شانشي جاۋجين بەيلياڭ قىزىل ارميا باستاۋىش مەكتەبى
قىزىل گەندى ۇرپاقتان - ۇرپاققا جالعاستىرامىز (تاپسىرىقتى ەستە بەرىك ساقتاپ، ارمانعا قۇلاش سەرمەۋ − باس شۋجيدىڭ جاۋاپ حاتىن تاپسىرىپ العاننان كەيىن)
«حالىق گازەتىنىڭ» تىلشىلەرى ساۋ شۋلين، جاڭ دانحۋا، ۋ شان
2019.08.15 16:07 كەلۋ قاينارى : حالىق تورابى
قىستاقتاعى قارتتار سەندەرگە جاۋجيننىڭ توڭكەرىس تاريحىن ۇنەمى ايتىپ بەرەدى، سەندەر وسى توڭكەرىس مەكەنىن ماقتانىش ەتەسىڭدەر. سەندەردىڭ جۇڭگونىڭ توڭكەرىس، قۇرىلىس، رەفورما جونىندەگى تاريحي بىلىمدەرىن كوبىرەك تۇسىنۋلەرىڭدى، قاھارمان ۇلگىلەردەن كوبىرەك ۇيرەنۋلەرىڭدى، پارتيانى، وتاندى، حالىقتى قىزۋ سۇيۋلەرىڭدى، ءىس جۇزىندىك ارەكەت ارقىلى توڭكەرىستىك گەندى ۇرپاقتان - ۇرپاققا جالعاستىرۋلارىڭدى ءۇمىت ەتەمىن.
سەندەر بۇگىنگى باقىتتى تۇرمىسىمىز وڭاي - وسپاق قولعا كەلمەدى دەيسىڭدەر، بۇل ــ وتە جاقسى ايتىلعان ءسوز. سەندەردىڭ العىستى سەزىممەن ۋاقىتتى قاستەرلەپ، قۇلشىنا ۇيرەنىپ، بولاشاقتا مەملەكەتكە، حالىققا، قوعامعا جارامدى ادام بولۋلارىڭدى ءۇمىت ەتەمىن.
ــ شي جينپيڭ
«باس شۋجيدىڭ وسىنشاما تەز ارادا بىزگە جاۋاپ حات جازارىن ويلاماپپىن! باس شۋجي شي جينپيڭنىڭ جاۋاپ حاتىن تاپسىرىپ العان جاعدايدى ەسكە العاندا، شانشي ولكەسى تۇڭچۋان قالاسى ياۋجوۋ رايونى جاۋجين قالاشىعى بەيلياڭ قىزىل ارميا باستاۋىش مەكتەبىندەگى وقىتۋشى - وقۋشىلار كۇنى بۇگىنگە دەيىن ەرەكشە اسەرلەنەدى.
2018 - جىلى 5 - ايدا بالالار باس شۋجي شي جينپيڭگە حات جازىپ، توڭكەرىس تاريحىن ۇيرەنۋ اسەرى مەن مەكتەپتىڭ دامۋ، وزگەرۋ جاعدايىنان مالىمەت بەردى. ءبىر اپتادان كەيىن باس شۋجي شي جينپيڭ وقۋشىلارعا جاۋاپ حات قايتارىپ، ولاردى ۋاقىتتى قاستەرلەپ، قۇلشىنا ۇيرەنىپ، بولاشاقتا مەملەكەتكە، حالىققا، قوعامعا جارامدى ادام بولۋعا شابىتتاندىردى.
«ءبىز شي اتايعا حات جازايىق»
جاۋجين ــ شانشي - گانسۋ شەكارا رايونى توڭكەرىستىك بازاسىنىڭ ورتالىعى. وتكەن عاسىردىڭ 30 - جىلدارىندا ليۋ جىدان، شيە زىچاڭ، شي جۇڭشۇن قاتارلى اعا بۋىن پرولەتاريات توڭكەرىسشىلەرى وسى ارادا باتىس سولتۇستىك رايونداعى تۇڭعىش تاۋلى رايون توڭكەرىستىك بازاسىن ــ شانشي - گانسۋ شەكارا ءوڭىرى جاۋجين توڭكەرىستىك بازاسىن قۇردى. 1955 - جىلى قۇرىلعان بەيلياڭ قىزىل ارميا باستاۋىش مەكتەبىنىڭ بۇرىنعى ورنى بەيلياڭ قىستاعى چىنجياپو ءماجىلىسىنىڭ كونە جۇرتى ماڭىندا بولاتىن.
2000 - جىلى 6 - ايدا شي جۇڭشۇن جولداستىڭ زايىبى چي شين اجەي جاۋجينگە كەلەدى. بەيلياڭ قىزىل ارميا باستاۋىش مەكتەبى ساباقحاناسىنىڭ قاراپايىم، قۇرىلعىلارى كونە ەكەنىن كورگەن ول وتباسى مۇشەلەرىن جۇمىلدىرىپ 150 مىڭ يۋان جىلۋ اتاپ، بەيلياڭ قىزىل ارميا باستاۋىش مەكتەبىن كوشىرەدى.
2001 - جىلى حى شينچۇن بەيلياڭ قىزىل ارميا باستاۋىش مەكتەبىنە مەكتەپ باستىعى بولىپ الماسىپ كەلىپ، جاڭا مەكتەپ قۇرىلىسىنا جاۋاپتى بولادى. «سول جىلدارى چي شين اجەيدىڭ جىلۋعا اتاعان اقشاسىنىڭ ارقاسىندا بەيلياڭ قىزىل ارميا باستاۋىش مەكتەبى تىرشىلىك تىنىسىنا قايتادان يە بولدى». حى شينچۇن تانىستىرىپ بىلاي دەدى: وسىدان كەيىنگى 10 نەشە جىلدا پارتكوم مەن ۇكىمەتتىڭ جانە قوعامداعى ءار سالانىڭ كوڭىل ءبولۋى مەن قولداۋىندا مەكتەپتىڭ وقىتۋ شارت - جاعدايى ۇزدىكسىز جاقساردى.
جولعا قارا ماي توسەلدى، مەكتەپ وقۋشىلاردى تاسيتىن اۆتوكولىك الدى، كونە رايونداعى بالالاردىڭ وقۋعا ءتۇسۋى قيىنعا سوقپايتىن بولدى؛ مەكتەپكە قۇبىر سۋى جەتكىزىلىپ، وقىتۋشى - وقۋشىلار تازا اۋىز سۋ ىشەتىن بولدى؛ جوعارى جىلدىقتا وقيتىن وقۋشىلارعا جاتاق سالىندى، ولار ىستىق سۋمەن شومىلا الادى؛ مەكتەپ تاعى ءبىر توپ جاس وقىتۋشىنى جاڭادان قابىلدادى، ولاردىڭ ءبارى جوعارى مەكتەپ بىتىرگەندەر...
«مەكتەپتىڭ وزگەرىسى وسىنشاما زور، ءبىز شي اتايعا حات جازايىق! 2018 - جىلى 5 - ايدىڭ ورتا شەنىندە بەيلياڭ قىزىل ارميا باستاۋىش مەكتەبىنىڭ 2 - جىلدىعىنىڭ جانە 3 - جىلدىعىنىڭ وقۋشىلارى حات جازۋ ويىنا كەلدى. ولار حاتتا: « شي جينپيڭ اتاي، بىلەسىز بە؟ قازىر مەكتەبىمىز كورىكتەنىپ كەتتى! ونىڭ ۇستىنە، مەكتەبىمىز التىجىلدىق وقىتۋ تۇزىمىندەگى جۇيلى باستاۋىش مەكتەپكە اينالدى! ءبىز 4 – جىلدىققا ورلەگەندە الىسقا شابىلمايتىن بولدىق...»
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
