بايىرعى حۋتۇڭ شىت جاڭا بەينەگە ەندى (ايبىندى 70 جىل، كۇرەسكە تولى جاڭا ءداۋىر − ءبىرىنشى شەپكە بارىپ تەكسەرىپ – زەرتتەۋ)
«حالىق گازەتىنىڭ» ءتىلشىسى حى يۇڭ
2019.08.26 16:12 كەلۋ قاينارى : حالىق تورابى
ەڭسەلى الدىڭعى قاقپا (چيانمىن) بەيجيڭ قالاسىنىڭ گۇلدەنىپ – كوركەيۋىنە كۋا بولىپ وتىر، سونداي - اق ۇلكەن ورتالىق قالانىڭ شەتكەرى رايونداردى دامىتۋ ارمان – تىلەگىن دە ارقالاۋدا.
بەيجيڭ وسىزاماندانعان حالىقارالىق ۇلكەن ورتالىق قالالاردىڭ قاتارىنا كىرىپ بولعان ساتتە، چيانمىن شىعىس رايونى قارىشتاپ وزىپ بارا جاتقان باسقا رايوندارمەن سالىستىرعاندا، دامۋدا كەنجە قالىپ كەلدى.
2014 - جىلى 2 - ايدا باس شۋجي شي جينپيڭ بەيجيڭدە قىزمەت تەكسەردى ءارى ماڭىزدى ءسوز سويلەپ، چيانمىن شىعىس رايونىن قامتىعان تاريحي كوشەلەردىڭ بەت - بەينەسىن قورعاۋعا ايقىن باعدار كورسەتتى. ۇلى قالانىڭ گۇلدەنۋ ارمانى جەلكەن جايىپ، تاريحي استارى ارىدا جاتقان بايتاق دالا جاڭا ءۇمىتتى قارسى الدى.
5 جىلدان استام ۋاقىتتان بەرى 100 جىلدان استام ۋاقىت كوزدەن عايىپ بولعان سانلي وزەنىنىڭ كوشەنى كەسىپ سىلدىراي اققان كوركەم كورىنىسى قايتادان جارىققا شىقتى، شيداموچاڭ كوشەسىندە «سەيىلتۋ، جونگە سالۋ، جوعارىلاتۋدى جەبەۋ» ونىمدىلىگى كورنەكتى بولدى، ساۋچاڭ حۋتۇڭىنىڭ (حۋتۇڭ – موڭعۇل تىلىنەن ەنىپ قالىپتاسقان ءسوز، كوشە، ءمالى دەگەن ماعىنادا) اۋلاسىندا جاڭا، كونە تۇرعىندار توعىسىپ، بىرگە تۇرمىس كەشىرۋدە... چيانمىن شىعىس رايونى كونە قالانى كوركەيتۋدىڭ جاڭا ۇلگىسىنە اينالدى. بايىرعى حۋتۇڭ شىت جاڭا بەينەگە ەندى.
ماسەلەنى شەشۋ: تۇلعالىق جاقتان قورعاۋدا مادەنيەت جۇلگەسىنىڭ جالعاسۋىنا ءمان بەرىلدى
72 جاستاعى حوۋ ياميڭ بالا كەزىنەن بەرى چيانمىن شىعىس رايونىنداعى حۋتۇڭدا تۇرىپ كەلەدى، ءبىر ءۇيلى جان بۇل كۇندە كورشى 3 وتباسىمەن بىرگە اۋماعى 200 شارشى مەتر بىرلەسپە اۋلادا تۇرادى. اۋلا ءىشى جارىق تا تازا، ءۇي جيھازدارى قاراپايىم دا رەتتى.5 جىلدىڭ الدىندا وسى اۋلادا بەس - التى وتباسى تۇراتىن، كونەرگەن ۇيلەر ىعى – جىعى ورنالاسقان.
چيانمىن شىعىس رايونىنىڭ جاۋاپتى جوباگەرى جۋ شياۋدي − حۋتۇڭدا ەسەيگەن بەيجيڭنىڭ كونە تۇرعىنى، حۋتۇڭداعى تۇرعىنداردىڭ بۇرىنعى تۇرمىس جاعدايى وعان ابدەن قانىق، دارەتحانا ادەتتە ءۇي ىشىندە ەمەس، حۋتۇڭنىڭ ىشىندە بولادى، جولدىڭ الىستىعىن بىلاي قويعاندا، جازدا اۋا وتپەي، ماسا – شىبىن ۇيمەلەيتىن، قىس ءتۇسىپ، كۇن سۋىتقاندا قول جۋاتىن ورىن تابىلمايتىن، تۇتاس حۋتۇڭنان بوگدە ءيىس شىعىپ تۇراتىن.
چيانمىن شىعىس رايونى بەيجيڭ بايىرعى قالاسىنىڭ ىقشام كورىنىسى ىسپەتتى، بۇل وڭىردە 46 حۋتۇڭ بار. كەزىندە ساۋدامەن شۇعىلدانعان الپاۋىتتار جينالعان، المۇرت باعىنىڭ حوش ءيىسى اڭقىپ تۇراتىن، ساۋىقحانالار شوعىرلانعان، بەيجيڭدەگى ۋاكىلدىك سيپاتقا يە بايىرعى رايونداردىڭ ءبىرى بولعان. دەسە دە، قالانىڭ دامۋىنا ىلەسە كەزىندە بەيجيڭنىڭ ەرەكشەلىگىن بەينەلەيتىن حۋتۇڭداردىڭ تۇرمىسى بارعان سايىن باۋراۋ قۋاتىنان ايرىلدى، بەينەسى جۇدەۋ تارتىپ، ۇيلەرى كونەردى، كاسىپتەرى جاداعايلاندى، الباتى سالىنعان قۇرىلىس كوبەيىپ، قالا نەگىزدىك قۇرىلعىلارى جەتەرسىزدىك ەتتى...
ءىس جۇزىندە كونە قالانى وزگەرتۋ الدەقاشان باستالعان ەدى. 2005 - جىلى چيانمىن رايونىنىڭ تاريحي مادەنيەتىن قورعاۋ قىزمەتى باستالدى، ءبىراق ءونىمى ماردىمسىز بولىپ كەلدى. «بۇرىن كونە قالانى وزگەرتىپ سالۋدا ۇنەمى كەڭ كولەمدە اۋدارىپ تاستاۋ، قايتا قۇرۋ ۇلگىسى قولدانىلعان، ءبىراق چيانمىن شىعىس رايونى سىندى وڭتۇستىك پەن سولتۇستىكتىڭ وزگەشە مادەنيەتى توعىسقان تاريحي كوشە رايونىندا بۇل ۇلگىنى ىلگەرىلەتۋ قيىن ەدى». چيانمىن شىعىس رايونىنىڭ بەت - بەينەسىن قورعاۋعا ۇزاق ۋاقىتتان بەرى قاتىناسىپ كەلگەن دۋان جينمەي اقتارىلا بىلاي دەدى: باعىت دۇرىس يگەرىلمەسە، جالعاستىرۋدىڭ دا، كۇتە تۇرۋدىڭ دا قيسىنى بولماۋشى ەدى. وسى باعالى تاريحي مادەنيەت قۇرىلىستارى جوعالاتىن بولسا، زياننىڭ ورنىن تولتىرۋ مۇمكىن ەمەس.
2014 - جىلى 2 - ايدا باس شۋجي شي جينپيڭ بەيجيڭدە قىزمەت تەكسەرىپ، بىلاي دەپ اتاپ كورسەتتى: «بەيجيڭ − دۇنيە جۇزىندەگى ايگىلى بايىرعى استانا، باي تاريحي مادەنيەت مۇرالارى − باعالى تانىسقى، وسى قاستەرلى تاريحي مادەني مۇرالاردى ويداعىداي جالعاستىرۋ جانە قورعاۋ − استانانىڭ مىندەتى». بۇل ءسوز جول كورسەتكىش باعدار شام ىسپەتتى كونە قالانى گۇلدەندىرۋدەگى العا باسۋ بەتالىسىن ايقىندادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
