ادامدى ۇستاپ، 500 مىڭ يۋاننان استام سيلىقتى ناقتىلاندىردى. بۇقارا جوعارىعا وزدىگىنەن تاپسىرعان، اشكەرەلەگەن، تاپسىرعان مىلتىق، جارىلعىش زاتتاردىڭ مولشەرى جيناپ الىنعان جالپى مولشەرىنىڭ %72 ىن ۇستادى.
«حالىق گازەتى»، 8 – ايدىڭ 12 – كۇنى، ۋ – حان (ءتىلشى تيان دۋدۋ). مىلتىققا، جارىلعىش زاتتارعا ساياتىن زاڭعا قايشى قىلمىستارعا سوققى بەرۋ، جونگە سالۋ ارناۋلى ارەكەتىنىڭ ستراتەگيالىق تابىسى مەن ونىمدىلىگىن تولىق ايگىلەپ، مىلتىققا، جارىلعىش زاتتارعا ساياتىن زاڭعا قايشى قىلمىسقا قاتاڭ سوققى بەرۋ، قاتاڭ جونگە سالۋ پوزيتسياسى مەن بەكىمىن بەينەلەۋ ءۇشىن، قوعام حاۋىپسىزدىگى مينيسترلىگى 8 – ايدىڭ 12 – كۇنى 2019 – جىلعى بۇكىل ەلدەگى قوعام حاۋىپسىزدىگى ورگاندارىنىڭ مىلتىق، جارىلعىش زاتتار قىلمىسىنا سوققى بەرۋىندەگى 10 ءىرى دەلونى قوعامعا جاريالادى.
1. جياڭشي ولكەسىنىڭ شينيۇي قالاسىندا مىلتىق، وق - ءدارىنى زاڭسىز جاساۋ، ساتۋ دەلوسى اشكەرەلەندى.
2. حۋبەي ولكەسىنىڭ ي – چاڭ قالاسىندا مىلتىق، وق - ءدارىنى زاڭسىز جاساۋ، ساتۋ دەلوسى اشكەرەلەندى.
3. حۋنان ولكەسىنىڭ حۋارۇڭ قالاسىندا توراپتا مىلتىق ساتۋ دەلوسى اشكەرەلەندى.
4. گۋاڭدۇڭ ولكەسىنىڭ شىنجىن قالاسىندا مىلتىق اتكەزشىلىگىمەن، زاڭسىز ساۋدالاۋمەن اينالىسۋ دەلوسى اشكەرەلەندى.
5. چۇڭچيڭنىڭ جيۋلۇڭپو دەگەن جەرىندە زاڭسىز مىلتىق جاساۋ دەلوسى اشكەرەلەندى.
6. سىچۋان ولكەسىنىڭ سۇينيڭ قالاسىندا ينفورماتسيا تورابىنان زاڭسىز پايدالانىپ مىلتىق ساۋدالاۋ دەلوسى اشكەرەلەندى.
7. حىبەي ولكەسىنىڭ باۋديڭ قالاسىندا جارىلعىش زاتتاردى زاڭسىز جاساپ ساتۋ دەلوسى اشكەرەلەندى.
8. سانشي ولكەسىنىڭ لۇيلياڭ دەگەن جەرىندە جارىلعىش زاتتاردى زاڭسىز جاساپ ساتۋ دەلوسى اشكەرەلەندى.
9. فۋجيان ولكەسىنىڭ فۋچيڭ قالاسىندا جارىلعىش زاتتاردى زاڭسىز جاساپ ساتۋ دەلوسى اشكەرەلەندى.
10. حىنان ولكەسىنىڭ دىڭفىڭ دەگەن جەرىندە جارىلعىش زاتتاردى زاڭسىز جاساپ ساتۋ دەلوسى اشكەرەلەندى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
