«حالىق تورابى شاڭحاي ديسني باقشاسىنا سۇراۋ قويادى» دەگەن تاقىرىپ توراپتاستاردىڭ قىزۋ تالقىسىن قوزعادى، ديسني باقشاسى ەڭ تەز بولعاندا بەس قىزمەت كۇنىندە جاۋاپ قايتاراتىندارىن ءبىلدىردى
2019.08.16 15:53 كەلۋ قاينارى : حالىق تورابى
حالىق تورابى، 8 - ايدىڭ 15 – كۇنى، بەيجيڭ. تاياۋدا شاڭحاي ديسني باقشاسىنىڭ ازىق – تۇلىك الىپ كىرۋگە تيىم سالۋ ءارى سومكەنى زورلىقپەن تەكسەرۋ، ەۆروپا – امەريكاعا، ازياعا قوس ولشەم قولدانۋ سياقتى ارەكەتتەرى توراپتاستاردىڭ قىزۋ تالقىسىن قوزعادى، حالىق تورابى 8 – ايدىڭ 13 – كۇنى «شاڭحاي ديسني باقشاسىنا سۇراۋ قويامىز: سومكە تەكسەرۋدە، قوس ولشەم قولدانۋدا قانداي نەگىزدەرىڭىز بار؟!» دەگەن ماقالانى جاريالادى، بۇل ماقالا ميكرو بلوگ، بايدۋ، sogou سياقتىلاردىڭ قىزۋ ىزدەۋ سالىنعان تاقىرىبىنا اينالدى. وسىدان كەيىن حالىق تورابىنىڭ ءتىلشىسى ا ق ش ديسني دەمالىس رايونى رەسمي توراپ بەكەتىنىڭ حات ساندىعى ارقىلى سومكە تەكسەرۋ، قوس ولشەم قولدانۋ سياقتى ماسەلەلەر جونىنەن سۇراۋ قويدى، قارسى جاقتىڭ حات ساندىعىنان: «بۇل ماسەلەگە ادەتتە 5 قىزمەت كۇنى ىشىندە جاۋاپ قايتارامىز» دەگەن جاۋاپ كەلدى.
ساياحاتشىلاردىڭ ازىق - تۇلىكتى باقشاعا الىپ كىرۋىنە تيىم سالىنعاندىقتان، ونىڭ ۇستىنە سومكەگە تەكسەرۋ جۇرگىزىلگەندىكتەن، شاڭحاي ديسني باقشاسى ۇستىنەن (تومەندە قىسقاشا «شاڭحاي ديسني» دەلىنەدى) تاياۋدا زاڭ عىلىمى كاسىبىنىڭ ءبىر ستۋدەنتى سوتقا ارىز بەردى. شاڭحايداعى ديسني بىلاي دەپ جاۋاپ بەردى: سىرتتان الىپ كىرەتىن ازىق - تۇلىك پەن سۋسىن جونىندەگى بەلگىلەمە جۇڭگونىڭ باسىم كوپ ساندى نەگىزگى تاقىرىپتىق مۋزىكا باقشالارىنىكىمەن جانە ديسنيدىڭ ازياداعى باسقا نىسانالى جەرلەرىنىكىمەن بىردەي. ا ق ش پەن فرانسيانىڭ ديسني باقشالارى تۇتىنۋشىلاردىڭ ازىق - تۇلىك الىپ باقشاعا كىرۋىنە تيىم سالماعاندىقتان، شاڭحايداعى ديسنيدىڭ جاۋابى جۇڭگولىق توراپتاستاردىڭ قىزۋ تالقىسىن قوزعادى.
«حاۋىپسىزدىكتى تەكسەرۋ مەن سومكانى اشىپ تەكسەرۋدىڭ ءمانى بىردەي ەمەس، سومكانى اشىپ تەكسەرۋ جەكە ادامنىڭ ۇقىق - مۇددەسىنە قول سۇققاندىق»، «سومكانى اشىپ تەكسەرۋ ساقشىلاردىڭ عانا ءىسى ەمەس پە؟ ساقشىلاردىڭ دا سومكانى الباتى اشىپ تەكسەرۋ ۇقىعى جوق»، «ديسنيدىڭ ءتىنتۋ ۇقىعى بار ما؟ كىم بەرگەن ۇقىق؟» كوپتەگەن توراپتاستار «سومكانى اشىپ تەكسەرۋدىڭ» زاڭعا ۇيلەسۋىنەن كۇدىكتەنىپ وتىر. ديسنيدىڭ ەۆروپا – امەريكاداعى باقشالارى مەن ازياداعى باقشالارىنىڭ «ازىق – تۇلىك الىپ كىرۋگە تيىم سالۋدا» قوس ولشەم قولدانۋىنا قاراتا كەيبىر توراپتاستار بۇل ازيالىقتاردى كەمسىتكەندىك دەپ قاراپ وتىر.
توراپتاستار جاپپاي كوڭىل ءبولىپ وتىرعان ءتۇيىندى ماسەلە جونىندە حالىق تورابىنىڭ ءتىلشىسى 6 – ايدىڭ 14 - كۇنى ا ق ش ديسني دەمالىس رايونى رەسمي تورابىنىڭ پوچتا ساندىعى ارقىلى سۇراۋ قويدى. قارسى جاقتىڭ حات ساندىعىنان كەلگەن جاۋاپ حاتتا بىلاي دەلىنگەن: سۇراقتى تاپسىرىپ الدىق، ادەتتە 5 قىزمەت كۇنى ىشىندە جاۋاپ قايتارامىز؛ ءسىز ورتاعا قويعان ماسەلەگە باسقا تاراۋلار ارالاسۋى مۇمكىن، سوندىقتان جاۋاپ قايتارۋ ۋاقىتى كەشەۋىلدەۋى مۇمكىن. جاۋاپ حات «Disneyland Ticketing» دەگەن اتپەن (ديسني باقشاسى بەلەت ىستەرى) كەلگەن. وسىدان كەيىن ءتىلشى 8 - ايدىڭ 15 - كۇنى تۇستەن بۇرىن شاڭحاي ديسني دەمالىس رايونىنىڭ رەسمي تورابىنداعى پوچتا ساندىعىنان ءمان - جاي ۇعىستى، حابار جولداۋعا دەيىن جاۋاپ كەلمەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
