جۇڭحۋا حالىق رەسپۋبليكاسى قۇرىلعانىنىڭ 70 جىلدىعىن قۇتتىقتاۋ بايلانىسىمەن
استانا بەيجيڭدە سالتاناتتى، دابىرالى قۇتتىقتاۋ قيمىلى وتكىزىلەدى
2019.08.30 15:58 كەلۋ قاينارى : حالىق تورابى
1 - قازاندا تيان - انمىن الاڭىندا جۇڭحۋا حالىق رەسپۋبليكاسى قۇرىلعانىنىڭ 70 جىلدىعىن قۇتتىقتاۋ جينالىسى سالتاناتپەن وتكىزىلەدى، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى ءسوز سويلەيدى، قۇتتىقتاۋ جينالىسىنان كەيىن سالتاناتتى اسكەري پارات جانە بۇقارالىق ءجۇرىس وتكىزىلەدى.
شينحۋا اگەنتتىگى، 8 - ايدىڭ 29 - كۇنى، بەيجيڭ (تىلشىلەر لو شا، باي ياڭ). بيىل − جۇڭحۋا حالىق رەسپۋبليكاسى قۇرىلعانىنىڭ 70 جىلدىعى، وسى بايلانىسپەن استانا بەيجيڭدە سالتاناتتى، دابىرالى قۇتتىقتاۋ قيمىلى وتكىزىلەدى. 8 – ايدىڭ 29 - كۇنى ورتالىق ۇگىت ءبولىمىنىڭ ۇنەمىلىك ىستەرگە جاۋاپتى ورىنباسار باستىعى ۋاڭ شياۋحۇي مەملەكەتتىك كەڭەستىڭ اقپارات كەڭسەسىندە وتكىزىلگەن اقپار جاريالاۋ ماجىلىسىندە تىلشىلەرگە قۇتتىقتاۋ قيمىلىنىڭ ورنالاستىرىلۋ جاعدايىن تانىستىردى. مەملەكەتتىك دامۋ جانە رەفورما كوميتەتى، مادەنيەت جانە ساياحات مينيسترلىگى، بەيجيڭ قالاسى، اسكەري پارات باسشىلىق گرۋپپاسى كەڭسەسىندەگى جاۋاپتى جولداستار اقپار جاريالاۋ ماجىلىسىنە بىرگە قاتىناستى ءارى تىلشىلەردىڭ سۇراۋلارىنا جاۋاپ بەردى.
ۋاڭ شياۋحۇي تانىستىرىپ بىلاي دەدى: جۇڭحۋا حالىق رەسپۋبليكاسى قۇرىلعانىنىڭ 70 جىلدىعىن قۇتتىقتاۋ قيمىلىندا جۇڭحۋا حالىق رەسپۋبليكاسى قۇرىلعان 70 جىلدان بەرگى شۇعىلالى بارىس، ۇلى تابىس جانە باعالى تاجىريبە تولىق ايگىلەنەدى، پارتيانىڭ 18 – قۇرىلتايىنان بەرى شي جينپيڭ جولداس ۇيىتقى بولعان پارتيا ورتالىق كوميتەتى بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، ۇلى كۇرەس جۇرگىزىپ، ۇلى ينجەنەريانى اتقارىپ، ۇلى ىستەردى ىلگەرىلەتىپ، ۇلى ارماندى جۇزەگە اسىرىپ، پارتيا مەن مەملەكەت ىستەرىندە قول جەتكەن تاريحي تابىستاردى ىلگەرىلەتكەنى، وسى بارىستا تۋىلعان تاريحي وزگەرىستەر باسا كورسەتىلەدى، وسىلايشا بۇكىل پارتيا، بۇكىل ارميا، بۇكىل ەلدەگى ءار ۇلت حالقى شي جينپيڭ جولداس ۇيىتقى بولعان پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسۋعا، اۋەلگى ماقساتتى ۇمىتپاي، بورىشتى ەستە بەرىك ساقتاپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قاجىماي - تالماي كۇرەس جۇرگىزۋگە شابىتتاندىرىلادى جانە جۇمىلدىرىلادى.
تانىستىرۋعا قاراعاندا، قۇتتىقتاۋ قيمىلى نەگىزىنەن مىناداي ورنالاستىرۋلاردى قامتيدى ەكەن: 10 - ايدىڭ 1 - كۇنى تيان - انمىن الاڭىندا جۇڭحۋا حالىق رەسپۋبليكاسى قۇرىلعانىنىڭ 70 جىلدىعىن قۇتتىقتاۋ جينالىسى سالتاناتپەن وتكىزىلەدى، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى ءسوز سويلەيدى، قۇتتىقتاۋ جينالىسىنان كەيىن سالتاناتتى اسكەري پارات جانە بۇقارالىق ءجۇرىس وتكىزىلەدى. 10 - ايدىڭ 1 - كۇنى كەشتە تيان - انمىن الاڭىندا استانانىڭ مەملەكەت مەرەكەسىن قۇتتىقتاۋ بىرلەسپە ساۋىق قيمىلى وتكىزىلەدى، پارتيا مەن مەملەكەت باسشىلارى استانانىڭ ءار سالا ۋاكىلدەرىمەن بىرگە ساۋىق قيمىلىنا قاتىناسىپ، ادەبيەت - كوركەمونەر كونسەرتى مەن الاۋ ويىنىن تاماشالايدى. حالىق سارايىندا سالتاناتتى سيلىق تاراتۋ سالتى وتكىزىلىپ، جۇڭگوشا سوتسياليزم قۇرىلىسى مەن مەملەكەتتى قورعاۋ بارىسىندا ەلەۋلى ۇلەس قوسقان، ەلەۋلى ەڭبەك سىڭىرگەن، ءمورالى مەن كىسىلىگى وسكەلەڭ، بۇقارا مويىنداعان ۇزدىك قايراتكەرلەرگە، جۇڭگونىڭ سوتسياليستىك وسىزامانداندىرۋ قۇرىلىسىندا جانە جۇڭگو مەن شەتەلدىڭ اۋىس - كۇيىسىن، سەلبەستىگىن جەبەۋدە، دۇنيە ءجۇزىنىڭ بەيبىتشىلىگىن قورعاۋدا كورنەكتى ۇلەس قوسقان شەتەلدىكتەرگە، ءار سالا، ءار كاسىپتە ەلەۋلى ۇلەس قوسقان، وسكەلەڭ بەدەلگە يە، ءمورالى مەن كىسىلىگى وسكەلەڭ، بۇقارا مويىنداعان ۇزدىك قايراتكەرلەرگە جەكە - جەكە «رەسپۋبليكا وردەنى»، «دوستىق وردەنى» جانە مەملەكەتتىك داڭق اتاعى بەرىلەدى، جۇڭحۋا حالىق رەسپۋبليكاسىنىڭ ءتوراعاسى شي جينپيڭ وردەن، مەدال تاراتىپ، كۋالىك بەرەدى. 9 - ايدىڭ 30 - كۇنى − قۇربانداردى ەسكە الۋ كۇنى، وسى كۇنى تيان - انمىن الاڭىنداعى حالىق قاھارماندارى ەسكەرتكىشىنىڭ الدىندا حالىق قاھارماندارىنا گۇل شارباق قويۋ سالتى وتكىزىلەدى، پارتيا مەن مەملەكەت باسشىلارى جانە استاناداعى ءار سالانىڭ، بۇقارانىڭ ۋاكىلدەرى قاتىناسادى. جۇڭحۋا حالىق رەسپۋبليكاسىنىڭ ءتوراعاسى شي جينپيڭنىڭ اتىنان حالىق سارايىندا مەملەكەت مەرەكەسىن قۇتتىقتاۋعا ارنالعان سالتاناتتى قوناعاسى وتكىزىلەدى، ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى ءسوز سويلەيدى. حالىق سارايىندا كولەمدى مۋزىكا - ءبي ەپوسى فورماسىندا ازىرلەنگەن، «قۇلشىنايىق، جۇڭحۋا ۇلاندارى» اتىنداعى جۇڭحۋا حالىق رەسپۋبليكاسى قۇرىلعانىنىڭ 70 جىلدىعىن قۇتتىقتاۋ ادەبيەت - كوركەمونەر ساۋىق كەشى وتكىزىلەدى. 9 - ايدان باستاپ بەيجيڭ كورمە سارايىندا جۇڭحۋا حالىق رەسپۋبليكاسى قۇرىلعانىنىڭ 70 جىلدىعىن قۇتتىقتاۋ كولەمدى تابىس كورمەسى وتكىزىلەدى. ج ك پ ورتالىق كوميتەتى، مەملەكەتتىك كەڭەس، ورتالىق اسكەري ىستەر كوميتەتى اتىنان «جۇڭحۋا حالىق رەسپۋبليكاسى قۇرىلعانىنىڭ 70 جىلدىعىن قۇتتىقتاۋ» ەستەلىك وردەنى تاراتىلادى. جۇڭحۋا حالىق رەسپۋبليكاسى قۇرىلعان 70 جىلدان بەرى قول جەتكىزىلگەن شۇعىلالى تابىستاردى باستى مازمۇن ەتە وتىرىپ، كولەمدى قۇجاتتىق فيلم جاسالادى جانە تاراتىلادى. جۇڭحۋا حالىق رەسپۋبليكاسى قۇرىلعانىنىڭ 70 جىلدىعىن قۇتتىقتاۋ تاقىرىپ ەتىلىپ ەستەلىك اقشا جانە ەستەلىك ماركا تاراتىلادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
