بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

كوپ جەر ەڭ تومەنگى ەڭبەكاقى ولشەمىن رەتتەدى، كىمدەر ەڭ تومەنگى ەڭبەكاقى الادى

«حالىق گازەتىنىڭ» ءتىلشىسى شۇي پەييۇي 

2019.08.21 16:38     كەلۋ قاينارى : حالىق تورابى


  بيىل جىل باسىنان بەرى چۇڭچيڭ قالاسى، شاڭحاي قالاسى، شانشي ولكەسى، بەيجيڭ قالاسى ەڭ تومەنگى ەڭبەكاقى ولشەمىن ارت - ارتىنان رەتكە سالدى. 7 - ايدىڭ 24 - كۇنى ادام كۇشى بايلىعى جانە قوعامدىق قامتاماسىزداندىرۋ مينيسترلىگى ەڭ جاڭا مەملەكەتتىك ەڭ تومەنگى ەڭبەكاقى ولشەمىن جاريالادى. ساندى مالىمەتتە كورسەتىلۋىنشە، بيىل 6 - ايعا دەيىن شاڭحاي قالاسى ايىنا 2480 يۋاندىق ايلىق ەڭ تومەنگى ەڭبەكاقى ولشەمىمەن بۇكىل ەلدە الدا جۇرگەن، بەيجيڭ قالاسى ساعاتىنا 24 يۋاندىق ساعاتتىق ەڭبەكاقىمەن مەملەكەت بويىنشا ەڭ جوعارى ورىندا تۇرعان.

  وڭىرلىك پارىق نەلىكتەن مۇنشاما زور بولادى؟

  ــ تۇرلىشە وڭىرلەردە ەڭ تومەنگى ساعاتتىق ەڭبەكاقى پارقى ءبىر ەسەدەن استام، فۋجيان ولكەسىندە ەڭ تومەنگى ەڭبەكاقى ولشەمى 5 دارەجەگە بولىنەدى

  ادام كۇشى بايلىعى جانە قوعامدىق قامتاماسىزداندىرۋ مينيسترلىگى جاريالاعان ەڭ تومەنگى ەڭبەكاقى ولشەمى ايلىق ولشەم مەن ساعاتتىق ولشەمدى قامتيدى. ادەتتە ايلىق ەڭ تومەنگى ەڭبەكاقى ولشەمى تولىق كۇندىك ەڭبەكشىلەرگە، ساعاتتىق ەڭ تومەنگى ەڭبەكاقى ولشەمى تولىق كۇندىك ەمەس ەڭبەكشىلەرگە قولدانىلادى. جەر - جەر ەڭ تومەنگى ەڭبەكاقى ولشەمىن رەتتەگەندە، وسى ەكى ءتۇرلى ولشەمدى ءبىر ۋاقىتتا رەتتەپ وتىرادى.

  ەڭ تومەنگى ايلىق ەڭبەكاقى ساندى مالىمەتىنە قاراعاندا، بۇكىل ەلدەگى 32 جەردىڭ ىشىندە (31 ولكە، اۆتونوميالى رايون، توتە قاراستى قالا جانە گۋاڭدۇڭ ولكەسىنىڭ شىنجىن قالاسى) 7 ولكەنىڭ (اۆتونوميالى رايون، توتە قاراستى قالا) ەڭ تومەنگى ەڭبەكاقى ولشەمى ايىنا 2 مىڭ يۋاننان اسقان، رەتى بويىنشا، شاڭحاي قالاسىنىكى ايىنا 2480 يۋان، شىنجىن قالاسىنىكى ايىنا 2200 يۋان، بەيجيڭ قالاسىنىكى ايىنا 2200 يۋان، گۋاڭدۇڭ ولكەسىنىكى ايىنا 2100 يۋان، تيانجين قالاسىنىكى ايىنا 2050 يۋان، جياڭسۋ ولكەسىنىڭ ايىنا 2020 يۋان، جىجياڭ ولكەسىنىكى ايىنا 2010 يۋان بولعان.

  ەڭ تومەنگى ساعاتتىق ەڭبەكاقى ساندى مالىمەتىنە قاراعاندا، بەيجيڭ، شاڭحاي، تيانجين قالالارىنىڭ، گۋاڭدۇڭ ولكەسىنىڭ ەڭ تومەنگى ساعاتتىق ەڭبەكاقىسى 20 يۋاننان اسقان. بەيجيڭ قالاسى ساعاتىنا 24 يۋاندىق ەڭ تومەنگى ساعاتتىق ەڭبەكاقىمەن بۇكىل ەل بويىنشا الدا جۇرگەن، قالعاندارى رەتى بويىنشا شاڭحاي قالاسىندا 22 يۋان، تيانجين قالاسىندا 20.8 يۋان، گۋاڭدۇڭ ولكەسىندە 20.3 يۋان، شىنجىن قالاسىندا 20.3 يۋان بولعان. ال لياۋنيڭ ولكەسىنىڭ ەڭ تومەنگى ساعاتتىق ەڭبەكاقىسى 10.6 يۋان عانا بولىپ، ەڭ جوعارى ولشەمدەگى بەيجيڭمەن بولعان پارقى ءبىر ەسەدەن اسادى. بۇدان سىرت، ساعاتتىق ەڭبەكاقىسى ءبىرشاما تومەن رايونداردان تاعى حۋنان ولكەسى (ساعاتىنا 11.6 يۋان)، حيلۇڭجياڭ ولكەسى (ساعاتىنا 12 يۋان) جانە يۇننان ولكەسى (ساعاتىنا 13 يۋان) بار.

  جەر - جەردىڭ ەڭ تومەنگى ەڭبەكاقى ولشەمىنىڭ پارقى زور، بۇل جەر - جەردىڭ ەكونوميكالىق دامۋىنىڭ بىركەلكىسىزدىگىنەن باستاۋ الادى. ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ 2004 – جىلى 3 - ايدىڭ 1 - كۇنىنەن باستاپ اتقارعان «ەڭ تومەنگى ەڭبەكاقى بەلگىلەمەسىنە» نەگىزدەلگەندە، بۇكىل ەلدىڭ جەر - جەرىندەگى ەڭ تومەنگى ەڭبەكاقى ولشەمى جەر - جەردەگى تۇرعىنداردىڭ جىلدىق تۇرمىس قاراجات ورەسى، جۇمىسشى - قىزمەتكەرلەردىڭ ورتاشا ەڭبەكاقى ورەسى، ەكونوميكالىق دامۋ ورەسى، جۇمىسشى - قىزمەتكەرلەردىڭ قوعامدىق قامسىزداندىرۋ جانە تۇرعىن ءۇي الەۋمەتتىك قورى ورەسى، جۇمىسسىزدىق مولشەرى سياقتى فاكتورلاردى جان - جاقتى ويلاستىرۋ نەگىزىندە شىعارىلعان. جۇڭگو ەڭبەك عىلمي قوعامىنىڭ ۇسىنىس ەتىلگەن زەرتتەرمەنى سۋ حاينان بىلاي دەدى: «جۇڭگونىڭ اۋماعى كەڭ، جەر – جەردىڭ ەكونوميكالىق دامۋ ورەسى، زات باعاسى ورەسى، كىرىس ورەسى نەداۋىر پارىقتى، ءارقايسى ولكە، رايوننىڭ ەڭ تومەنگى ەڭبەكاقى ولشەمىنىڭ پارقى دا تابيعي تۇردە ءبىرشاما زور بولادى».

  ەڭ تومەنگى ەڭبەكاقىنى كىمدەر الىپ وتىر؟

  «ءوندىرىستىڭ ءبىرىنشى شەبىندەگى ورتا، تومەن دارەجەلى جۇمىس ورىندارىنداعى ەڭبەكشىلەردىڭ كىرىسى جالپى بەتتىك ەڭ تومەنگى ولشەممەن تەڭ نەمەسە ءسال جوعارى بولادى. بۇل شاعىن، ۇساق كاسىپورىنداردىڭ، ەڭبەك شوعىرلانعان ءبىر ءبولىم ورتا تۇرپاتتى كاسىپورىنداردىڭ، جالپىلىق مەنشىككە جاتپايتىن ورىنداردىڭ تومەن دارەجەلى جۇمىس ورىندارىن، مىسالى، ورتا، شاعىن، ۇساق ەڭبەك شوعىرلانعان كاسىپورىنداردىڭ قارا جۇمىسشىلارىن، ىسىلعان جۇمىسشىلاردى، تاسىمالداۋشىلاردى، تومەن دارەجەلى اسحانالارعا قىزمەت وتەۋشىلەردى، تۇرعىندار رايونىنداعى قاقپا كۇزەتشىلەرىن قامتيدى» دەدى سۋ حاينان.

  ءتىلشىنىڭ تەكسەرىپ بايقاۋىنشا، بەيجيڭدى مىسالعا الساق، تازالىق جۇمىسشىلارىنىڭ، اماندىق ساقتاۋشىلاردىڭ، ەرەن بازار ساتۋشىلارىنىڭ، قوناق ۇيگە قىزمەت وتەۋشىلەردىڭ ەڭبەكاقى دەڭگەيى نەگىزىنەن ەڭ تومەنگى ەڭبەكاقى دەڭگەيىندە بولادى ەكەن، اسىرەسە تاماق پەن جاتىن ورىندى كوتەرمەگە العاندا، قولعا تيەتىن ەڭبەكاقى ءتىپتى دە ازايادى ەكەن. ۇقساس جۇمىس ورىندارىندا جاسى ەگدەلەۋ كاسىپكەرلەردىڭ، مىسالى، 50 جاستان اسقان اماندىق ساقتاۋشىلاردىڭ، تازالىق جۇمىسشىلارىنىڭ ەڭبەكاقىسى تومەنىرەك بولادى ەكەن. (تولىق مازمۇنىن حالىق تورابىنىڭ حانزۋشا ارناسىنان وقي الاسىزدار)

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار