11 - كەزەكتى جۇڭگو حالىقارالىق حالىقتىق كوركەمونەر فەستيۆالى باستالدى
8 – ايدىڭ 28 - كۇنىنە دەيىن جالعاسادى
2019.08.26 16:23 كەلۋ قاينارى : حالىق تورابى
«حالىق گازەتى»، 8 - ايدىڭ 25 – كۇنى، كوكحوت (ءتىلشى جاڭ چىڭ). 8 - ايدىڭ 23 - كۇنى كەشتە 11 - كەزەكتى جۇڭگو حالىقارالىق حالىقتىق كوركەمونەر فەستيۆالى ىشكى موڭعۇل اۆتونوميالى رايونىنىڭ كوكحوت قالاسىندا اشىلدى، دۇنيە جۇزىندەگى 5 ۇلكەن قۇرلىقتاعى 13 مەملەكەتتەن كەلگەن 600 دەن استام كوركەمونەرشى كورەرمەندەرگە ەرەكشە حالىقارالىق ستيل مەن ۇلتتىق حالىقتىق ەرەكشەلىككە يە نومىرلەردى سالتاناتپەن ۇسىندى.
وسى كەزەكتى كوركەمونەر فەستيۆالىن جۇڭگو ادەبيەت - كوركەمونەرشىلەر بىرلەستىگى مەن ىشكى موڭعۇل اۆتونوميالى رايوندىق حالىق ۇكىمەتى بىرلەسىپ باسقارىپ وتكىزۋدە، وندا «دۇنيە ءجۇزى وركەنيەتىنىڭ اۋىس - كۇيىسىن، ءوزارا ۇلگى الۋىن كۇشەيتۋ؛ <ءبىر بەلدەۋ، ءبىر جول> رۋحىن ساۋلەلەندىرۋ؛ ەل ءىشى - سىرتىنداعى حالىق تىلەگىنىڭ توعىسۋىن جەبەپ، ادامزاتتىڭ تاعدىرلاس ورتاق تۇلعاسى قۇرىلىسىن ىلگەرىلەتۋ» باستى تاقىرىپ ەتىلىپ، 8 - ايدىڭ 28 - كۇنىنە دەيىن جالعاسادى. كوركەمونەر فەستيۆالى كەزىندە جۇڭگو - شەتەل كوركەمونەر ۇيىرمەلەرى مەن كوكحوت قالاسىنداعى كوپتەگەن ۇلانمۇچۇر ويىن – ساۋىق ۇيىرمەلەرى كوكحوتتاعى حوشۇت، اۋداندارعا بارىپ، نەگىزگى ساتىداعى بۇقاراعا ويىن قويادى.
جۇڭگو حالىقارالىق حالىقتىق كوركەمونەر فەستيۆالى 1990 – جىلدان باستاپ وتكىزىلىپ كەلە جاتقان، ءار 3 جىلدا ءبىر كەزەك وتكىزىلەتىن، مەملەكەتتىك كەڭەستىڭ بەكىتۋىنەن وتكەن، جۇڭگو ادەبيەت - كوركەمونەرشىلەر بىرلەستىگى ۇيىمداستىرعان ەلىمىزدەگى بىردەن - ءبىر كولەمدى حالىقارالىق حالىقتىق كوركەمونەر فەستيۆالى، كۇنى بۇگىنگە دەيىن 10 كەزەك ءساتتى وتكىزىلىپ، بەس قۇرلىقتاعى 65 مەملەكەتتىڭ 162 حالىقتىق كوركەمونەر ۇيىرمەسىنەن كەلگەن 3 مىڭنان استام شەتەل ونەرپازى جۇڭگوعا كەلىپ كوركەمونەر فەستيۆالىنە قاتىناسىپ، تىكەلەي تاماشالاعان كورەرمەن سانى نەشە ميلليون ادامعا جەتتى. مۇنان سىرت، جۇڭگو ادەبيەت - كوركەمونەرشىلەر بىرلەستىگى، ىشكى موڭعۇل اۆتونوميالى رايوندىق ادەبيەت - كوركەمونەرشىلەر بىرلەستىگى بىرلەسىپ ۇيىمداستىرعان «ايبىندى 70 جىل، جاڭا ءداۋىردى ەستەلىككە الۋ − كوكحوت قالاسىنىڭ جاڭا جۇڭگو قۇرىلعانىنىڭ 70 جىلدىعىن قۇتتىقتاۋ تاقىرىبىنداعى سۋرەت كورمەسى» وسى كۇنى اشىلدى. كورمە 60 تۋىندى ارقىلى كوكحوت قالاسىنىڭ ەكونوميكا، ساياسي، مادەنيەت، قوعام جانە ەكولوگيالىق وركەنيەت قۇرىلىسى سياقتى جاقتارداعى جاڭا بەت - بەينەسىن، تىڭ تابىسىن جالپى بەتتىك ايگىلەدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
