«‹ءبىر بەلدەۋ، ءبىر جول› كولەمدى جەلىلەس كىتاپتارى — شينجياڭ جاقسى جەر» اتىنداعى اقپار جاريالاۋ جيىنى شاڭحايدا وتكىزىلدى
2019.08.19 14:47 كەلۋ قاينارى : حالىق تورابى
 |
جاڭا كىتاپ جونىندەگى اقپار جاريالاۋ جيىنىنىڭ ناق مايدانى
|
حالىق تورابى، 8 – ايدىڭ 16 – كۇنى، شاڭحاي (نۇرعيسا قۇرمانجان ۇلى) ورتالىق ۇلتتار ۋنيۆەرسيتەتى كىتاپحاناسى 8 – ايدىڭ 16 – كۇنى شاڭحاي كىتاپ كورمەسىندە «‹ءبىر بەلدەۋ، ءبىر جول› كولەمدى جەلىلەس كىتاپتارى — شينجياڭ جاقسى جەر» اتىنداعى جاڭا كىتاپ جايلى اقپار جاريالاۋ جيىنىن وتكىزدى ءارى سول كۇنى تۇستەن كەيىن تۋىندىلار جونىندەگى تالقى جيىنىن وتكىزدى.
ج ك پ ورتالىق كوميتەتى ۇگىت ءبولىمى باسپا مەكەمەسى باستىعىنىڭ ورىنباسارى شۇي جىڭميڭ، ورتالىقتىڭ شينجياڭعا قاتىستى قىزمەتتەردى سايكەستىرۋ گرۋپپاسى كەڭسەسىنىڭ ەكىنشى دارەجەلى شارلاۋشى قىزمەتكەرى ۋاڭ شين، مەملەكەتتىك ۇلتتىق ىستەر كوميتەتى مادەنيەت جانە ۇگىت ءبولىمى باستىعىنىڭ ورىنباسارى جۇڭ تيڭشيۇڭ، جۇڭگو اقپارات، باسپا ءسوز، مەديا توبى پارتكومى شۋجيىنىڭ ورىنباسارى، باس ديرەكتورى لي جۇڭ، جۇڭگو قوعامدىق عىلىمدار اكادەمياسى ۇلت عىلىمى جانە ادامزات عىلىمى زەرتتەۋ مەكەمەسى باستىعىنىڭ ورىنباسارى حۋاڭ شيڭ، مەملەكەتتىك باسپا ءسوز قورىن جوسپارلاۋدى باسقارۋ كەڭسەسى نىسان باسقارماسىنىڭ باستىعى حى حۇييۇي، جۇڭگو باسپا بىرلەستىگى باس حاتشىسىنىڭ ورىنباسارى شىن جيانلين، ورتالىق ۇلتتار ۋنيۆەرسيتەتى پارتكومى شۋجيىنىڭ ورىنباسارى، ءتارتىپ تەكسەرۋ كوميتەتىنىڭ شۋجيى ما ۋىنشي قاتارلى باسشىلار، قۇرمەتتى قوناقتار جانە جەلىلەس كىتاپتاردىڭ اۆتورلارى اقپار جاريالاۋ جيىنىنا قاتىناستى. ورتالىق ۇلتتار ۋنيۆەرسيتەتى باسپاسىنىڭ باستىعى ءارى باس رەداكتورى جاۋ شيۋچين جيىندى باسقاردى.
جاڭا كىتاپ جايلى اقپار جاريالاۋ جيىنىندا، جيىنعا قاتىناسقان قۇرمەتتى قوناقتار «‹ءبىر بەلدەۋ، ءبىر جول› كولەمدى جەلىلەس كىتاپتارى — شينجياڭ جاقسى جەر» كىتابىنىڭ مەملەكەتتىڭ ستراتەگياسى جونىندە قىزمەت ىستەپ، جۇڭگو حيكاياسىن ويداعىداي اڭگىمەلەۋ جاعىنداعى قۇلشىنىستارى مەن ۇمتىلىستارىنا جوعارى باعا بەردى، ورتالىق ۇلتتار ۋنيۆەرسيتەتى باسپاسىنىڭ ۇلتتىق باسپا سالاسىنداعى ماڭىزدى بازا رەتىندە ءار ۇلتتىڭ قارىم – قاتىناسىن، اۋىس – كۇيىسىن، توعىسۋىن كۇشەيتىپ، جۇڭگو ۇلتتارىنىڭ ورتاق تۇلعاسى تانىمىن بەكەمدەۋ ءۇشىن وسى جەلىلەس كىتاپتاردى مۇقيات جوسپارلاپ شىعارعانىن، وسى ارقىلى ورتالىق ۇلتتار ۋنيۆەرسيتەتى مەن ورتالىق ۇلتتار ۋنيۆەرسيتەتى باسپاسىنىڭ مەملەكەتتىڭ «ءبىر بەلدەۋ، ءبىر جول» دارىپتەمەسىنە ءۇن قوسۋ جاعىنداعى بەلسەندى رولىن تولىق ساۋلەلەندىرگەنىن، شينجياڭنىڭ جىبەك جولى ەكونوميكالىق بەلدەۋىندەگى وزەكتى ءوڭىر رەتىندە ورنىقتى دامۋىن ىلگەرىلەتۋدە مادەنيەت جاعىندا قۋاتتى تىرەك بولعانىن اتاپ كورسەتتى.
«‹ءبىر بەلدەۋ، ءبىر جول› كولەمدى جەلىلەس كىتاپتارى — شينجياڭ جاقسى جەر» كىتابىن شىعارۋ بارىسىندا باس شۋجي شي جينپيڭنىڭ ورتالىقتىڭ شينجياڭ قىزمەتى جونىندەگى ەكىنشى رەتكى اڭگىمە ماجىلىسىندە سويلەگەن ءسوزىنىڭ رۋحى جەتەكشى يدەيا ەتىلگەن، وسى ارقىلى سەنتردى توڭىرەكتەي وتىرىپ، جالپى جاعدايعا قىزمەت وتەۋ، نەگىزگى اۋەندى ساۋلەلەندىرۋ، وڭ ەنەرگيا تاراتۋ ماقسات ەتىلگەن، كىتاپتى جازۋعا سارالاعان اۆتورلار شينجياڭداعى ءار سالا، ءار كاسىپتەگى جەرگىلىكتى جازۋشىلار. قازىرگە دەيىن شىعارىلعان 10 تۋىندىدا جاڭا جۇڭگو قۇرىلعاننان بەرى شينجياڭدا تۋىلعان تاريحي وزگەرىستەر مەن شينجياڭنىڭ جەر - جەرىندە شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە جەر – كوكتى ءدۇر سىلكىندىرگەن وزگەرىستەر بولعانىن شينجياڭداعى قاراپايىم ادامداردىڭ تۇرعىسىنان، ءتۇرلى جاقتاردان شىنايى ايگىلەگەن.
ۇعىسۋعا قاراعاندا، جەلىلەس كىتاپتاردىڭ ءبىرىنشى توبىنداعى 10 كىتاپ بيىل 7 – ايدا باسپادان شىعىپ تاراتىلعان، ەكىنشى توبىنداعى 10 كىتاپ 9 – ايدىڭ اياعىندا جارىق كورەدى، جەلىلەس كىتاپتار جيىنى 5 توپ بويىنشا 50 كىتاپ بولىپ شىعارىلادى. بۇل جەلىلەس كىتاپتاردى ورتالىق كوميتەتتىڭ ۇگىت ءبولىمى نىسانعا قابىلداپ، مەملەكەتتىك باسپا قورى نىسانعا قارجى بولگەن، ورتالىق ۇلتتار ۋنيۆەرسيتەتى باسپاسى باسپادان شىعارىپ تاراتقان. بۇل جولى شاڭحاي كىتاپ كورمەسىندە اقپار جاريالاۋ جيىنىن وتكىزۋگە ۇسىنىس ەتىلۋى اتالعان باسپانىڭ مەملەكەتتىڭ ستراتەگياسىنا قىزمەت ەتىپ، ۇلتتىق مادەنيەتتى ساۋلەلەندىرۋ جاعىندا الەۋمەتتىڭ كەڭ كولەمدى قولداۋىنا يە بولعانىن كورسەتەدى.
كەلۋ قاينارى: حالىق تورابى
 |
جاڭا كىتاپ جونىندەگى اقپار جاريالاۋ جيىنىنىڭ ناق مايدانى
|
 |
جاڭا كىتاپ جونىندەگى اقپار جاريالاۋ جيىنىنىڭ ناق مايدانى
|
 |
جاڭا كىتاپ جونىندەگى اقپار جاريالاۋ جيىنىنىڭ ناق مايدانى
|
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
